Isaiah 1:11 - Syin Chin Bible

¹¹ Ama in, “Kei tungah nong piak bul biakpiaknate theampo dei tu in hong um nu ziam? Nganhing a limci, a thaute le meihal biakpiakna a nong nei tuute zaa sangin a kicing vaal zaw ka nei hi. Khuitalte, tuute le kealte ii chi cimtak zo khi hi.

Isaiah 1:11 Iomraidhean Croise

Psalm Late 40:6

Sangaw biakpiakna le piakkhiatnate na dei bua hi; biaknatau tungah nganhing pumhal tu nong ngen bua hi, tua ahibuale zong mawnate laak keak natu in sangaw biaknate nong ngen bua hi. Tuate taangin na aw ka zaak thei natu in bil nong pia hi,

Psalm Late 50:8

Na sangaw biakpiaknate hu le nong piak tawntung uh meihal biakpiaknate hu in kong mawsak bua hi.

Psalm Late 51:16

Sangaw biakpiaknate na dei bua hi, tua hi buale tuate kong pia zo tu hi; meihal biakpiaknate taw na lung a kim zo bua hi.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Paunakte 21:27

Mihing seksolte ii sangaw biakna a piak ciang, a tuanin ngitlo thin taw a pia le Topa in huatsa hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Isaiah 66:3

Mihingte sia a uuk bang po in ngamta uh hi. Amate in khuital khat ngo in, ahibuale mihing khat that in, biakpiakna in nei a; tuuno, ahibuale ui khat ii ngawng thiaktanin biakpiakna in nei a; antang, ahibuale vokte ii chi pia a; ngimnamtui pia, ahibuale milim khat tungah thu a nget uh sia amate atu in kibang siat hi. Amate in a kiihuai biaknate diksa uh hi.

Jeremiah 6:20

Amate ii kei atu Sheba ngam panin ngimnamtui hong puak sia, ahibuale ngam khuala pan hel namtui hong puakte bangma ka awlmawk bua hi. Amate ii hong piakte ka saang buatu hi, ahibuale a biakpiaknate taw lungkim ngawl tu khi hi.

Jeremiah 7:21

“Ka mite awng, biakpiakna pawlkhat sia biaknatau tungah haltumin, pawlkhat sia ne thei nu hi. Ahihang Topa keima in, a vekpi ma zong ne thei nu hi kong ci hi.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Amos 5:21

Topa in, “Na biakna poaite ngaimaw khi hi; tuate sia kiihuai sa khi hi!

Amos 5:22

Meihal biakpiakna le antang biakpiakna nong piak uh ciang hong saang ngawl tu khi hi; kei biakpiakna in nong paipui, thau takin na vak nganhingte hong saang ngawl tu khi hi.

Micah 6:7

Tuu a tul sim ahizong, a bomaw lui bang in a luang Olive thaute ahizong puak leng Topa a lungkim tu ziam? Ka mawphel natu in ka taciil ka pia tu ziam?

Haggai 2:14

Tuasia ciang Haggai in, “Topa in, hi ngam sungah mite le a piansak nate theampo tungah a piangte a kibangma hi ci hi; tua ahikom biaknatau tungah a piak theampo ninsak hi,” ci hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Malachi 1:10

Vaanglianbelpa Topa in, “Ka biaknatau tungah a kimang ngawl meite na hal ngawl natu in note khat in biakinn kongkhate khak le uh teh kong oai hi. No tungah ka lungkim ngawl a; kei kung nong paipui biakpiaknate kong saang buatu hi.

Matthew 22:4

Tua ahikom naseam dangte paisak a, khual a kihilte munah hi bang sawl hi. ‘Ka poai sia tu in a kipan thei tu hi zo hi; ka khuital le ka khuino thaute kingo zo hi, na theampo kinging sa in om zo hi. Mopoai ah hong pai tavun!’

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.