Hosea 9:4 - Syin Chin Bible

⁴ Amate in tua ngamdangte ah Topa tungah sapittui biakpiakna ahibuale sangaw biakpiakna vawt thei ngawl tu uh hi. Amate ii an in a ne pawpo ninsak tu a, mithi ngalna ah anneak bang hi tu hi. Amate ii kiallap bekma hi tu a; Topa Biakinn ah biakpiakna in khat zongh kipaipui ngawl tu hi.

Hosea 9:4 Iomraidhean Croise

Pusuana 29:40

A masa tuu sia taw in olive thau thiang litre khat taw kihel anvui kilogramme khat pia khawm in. Biakpiakna in sapittui litre khat buak in.

Pusuana 40:23

Topa thupiak bangin Topa a kipia anluumte, tua sabuai tungah lui hi,

Isaiah 57:6

Tua mun panin suangnealte la in pathiante bangin na bia uh hi. Biakpiakna in amate tungah sapittui na buak uh a antang na puak uh hi. Hi bang teng theampo diksa tu in nong um uh ziam?

Isaiah 66:3

Mihingte sia a uuk bang po in ngamta uh hi. Amate in khuital khat ngo in, ahibuale mihing khat that in, biakpiakna in nei a; tuuno, ahibuale ui khat ii ngawng thiaktanin biakpiakna in nei a; antang, ahibuale vokte ii chi pia a; ngimnamtui pia, ahibuale milim khat tungah thu a nget uh sia amate atu in kibang siat hi. Amate in a kiihuai biaknate diksa uh hi.

Jeremiah 16:7

A it khat a thi ciang heenepna in, kuama in ama tui le an neak pui ngawl tu hi. A pa ahibuale a nu a thite ngawngawn kuama in khuangai pui ngawl tu hi.

Jeremiah 6:20

Amate ii kei atu Sheba ngam panin ngimnamtui hong puak sia, ahibuale ngam khuala pan hel namtui hong puakte bangma ka awlmawk bua hi. Amate ii hong piakte ka saang buatu hi, ahibuale a biakpiaknate taw lungkim ngawl tu khi hi.

Ezekiel 24:17

Naang in na om hunlam kuama in zasak heak in. Khuangaina lim na lakna in lukhu khu ngawl, peangnguakin vak heak in. Na maitang seal heak in a, a khuangaite neak ante ne heak in,” hong ci hi.

Ezekiel 24:22

Tuasia ciang keima ngamtat sa bangma in na ngamta tu uh hi. Na maitang uh seal ngawlin, a khuangaite ii anneakte na ne buatu uh hi.

Daniel 1:8

Daniel in kumpi inn sung pan a kipia an le sapittui neakna taw in ama le ama biakna sangah a kininsak ngawl natu in a thin khensat ahikom ama in Ashpenaz tungah huna ngen hi,

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 1:9

Biakinnpi sungah piak tu antang ahibuale sapittui om ngawl hi; Topa biakpiak natu bangma nei ngawl ahikom thiampite khuangai hi.

Joel 2:14

Topa na Pathian in a thin kheal tha tu a, an hauna taw nang thupha hong pia tu hi. Tuasia ciang antang le sapittui te ama na pia thei tu uh hi.

Thiampite 17:11

A nungta theampo ii nuntakna sia chi sungah om hi, tua ahikom mihingte mawmai natu in chi theampo biaknatau tungah a kisun natu Topa thupiak ahi hi. Nuntakna a hi chisan in mawna teng lakeak hi.

Thiampite 21:17

Aaron tungah a son tu in a thupiakna pan, “Na suan na paal sung pan pumpi mealhemna khat pawpo a neite in ka tungah an taw biakpiakna hong pia heak hen. Hi thu in maisang hun theampo ah zui tu ahi hi.

Thiampite 21:21

Thiampi Aaron suan pumpi mealhemte in kei tungah an taw biakpiakna hong pia thei ngawl tu hi.

Thiampite 21:6

Ama thiangtho tu a, ka min daisak ngawl het tu hi. Ama in an taw biakpiaknate hong pia ahiciang ama a thiangtho kul hi.

Thiampite 21:8

Mite in thiampipa a thiangtho in ngaisun tu hi, banghang ziam cile an taw biakpiaknate kei tungah hong pia hi. Keima in Topa ka hi hi; keima ka thiangtho a, ka mite ka thiangthosak hi.

Amos 5:22

Meihal biakpiakna le antang biakpiakna nong piak uh ciang hong saang ngawl tu khi hi; kei biakpiakna in nong paipui, thau takin na vak nganhingte hong saang ngawl tu khi hi.

Malachi 2:13

Na ngamtatna dang khat sia hi bang hi. Ama tungah na biakpiaknate hong saang nawn ngawl ahikom kap a tau in, Topa biaknatau sia na thitui taw na khuumsak uh hi.

Mi Simna 19:11

Mithi luang a tham pawpo, ni sali sung biakna taw kisai in thiang ngawl hi.

Mi Simna 28:2

Israel te in a kisee hunin ama a lungkimsak ahi, a kitaangsamh an biakpiaknate Pathian tungah a piak natu a sawl natu in thupia hi.

Mi Simna 4:7

Topa tung anluum piakna sabuai tungah amate in vancii puan pha tu a tua tungah pakante, ngimnamtui bungte, biakpiakna kuangte le sapittui biakpiakna thawlte koi tu uh hi. Sabuai tungah anluum om tawntung tu hi.

John 6:51

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

Thuhil kikna 26:14

Hee in kaikut a ka om ciang zong, sumpi peuma ka ne bua hi; biakna taw kisai in a thiang ngawl ka hi hun ciang zong, bangma ka inn pan ka pusua bua hi; mithi an siana in ka zangh bua hi. Topa awng na thu hong ni khi hi; sawm a khat sumpi taw kisai nong thupiak theampo ka vawt siat zo hi.