Hosea 9:8 - Syin Chin Bible

⁸ Pathian in Israel a mite kidop natu thupia tu in kamsaang khatin kei hong sawl hi. Tua hikasap ka paina po ah vacim khat bangin thaangsia tu nong sawm uh hi. Pathian Biakinnpi tung ngawngawn ah mihingte sia kamsaangpa ii ngalte suak hi.

Hosea 9:8 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

1 Kumpite 18:1

Nguatui a hanh zawk kum thum a phak zawk hiat ciangin Topa in Elijah munah, “Va pai ta'n a, Kumpipa Ahab mai ah kilak ta'n, tuaciang ngua kong zusak tu hi,” ci hi.

1 Kumpite 18:19

Tu in Israel mite theampo kei taw Carmel mual ah kisi tu in thupia in. Baal kamsaang 450 le numeipathian Asherah kamsaang 400, kumpinu Jezebel ii a vaak teng hong paipui tavun,” ci hi.

1 Kumpite 22:11

Amate sung pan khat, Chenaanah ii tapa Zedekiah in thik kiite vawt a, Ahab munah, “Hisia Topa ii pauna hi: ‘Hite taw Syria te na sim tu a, na zocip tu hi,’ ” ci hi.

1 Kumpite 22:22

Topa in ‘Bangbangin maw?’ ci in dongh hi. Tua thaa in, ‘Keima pai in Ahab ii kamsaangte theampo leilot thu ka sonsak tu hi!’ ci in zo kik hi. Topa in, ‘Va pai ta'n a, va theam ta'n, theam zo tu ni hi,’ ” ci hi.

1 Kumpite 22:28

“Bangma tat ngawlin nong heak kik le Topa in kei tungtawn a hong pau ngawl hi tu hi,” ci in Micaiah in ci ngaw hi. Tuaciang ama in, “Ka ci sa teng kuama po in hong ngai tavun!” ci lai hi.

1 Kumpite 22:6

Tua ahikom Ahab in kamsaangte 400 bang samin, “Kei pai in Ramoth sim tu khi ziam maw, sim ngawl tu khi ziam?” ci in dongh hi. Amate in, “Sim in, Topa in zawna hong pia tu hi,” ci in zo hi.

2 Kumpite 13:21

Khatvei mithi khat a kivui laitakin tua ngalte honkhat kingal mu a, tuaciang mithi puate in a thiluang sia Elisha ii thaan sungah lawnsuk uh a, amate taikeak uh hi. Elisha ii ngu taw a kiphak po ciang mithi sia nungta kik a, ding to hi.

2 Kumpite 2:14

Ama in nguntui sia Elijah ii puantual taw vaat a, “Elijah ii Pathian Topa a koi sungah om ziam?” ci hi. Tuaciang ama in tui vaat kik in, tui hong kikhen a, ngun langkhat ah pai hi.

2 Kumpite 2:21

tuaciang ama in cik ah pai in, tui sungah a ci lawn a, “Hisia Topa ii kammal hi: ‘Tui hisia thiangthosak khi hi, tua tui in thina ahizong, nautolna ahizong piangsak nawn ngawl tu hi,’ ” ci hi.

2 Kumpite 4:41

Elisha in, an tawm ngenin beal sungah tha hi, tuaciangin ama in, “Amate ii neak tu satui tawm thuuk thua lai vun,” ci hi. Tua zawkciang satui sia bangma siat huai nawn ngawl hi.

2 Kumpite 4:43

ahihang naseampa in, “Mihing zakhat atu hi teng kikhom tu in um ni ziam?” ci in zo hi. Elisha in, “A neak tu in amate pia in, banghang ziam cile amate in ne tu a, a neak vaal zongh om tu hi, Topa in ci hi,” ci in zo kik hi.

2 Kumpite 5:14

Tua ahikom Jordan ngun ah Naaman paisuk in, Elisha ii ci bangin ngun tui sungah ama le ama salivei kipap a, tuaciang ama dam thiang sitset hi. Ama ii sa sia hong ciip in a ciidam a, nauno khat ii cii le sa bang ahi hi.

2 Kumpite 5:27

Tu in Naaman ii natna teng nang tungah hong theng tu a, nang le na suan na paal theampo in tua natna a tawntungin vei tu nu hi!” ci hi. Gehazi a pusua ciang ama in tua natna nga in — a vun sia vuuk bangin kaang hi.

2 Kumpite 7:19

tua ulian pa in, “Tuabang piang thei ngawl tu hi — Topa mama in thakhat thu in antang hong puak hial zong piang thei ngawl tu hi!” ci in zo hi. Tuaciang Elisha in, “Tuasia a pian mu tu ni hi, ahihang nang in na ne ngei buatu hi,” ci in zo kik hi.

