Hosea 9:7 - Syin Chin Bible

⁷ Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Hosea 9:7 Iomraidhean Croise

2 Kumpite 9:11

Jehu sia a ngalkap maang puite kungah pai kik a, amate in, “Na theampo a pha na'am? Tua a mawmawt tuak pa sia in nang tung pan bang dei ziam?” ci uh hi. Jehu in, “Ama ii dei sia he nu hi,” ci in zo hi.

Isaiah 10:3

Pathian in note daan hong piak ciang note in bang na law tu uh ziam? Ama in ngam khuala khat panin ngimna, siatna note tungah hong tunsak ciang bang na law tu uh ziam? Hong hu tu zongin koisungah na tai tu uh ziam? Na nei na lamte koisungah na phual tu uh ziam?

Isaiah 26:11

Na ngalte in amate daan na piak tu hunlam he ngawl uh hi. Topa awng, amate maizumsak in a, ngim ngasak in; amate atu in, na koisak sa daan piaknate thuaksak in. Na mite na it mama zia amate lak in.

Isaiah 34:8

Tu hun sia Topa in Zion a suatak tu le a ngalte a thuk kik tu hun ahi hi.

Isaiah 44:25

Aisaan theite a mawmaw ka sua tu a, aksi en theite ii thuson kholnate a lungmanhuai ka sua tu hi. Mipilte ii kammalte ka nial a amate pilna sia mawmawtna ahi hunlam ka lak hi.

Jeremiah 10:15

Tuate sia mannung ngawlin kinomu tu hi; Amate thukhenin Topa hong pai ciang amate kisusia tu hi.

Jeremiah 11:23

Anathoth mite tungah tuasiatna ka tunsak tu hun ka khensat zo hi. Tuasia hun a thet ciang, kuama suakta ngawl tu uh hi,” ci hi.

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Jeremiah 23:13

Samaria kamsaangte ii mawna ka mu zo hi: amate in Baal min suangin thuhil uh a ka mite lam pialpui uh hi.

Jeremiah 25:14

Amate ii sep sa bangin Babylon te ka thuk kik tu a, minam tam mama le kumpi liante in amate sila in kai tu uh hi, a ci hi,’ ” ka ci hi.

Jeremiah 29:26

“Topa in Jehoiada taangin nangma thiampi in hong koi zo hi, tua ahiciang tu in nang sia Biakinnpi sungah ulianbel na hi hi. Kamsaang khat in a kivawt tawm a mawmaw theampo ii ngawng ah thikkual bulin na khii tu sia nangma vaipuak ahi hi.

Jeremiah 46:21

A cialsa ngalkapte ngawngawn khuinote bangin cimaw uh hi. Amate in nang kenkon in do ngawl a; nungkin in tai siat uh hi. Amate ii a lal ni le a siat hun hong theng zo hi.

Jeremiah 6:14

Ka mite ii liamna mate sia a vuntham bak bang bekin amate in ngaisun uh hi. Pha siat ngawl napi, ‘Pha siat hi,’ ci uh hi.

Jeremiah 8:11

Ka mite ii liammate sia a vuntham bak bang bek, amate in sua uh hi. Pha siat ngawl napi amate in ‘Pha siat hi!’ ci uh hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Ezekiel 13:10

“Kamsaangte in ka mite sia na theampo pha hi a ci na taw lamkhialsak uh hi. Na theampo pha siat ngawl het hi! Ka mite in luphung sia suang thawthongte taw ciang a, tuaciang kamsaangte hong pai in, tua pang sia leikaang taw zut hi.

Ezekiel 13:3

Hi sia Vaanglianpipa Topa ii ci ahi hi: “Hi a mawmaw kamsaangte a lal hi zo hi! Amate aituam ngaisut thiamna taw mu kholnate phuak tawm uh hi.

Ezekiel 25:17

Amate nasia takin daan ka pia tu a, a kicing phulamna ka nei tu hi. Amate in ka thin uukna phawk tu uh hi. Tuasia ciang Keima, Topa ka hi sia he tu uh hi,” ci hi.

Ezekiel 38:23

Hi bangin keima letna le ka thiantho na sia minam theampo ka lak tu hi. Tua hun ciang amate in Topa ka hi hunlam hong he tu uh hi,” ci hi.

Ezekiel 9:10

Ahihang amate tungah hesuakna nei ngawl tu khi hi; amate ii ngual tungah a vawt uh bangin, amate tungah ka vawt tu hi,” ci in hong zo hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 5:9

Daan thuak tu ni hong theng tu a, Israel kisusia tu hi. Israel mite awng, hisia piang tatak tu hi!

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:8

Pathian in Israel a mite kidop natu thupia tu in kamsaang khatin kei hong sawl hi. Tua hikasap ka paina po ah vacim khat bangin thaangsia tu nong sawm uh hi. Pathian Biakinnpi tung ngawngawn ah mihingte sia kamsaangpa ii ngalte suak hi.

Amos 8:2

Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Micah 7:4

Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

Zephaniah 3:4

Kamsaangte in sep nop vacin nei ngawl a, thimthel uh hi; thiampite in a thiangtho nate ninsak in, Pathian thukhamte amate phattuam natu in deikai uh hi.

Mark 3:21

A innkuanpuite in a zaak uh ciangin ama keam tu in hong pai uh hi, banghang ziam cile mihingte in, “Ama a thin amh zo hi,” ci uh hi.

Luke 21:22

Banghang ziam cile tua hun “Daan piak hun” a kici Laithiangtho ii son sia a tun natu ahi hi.

2 Corinth te 5:13

A thin amh tatak ka hi uh ziam? Thin amh ka hi uh le Pathian atu hi a, tua ahibuale thinciim ka hi uh ziam? Tua ahile zong note atu hi.

Thupualaakna 16:19

Khuapi lian sia khen thum in hong kiphaltham uh a, tuaciangin ngam theampo a khuapite sia kilalsak siat hi. Pathian in Babylon khuapi sia phawkin a thin uuk thangsiatna sapittui sia — ama ii hai panin dawnsak hi.