Isaiah 1:16 - Syin Chin Bible

¹⁶ Noma le noma kithiangsak vun. Ka mu tangin a sia na vawt uh theampo vawt nawn heak vun. Hi hi, a sia ngamtatnate kheal vun a,

Isaiah 1:16 Iomraidhean Croise

2 Kumpite 17:13

Topa in a kamtai te le a kamsaangte paisakin Israel le Judah te a kidop natu in sawl a: “Na ngamtat siatna uhte nusia vun a, na taanghpupite uh ka piak Thukhamte sungah a om, ka naseam ka kamsaangte tungtawnin no tungah kong piak kong sawlna te ni vun,” ci hi.

Psalm Late 26:6

Topa awng, mawbaang ngawl ka hi hunlam ka khut silin kong lak a, na biaknatau kiim ah pai in kong bia hi.

Psalm Late 34:14

Ngitlonate nungngatin a pha vawt vun; na thin theampo uh taw kilemna a om natu in hanciam vun.

Psalm Late 37:27

Ngitlona panin kiheak vun a, a pha vawt vun, tuasia ciang na suan na paalte in tua leitang tungah teang tawntung tu hi;

Psalm Late 51:2

Ka ngitlona theampo hong silsak ta'n a, ka mawna panin hong thiangthosak ta'n!

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Paunakte 4:27

Siatnate pial in a, tang takin mai sangah kalsuan in. A maan lampi panin kal khat zongh pial heak in.

Isaiah 52:11

Biakinn vanh a pua note theampo awng, Babylon nusia vun. A kikhaam vanhte thutha heak vun; a thiangtho in om vun a, tuaciang nusia vun.

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 25:5

Nang le na taanghpupite ii a tawntung na lua tu in Topa ii hong piaksa ngam sungah na teen tan thei natu uh in, na seksolnate le a sia na ngamtatnate panin na kikheal natu uh kamsaangte in no tungah hong son zo hi.

Jeremiah 26:3

Tua mihingte in na thu hong ngai tu a, a ngamtat siatnate kheal thei tha tu hi. A kikheal uh le, amate ii seksol ngamtatna hang a, amate suksiat tu in ka tup ka ngaisut sia ka kheal kik tu hi,” hong ci hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Jonah 3:8

Mi theampo le nganhing theampo in khau-ip puan silh tu hi. Mi simin Pathian tungah nasia takin thungen tu a, ngitlo ngamtatna le a siathuai a tuk a diannate nusia tu hi.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Zechariah 7:7

Hi thu in Jerusalem khangto a, mihing taw a kidim hun lai, mihing tam mamate tua khuapi kiim a om khuate sung bek ah teang ngawlin thangsang ngamkhen le nitumna sang mualpeang te zongh ah a teen hun lai pekin kamsaang masate tungtawn a, Topa ii sonsa ahi hi.

Matthew 3:8

Mawna pan kisii kikna lim kilanghsak vun.

Sawltakte 22:16

Tu in banghang ngangak lai ni ziam? Tho in a, tui kiphumin, ama tung thungetna taw, na mawnate, kisilthiangsak in,’ hong ci hi.

Romete 12:9

Ki itna in thin tak ahi tu thupi hi. A sia theampo ensan vun a, a pha ci theampo keamcing tavun.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 Peter 3:11

Amate in siatna pan kikhealin phatna vawt nanak tahen; amate in kilem natu a thin theampo taw a hanciam kul hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.