2 Kumpite 7:2

Kumpipa a cing tuam pa in Elisha mun ah, “Tuabang piang thei ngawl tu hi — Topa in thakhat thu in antang hong puak hial zong piang thei ngawl tu hi!” ci hi. Elisha in, “Tuabang a pian sia mu tu ni hi, ahihang nang in tua an peuma na ne ngei buatu hi,” ci in zo kik hi.

Psalm Late 124:7

Savaipa thaang sung pan a suakta vacim khat bangin ei zongh ih suakta zo hi; a thaang taltham zo a, eite suakta hi hing!

Thuhilsya 9:12

Na hun hong thet tu na he ngei bua hi. Thakhat thu in vacimte thaang sungah a kimat bang, ngasate ngeen taw a kimat bangin, eite zongh ih muanmawk ngawl het laitakin thaang sungah hong kiman hi.

Solomon ii La 3:3

Khuapi a cing ngalvilte in kei hong mu hi. Amate tungah “Ka ngaino na mu uh ziam?” ci in ka dongh hi.

Isaiah 62:6

Jerusalem awng, na luphungte tungah ngalvilte ka koi zo hi; amate sia sun zong zan zong thimdide ngeingawl het tu hi. Topa ii kamciamnate amate in Topa phawksak nanak tu a, Tuaciang mangilsak ngeingawl tu hi.

Jeremiah 11:19

Thalup tu a, a kipaipui a tote a muang tuuno khat bang ka hi a, amate ii a sia hong sawmnate ahi hunlam ka he bua hi. “Thingkung a nga thiam laitakin phuktan tawng; ama sia kuama ii a phaw nawn ngawl natu in thatlum tawng,” amate in ci uh hi.

Jeremiah 14:13

Tuaciang keima in, “Vaanglianpipa Topa awng, kamsaangte ii hi ngam ah ngal kidona ahibuale kialpi tunna om ngawl tu hi, banghang ziam cile nangma in ih ngam sungah kilemna bek om tu in hong kamciam ci in mipite tungah a son sia na he hi,” ka ci hi.

Jeremiah 23:13

Samaria kamsaangte ii mawna ka mu zo hi: amate in Baal min suangin thuhil uh a ka mite lam pialpui uh hi.

Jeremiah 31:6

Hi hi, ngalvilte in Ephraim mualtung panin, ‘Ih Topa Pathian kung Zion ah paito ka tawng’ ci in a sam tu hun hong theng tu hi,” ci hi.

Jeremiah 6:14

Ka mite ii liamna mate sia a vuntham bak bang bekin amate in ngaisun uh hi. Pha siat ngawl napi, ‘Pha siat hi,’ ci uh hi.

Jeremiah 6:17

Tuaciang kidop natu lemle aw ngai tu in Topa in ngalvilte koi hi. Ahihang amate in, “Ngai ngawl tu khu hi!” ci uh hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Kaa late 4:13

Ahihang hisia thu piang hi, banghang ziam cile a kamsaangte maw a, a thiampite in mawnei ngawl mihingte a a thisak uh hang ahi hi.

Ezekiel 3:17

Ama in “A thithei mihing awng, Israel minam atu ngalvil khat in nang kong koi tu hi. Kidop natu nang tungah kong piak thute, amate tungah sonsawn tu ni hi.

Ezekiel 33:7

“Tu in, a thithei mihing awng, nang Israel minam ii ngalvilpa in kong koi hi. Nang tungah kidop natu thu kong piak pawpo sia amate zasak sawn tu ni hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Micah 7:4

Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

John 15:24

Ngualdang ii vawt ngeingawlte amate sungah vawt ngawl hi leng amate in mawna a nei buatu uh hi; tu in ahile amate in ka sep teng hong mu zo a, kei le ka Pa hong ensan khawm hi.

Romete 3:7

Ahihang keima ii thumaan ngawlna in Pathian thumaanna kiciansak zaw kan a, ama ii minthanna suaksak le bangbang hi tu ziam? Tua ahile banghangin kei mawnei hi ci in hong kipuavawk lalai tu ziam?

Hebrew te 13:17

Na lampuite ii thupiakna na zui vun. Amate ii thu na ni vun. Amate in tawlnga ngawlin na thaa uh hong cinsak hi, banghang ziam cile amate in, Pathian tungah amate nasep huvau sazian a lak kul tu hi. Amate thu na ni uh le amate sia lungdam takin, naseam tu hi; tua hi buathong le, amate in heena taw naseam tu a, note atu in bangma phattuamna a om buatu hi.