Isaiah 1:3 - Syin Chin Bible

³ Khuite in a topa he uh a, laate in a topa ii an piakna mun he hi. Ahihang ka mihing Israel te in tua za in he ngawl hi. Amate in tel vet ngawl uh hi,” ci hi.

Isaiah 1:3 Iomraidhean Croise

Psalm Late 94:8

Ka mite awng, bangbangin tuaza dongin mawmaw in ngoai thei nu ziam? Bang hun ciangin tel tu nu ziam?

Paunakte 28:5

Mihing ngilote in thukhaikim sia bang ziam ci in a he bua uh hi, ahihang Topa a biate in pha takin tel uh hi.

Paunakte 6:6

Mihing dathamte in mitsate nuntakzia tung pan sin tahen.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Isaiah 42:20

Israel awng, nang in tam mama na mu zo hi, ahihang nang atu in bang khiakna nei ziam? Na khuazaak natu in bil na nei hi, ahihang bang tatak na za ziam?” ci hi.

Isaiah 44:18

Tuabang mite sia mawmaw leilam ahikom amate in bang teng vawt khu ziam ci zongh he ngawl hi. Amate in thumaan thutak a mu thei ngawl natu in, a mit uh si in, a tel thei ngawl natu in a ngaisutna khak uh hi.

Isaiah 5:12

Na poai sung uh ah tengtongh, daalkual khuangnote, tamngaite, na tum uh a — tuaciang sapittui na ne uh hi. Ahihang Topa in bang seam cisia na tel bua uh hi,

Isaiah 5:13

tua ahikom thongtaakte bangin hong kipaipui tu hi. Na lampuite ngilkialin pukthi tu a, nautaang mite dangko in thi tu uh hi.

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Jeremiah 10:14

Hi thu a mu uh ciang, mihingte mawmaw kisa in lung amh uh hi; tua milim a vawtte in a maan sia mu uh hi; banghang ziam cile amate vawt pathiante maan ngawl a, nuntakna nei ngawl uh hi.

Jeremiah 10:8

Amate theampo ngoai in mawmaw uh hi. Thing taw kivawt milimte kung pan amate in bang sin thei tu ziam?

Jeremiah 35:16

Jonadab ii tu le tate in a taanghpupite ii thupiakna mang uh hi, ahihang note in ka thu nong ni bua uh hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 50:6

“Ka mite sia tuucingte ii mualtung tengah a bosua tuute taw kibang hi. Amate sia tuute bangin mual khat pan mual khat ah vakthap kawkoai uh a, a inn omna mun mangil zo uh hi.

Jeremiah 8:7

Stork vacimliante ngawngawn in a heak kik tu hun he uh hi; vakhute, pialpiate le vaphitte in mun dangah a tai tu hun he uh hi. Ahihang ka mite awng, no kong ukna thukhamte na he bua uh hi.

Ezekiel 16:30

Vaanglianpipa Topa pauna hisia hi: “Nang in a maizum maw pumpi zuak khat bangin hi teng na seam hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Hosea 2:8

Ama ii Baal biakna ah a zak ngunn le khamh theampo le olive thau, sapittui le antang a pia sia keima ka hi hunlam ama in kitelsak ngeingawl hi.

Matthew 13:19

Kumpingam thu huvau thu kisonte za napi a tel ngawlte sia lampi tungah a taak thaiciite taw kibang hi. Ngilopa hong pai a amate ii sungah a kituu thute laaksak hi.

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.

2 Peter 3:5

Khuangei mama lai in, Pathian in thupia a, vantungte le leitung kibitphua ahi sia amate in thusim ngawl kaltang uh hi. Leitung sia tui sung pan le tui taw in kipiangsak hi,