Hosea 9:6 - Syin Chin Bible

⁶ Tuasiatna hong pai in, mihingte a kithethaang ciang Egypt te in amate khawmtua tu a — Memphis ah vui tu in khawmtua tu hi! A ngunn sumngumte le khatvei lai a, a innmunte sia lopa le lingkungte in khunel tu hi.

Hosea 9:6 Iomraidhean Croise

2 Kumpite 13:7

Jehoahaz in siphu ngalkap 50, siphu ngalleang sawm le ngalkap 10000 simngawl ngalkap nei ngawl hi, banghang ziam cile Syria kumpipa in a dang teng susia in leivui bangin amate tuanhcil hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Paunakte 24:31

Tua munte sia lingkungte le lopate in khunel hi. A huang uumna phungte zongh cimh zo hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 19:13

Zoan le Memphis lampuite mawmaw uh hi. Amate sia minam lampui tute ma in kingaisun ahihang lampui khial uh hi.

Isaiah 27:12

Tua ni in, Euphrates ngun pan kipan Egypt ngamngi dong, taangcilte khat po in a zungtaang a tak le a si a khen bangin, Topa in a mihingte khat zawkciang khat kaikhawm tu hi.

Isaiah 32:13

lingnguite le lingkungte ka mite ii leitang tungah po zo hi. Mihingte lungdam takin a teenna innte theampo atu le nuntakna a nuam khuapi atu in kap vun.

Isaiah 34:13

Kumpi innte theampo sung le luphung taw ki uum khuapite sungah lingte le a mulnei lingkungte po in, ngia le simbute tua ii sungah teang tu uh hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Isaiah 7:23

“Tua hun a thet ciang, sapithuan pha mama, sapitkung tulkhat a om huan khat ciang, ngunn dangka tulkhat a mante sia lingkung le lingngui te in khannelh tu hi.

Jeremiah 2:16

Hi hi, Memphis le Tahpanhes mite in ama lu ngu sutham zo uh hi.

Jeremiah 42:22

Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.

Jeremiah 44:1

Egypt ngamsung Migdol, Tahpanhes, Memphis khuapite le Egypt ngam thang sangah a teang Israel te theampo taw kisai in Topa in kei tungah thu hong son hi.

Jeremiah 44:12

A taanglai Judah mite, Egypt ngam ah pai in teen tatak tu a thin khensat teng sia ka lalcipsak siat tu hi. A lian a no amate a vekpi in Egypt ngam ah ngalsung ahibuale kialpi taw in thi tu uh hi. Amate sia mihingte muna ah a lauhuai suak tu uh hi, amate kinunau tu a, a min uh kihaamsiatna in zangh tu uh hi.

Jeremiah 44:13

Jerusalem daan ka piak bangma in Egypt ngam ah a teang mihingte ngal, kialpi le natna taw in daan ka pia tu hi.

Jeremiah 46:14

“Egypt ngamsung khuate Migdol, Memphis le Tahpanhes ah thangsak in: ‘Noma le noma a kihu tu in kinging vun; noma neisa theampo ngal kisimna sungah kisusia tu hi!

Jeremiah 46:19

Egypt mite awng, luangta tu in kinging vun! Memphis khua sia sennealngam kisuaksak tu a, kisiacip in kuama teang ngawl hi.

Ezekiel 30:13

Vaanglianpipa Topa in, “Memphis ah a om milimte le pathian maan ngawl te ka susia tu hi. Egypt a uk tu kuama a om nawn buatu a, mihing theampo ka lausak vadil tu hi.

Ezekiel 30:16

Egypt meitaw ka hal tu a, tua ciang Pelusium sia ngimna nasia thuak tu hi. Thebes luphung te kisiatham tu a, tua khuapi ah namthuam tu hi.

Hosea 10:8

Israel mite ii milim biakna mun ahi Aven mualdawn biakbukte kisusia tu hi. Lingkungte le lophungte in a biaknataute khunel tu hi. Mite in mualpite tungah, “Hong seal tavun!”, tuaciang mualnote tungah, “Hong siin tavun!” ci in sam tu uh hi.

Hosea 11:11

Amate Egypt pan vacim bangin, Assyria pan vakhute bangin manlang takin hong pai tu uh hi. Amate a inn tek ah ka ciasak kik tu hi. Keima Topa in ka ci zo hi,” ci hi.

Hosea 2:6

Tua ahikom ama sia lingdai taw ka uum tu a, a lampi khaktan tu in luphung ka ciang tu hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Hosea 7:13

“Amate a lal hi zo hi! Amate in kei hong taisan a, hong langpan hi. Amate kisusia tu hi. Amate suatak nuam ka hihang amate ii kei hong biakna maan ngawl hi.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:3

Israel mite sia Topa ii leitang tungah taang ngawl tu ahihang, Egypt ah heak kikin Assyria ah a kikhaam ante ne tu uh hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Zephaniah 1:11

No, khuapi taw sangah a teangte awng, hi thu na zaak uh ciang tau in kap vun, banghang ziam cile sumvawtte theampo thi siat tu uh hi!

1 Samuel 13:6

Tua zawkciang amate in Israel te nasia takin sim a, Israel te a cimaw dinmun ah koi hi. Israel mi pawlkhatte sia suanghawng, leihawng le suangpi kawm ahibuale leidum le tuikhuk sungah buu uh a;