Hosea 9:10 - Syin Chin Bible

¹⁰ Topa in, “Israel ka mu phitin sennealngam sungah a po sapitngate mu bang ahi hi. Na taanghpupite ka mu phit hunin thei min hun a, a min masate mu bang ahi hi. Ahihang Peor mual ah hong pai uh ciang amate in Baal a biak hong kipan a, hai ngawlin a khiaklaak pathiante bangma in mu thada huai suak hi.

Hosea 9:10 Iomraidhean Croise

1 Kumpite 16:31

Ama atu in Kumpipa Jeroboam bangin a maw tu sia pha zo sa ngawl hi; ama in tua kaanin ngamta a, Jezebel a kici Sidon kumpipa Ethbaal ii tanu teenpui in Baal pathian bia hi.

2 Kumpite 17:11

tuaciang, Topa ii a ngam pan a betkeak mihingte ii ngamtatna zui in amate in ngimnamtuite doai biate tau tungah hal uh hi. Amate in Topa thin uuk natu in amate ii ngitlo ngamtatna te taw piangsak a,

Psalm Late 115:8

Tuabangte vawt a tuate ma a muangte in amate vawt milimte bang suak siat tahen.

Psalm Late 81:12

Tua ahikom amate sia a thinpuina uh taw kizui in a uuk bang po ka paisak a, a vawt nop po ka vawtsak hi.

Solomon ii La 3:6

Sennealngam pan meikhu khuam khat bang, ngimnamtui le sum vawtte ii zuak paaknamtui bang, myrrh thingnaai namtui taw hong pai sia a bang ziam?

Isaiah 28:4

Tua a kiphasak lampuite ii a kiamsuk minthanna sia theipal min hun ciang a min masa pawpo kilo in, a kine khawng papai bangin mang vangeu tu hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 24:2

Bawm a masa sia sungah a om theingate sia a min pal theinga phate hi a; a dang bawm sia ii sungah a om theingate sia neak tu zong a pha ngawlte ahi hi.

Jeremiah 3:24

Ahihang maizumna pathian, Baal biakna in, ih tuu honte le khui honte, tapate le tanute — taanghlai pan kipan ih taanghpupite ii a thalaw sa theampo hong sumsisak siat zo hi.

Jeremiah 3:25

Eite maizum in, lum in ih maimawlna in hong seal tahen. Eima le ih taanghpupite sia Topa ih Pathian tungah ih khial tawntung zo hi; ama ii thupiakte ih zui ngei bua hi,” ci nu hi.

Jeremiah 31:2

Thina pan a suakta tua mite sennealngam sungah hesuakna ka lak hi. Israel mite toithaina a thangai uh ciang,

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Ezekiel 20:8

Ahihang amate in kei hong nalh a, ka thuson hong ngai bua uh hi. Amate in a kiihuai milimte vawk ngawl, Egypt te pathiante nusia ngawl uh hi. Tua mun Egypt ngam ah ka thin uuk tutna theampo thuaksak tu in ka kinging zo hi.

Hosea 11:1

Topa in, “Israel sia patangno khat ahi lai in ama ka it a, ka tapa bangin Egypt ngam pan ka samkhia hi.

Hosea 13:5

Senneal lei kona ah note kong keam hi.

Hosea 2:15

A sapithuante ama tungah ka piakik tu a, Ngimna Kuam sia lam etna kongpi ka suaksak tu hi. A khanmoi lai Egypt ngam pan hong pusua hun bangma in tua munah ka thu hong ngai kik tu hi.

Hosea 4:14

Ahitazong, hi sia hu in amate daan pia ngawl tu khi hi, banghang ziam cile noma mama zongh biakinn a pumpi zuak numeite omkhop pui in, amate taw lawki sangaw biakpiaknate na pia khawm uh hi. Paunak khat sungah, ‘Ngaisutna nei ngawl mihingte kilalsak tu hi,’ a ci bang ahi hi.

Hosea 4:18

Sapittui tam mama a neak zawkciang amate pumpi zuakna taw nuamsa in, minphatna saang in minsiatna dei zaw uh hi.

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Micah 7:1

Ka lametna bo hi! Thingnga pangh sa, sapitnga thot sa a vil mihing ngilkial khat taw ka kibang hi. Sapit theampo le theinga lim theampo kilo siat zo hi.

Mi Simna 15:39

Puanteapkaaite in nung thu hong phawksak kik tu a, tuate na mu simin, ka thupiakte theampo phawk kikin na zui tu uh hi; tua sia ciang note deinate le uuknate zui nuam ngawlin, kei nong taisan buatu uh hi.

Mi Simna 18:13

A vekpi in nangma aa ahi hi. Na innkuan sung pan biakna taw kisai in a thiang theampo in tuasia ne thei tu hi.

Romete 6:21

Maizum huai na saknate na vawt uh ciangin, bang meetna na nga uh ziam? Tuate taw a kizom thu in thina ahi hi!

Thuhil kikna 32:10

“Ama in a ngamtongta vuipi vakna duisung ngampa sennealngam sungah amate vakkotna mu hi. Ama in ama le ama a kikep bangin amate keamcing hi.

Thuhil kikna 32:17

Amate in pathian tatak ahi ngawl pathiante, a taanghpupite ii a heak ngawl pathian thakte Israel te ii a thu a nit ngeingawl pathiante tungah sangaw biakpiakna vawt uh hi;

Thuhil kikna 4:3

Peor Mual ah Topa nasepte noma mama in na mu uh hi. Ama in tualai ah Baal a bia theampo mon a,

Thukhente 6:32

Tua hun pan kipan Gideon sia Jerubbaal kina hi, banghang ziam cile Joash in, “Baal sia ama le ama kihung tahen; biaknatau a kibaltham sia ama aa hi,” a ci hu hi.