Isaiah 1:4 - Syin Chin Bible

⁴ No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 1:4 Iomraidhean Croise

Pianciilna 13:13

Sodom mite sia seksol a, Topa tungah nasia takin a maw a khialte ahi uh hi.

2 Kumpite 21:22

Ama in a taanghpupite ii Pathian, Topa nial a, Topa ii thupiak ni ngawl hi.

2 Khangtaanghthu 12:1

Rehoboam in a kumpi thuneina a kip zawk po ma ciang ama le a mite theampo in Topa Thukham nusia uh hi.

2 Khangtaanghthu 27:2

Ama in a pa ngamtat bangin, Topa ii dik a sak te seam hi; ahihang a pa bang hi ngawlin Biakinnpi sungah ngimnamtui halin maw ngawl hi. A mite ahile mawna vawt veve uh hi.

Nehemiah 1:7

Seksol ngamtatna taw nang kong langpan zo uh a, nong thupiakte ka zui bua uh hi. Na naseampa Moses tungtawnin nong piak thukhamte ka zui bua uh hi.

Psalm Late 58:3

Mihing ngilote in a khan tawntung ngamtatna maan ngawl taw nungta uh hi; a pian ni pan kipan leilot thuson uh hi.

Psalm Late 71:22

Tengtongh tumna taw nang kong pok tatak tu hi. Na thu maanna kong pok tu hi, ka Pathian awng. Israel te ii a Thiangtho Pa awng, ka tengtongh tumin pokna la kong sak tu hi.

Psalm Late 78:40

Sennealngam sungah amate in ama bang tanvei langpan in, bang tanvei ama heesak ziam!

Psalm Late 78:41

Amate in Pathian ze et kikik uh a, Israel ii a thiangtho Pathian tungah thin natna piangsak hi.

Psalm Late 78:57

ahihang amate sia a taanghpupite bangma in, langpan nopna thin le thumaan nop ngawlna thin nei uh a, thaltang koai khat bangma in muanhuai ngawl hi.

Psalm Late 78:8

Amate in a langpante le thu ni ngawl, Pathian a upna uh a kho ngawl, ama tungah a thumaan top ngawl a taanghpupite bang ahi buatu uh hi.

Psalm Late 89:18

Topa awng, nangma in kote hong dalpa nong tealsak hi; Israel ii a Thiangtho Pathian awng, nangma in ko atu kumpipa nong pia hi.

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 1:28

Ahihang mawna a vawtte le ama a langpante theampo, ama in sucip tu a; ama a taisan peuma thatlum tu hi.

Isaiah 10:6

Kei hong thin uuksak mite ahi Pathian sel minam khat a sim tu in Assyria ka puak hi. Keima in amate sia vanh suttol tu, vanh ngu tu le lampi tung a leivui bangin mite tuanhcil tu in ka sawl hi,” ci hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 14:20

Nangma in na ngam susia a, na mite mama na thatlup hu in nang sia kumpi dangte bangin hong kiphum ngawl tu hi. A tatsia na innkuan sungah kuama nungta ngawl tu hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 3:8

Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

Isaiah 30:1

Topa in: “Judah ngamukte a lal ahi hi, banghang ziam cile amate in kei hong langpan uh hi. Amate in kei ngealna ahi ngawlte zui in, kei deina langpanin thuciamnate vawt a, mawna khat zawkciang khat vawt thawthua uh hi.

Isaiah 30:15

Vaanglianpipa Topa Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!

Isaiah 30:9

Amate in Pathian langpan tawntung, leilot tawntungin, Topa hilnate nial tawntung uh hi.

Isaiah 31:2

Topa in a sep sia he hi! Ama in siatna tungsak hi. Ama in mi tatsiate le a panpuite daan ka pia tu ci in a tawn bangin seam hi.

Isaiah 37:23

Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 41:20

Hi teng mite in mu in Topa, keima in hi nate vawt zo hi ci sia he tu uh hi. Israel te ii a thiangtho Pathian in hite a piansakna thu sia amate in he tu uh hi,” ci hi.

Isaiah 5:19

Note in, “Topa in ka vawt tu hi a ci sia hi vabil in vawt tahen, tua hile ih mu thei tu hi. Israel ii a thiangtho Pathian in ama ngealnate vawt hen; a thinsung ah bang ngaisun ziam en tek tawng,” na ci uh hi.

Isaiah 5:24

Tua ahiciang tu in, taangphaw le lopa ko ngimngeamte mei a kak bangma in, na zungte muatin na paakpalhte kongaw tu a, vui in lenkeak tu hi, banghang ziam cile, noma in Vaanglianbelpa Topa Israel te ii a thiangtho Pathian ii ei hong hilna thu na nial zo uh hi.

Isaiah 57:17

Amate ii mawna le duhopna hu in amate tungah ka thin uuk hi, tua hu in amate daan pia in ka nusia hi. Ahihang amate a thin uh pui in a ngamtat ngei bangin ngamta veve uh hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Isaiah 65:3

Amate maizum maw in ka thin hong uuksak tan lai hi. Huan thiangthote sungah amate in doai biakpiakna te vawtin doai biaknataute tungah ngimnamtui hal uh hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 2:33

Lawm zonna zia na thiam mama uh hi. Numei a siabel zongh in no kung panin thiamna hong sin thei hi.

Jeremiah 2:5

Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Jeremiah 32:32

banghang ziam cile Judah mite le Jerusalem khua mite in a kumpite le a lampuite, a thiampite le a kamsaangte uh taw a sia a vawt uh hang ahi hi.

Jeremiah 50:29

“Babylon sim tu in thalkaap thiamte son vun. Thal le thaltang a zangh thiamte theampo kuansak vun. A khuapi kiim uum vun a khat zongh suaktasak heak vun. A sep a vawt theampo thuk kik vun, midangte tungah a vawt bangin a tungah vawt vun, banghang ziam cile a kiphatsakna taw diang in Israel ii a Thiangtho Pa, hong langpan hi.

Jeremiah 51:5

Amate in Israel ii a Thiangtho Pa, Keima tungah hong maw zo ahitazong Keima, Topa Pathian Vaanglianbelpa in Israel le Judah ka taisan bua hi.

Jeremiah 7:19

Ahihang amate ii thin a natsak sia, keima tatak ka hi ziam? Hi ngawl hi, amate le amate kivawtin a na hi a, maizum kipia ahi uh hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Ezekiel 14:5

Tua milimte in Israel te sia kei kung pan kiheaksak hi, ahihang ka zona taw amate ii citakna hong nei kik tu in ka lamen hi.

Ezekiel 16:33

Pumpi zuak khat sia sum taw kithamh hi, ahihang nang in na lawmpate theampo letsong na pia a, nang taw lumkhawm tu in mun theampo panin amate hong pai natu in sumnguk na pia hi.

Ezekiel 16:45

Nang sia na Nu ii tanu hi takpi ni hi. Ama in a pasal le a tate huatsa hi. Na suapuinumeite taw kibang ni hi, amate in a pasalte le a tate huatsa hi. Nang le na khuapi puite in Hit te nu khat nei a, Amor te pa khat nei hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Zephaniah 1:6

Kei hong nungngat in, kei hong zui nawn ngawlte, kei tungah lamlak natu ngen ngawl a, hong zuan ngawlte ka susia tu hi,” ci hi.

Mi Simna 32:14

Tu in, mawnei khangthak note in na pate dinmun la in, Israel tungah a nasia mama Topa thin uukna thengsak kik tu in kithoai nu hi.

Matthew 11:28

“Vanhngit pua in, a toite theampo awng, kei kungah hong pai tavun, tawlngakna kong pia tu hi.

Matthew 23:33

Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Romete 8:7

Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatakin ni thei ngawl hi.

1 Corinth te 10:22

Tua ahibuale Topa sia a eang pa suaksak nuam ih hi ziam? Ama sangin eite hat zaw kisa ih hi ziam?

Thuhil kikna 29:25

Tuaciang, ‘A taanghpupite ii Pathian in Egypt ngam pan a pusuapui lai in amate taw a vawt thuciamna sia Topa ii mite in a palsat hang ahi hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Thuhil kikna 32:19

“Hi thu teng Topa in a mu ciang a thin uuk a, a tapate le a tanute nial hi.

Thuhil kikna 32:5

Ahizong note sia thumaan ngawlin ama ii mi tu in na citaak bua uh a, mawnei le a ngualtheam thei minam na hi uh hi.

Colossae te 1:24

Tu in no atu ka thuak nate tungtaang ah ka lungdam hi, banghang ziam cile a pumpi ahi pawlpi atu Christ ii thuak tu a om laite a khuangkhim natu in keima in cii le sa taw ka thuak ciangin a hu ka hi hi.

Thupualaakna 18:5

Banghang ziam cile ama ii mawnate in van ban a, Pathian in ama ii ngitlonate ciamtee hi.

Thukhente 10:10

Tua zawkciang Israel te au in Topa tungah, “Nangma tungah hong maw zo khu hi, nang ka Pathian uh kong nusia a, Baalte ka bia uh hi,” ci uh hi.