Hosea 9:1 - Syin Chin Bible

¹ Israel mite awng, na poaipite lawkite bangin khaam heak vun. Note in na Pathian nungngat in, ama tungah thumaan nawn ngawl zo nu hi. Ngamsung mun theampo ah pumpi kizuakte bangin Baal pathian tungah noma le noma kizuak in, ama ii hong kithapna hi na ci uh lo ante iip la nu hi!

Hosea 9:1 Iomraidhean Croise

Psalm Late 73:27

Nang hong taisante lalcip nanak tu a; nang tungah hong thumaan ngawlte na susia tu hi.

Isaiah 17:11

A kungte na suan ni zing mama in meangin, a paak hial zongin an laak tu na nei peang buatu hi. Ngimna le a dam thei ngawl natna bek om tu hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Kaa late 4:21

Edom le Uz mite awng, nui vun; na lungdam thei uh lai teng lungdam vun. Na tuasiat natu uh zongh hong tung tu hi; note zongh maizumna taw na pumnguakin na hoi vacit tu uh hi.

Ezekiel 16:15

“Ahihang na mealphatna le na minthanna te suangin hong pai po na luppui hi.

Ezekiel 16:30

Vaanglianpipa Topa pauna hisia hi: “Nang in a maizum maw pumpi zuak khat bangin hi teng na seam hi.

Ezekiel 20:32

Mi nam dang te le ngamdang a teang mite taw kibangin thing le suang a bia te bang suak nuam in na thin uh khensat zo nu hi. Ahihang tuabang suak ngeingawl tu hi.

Ezekiel 21:10

Tuasia kithalup natu in kitaat hiam zo a, khualeng bang a tee vazal tu in kinawtthiang zo hi. Thin lawp natu bangma om thei ngawl hi, banghang ziam cile kidop tu sawlna le daan piak natu theampo ka mite in awlmawk ngawl hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 2:12

A pumpi a kipiak ciang, a lawmpate ii saapna in hong piak hi a ci sapitkungte le theikungte ka siasak tu hi. Ama ii sapithuante le a thingnga huante duipui ka suaksak tu a; ngamsate in susia tu hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

Hosea 5:7

Amate Topa tungah thumaan ngawl a; a tate Topa neisa hi ngawl hi. Tua hi a, tu in amate le a ngam a lei kisusia pal tu hi.

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Amos 6:13

Lodebar khua a kilaak huvau in na kiphasak uh hi. “Karnaim a la zo tu in thahat khom ngawp hi zam,” ci in na kiphasak uh hi.

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

James 4:16

Ahihang no, tu in kiphasak a, kisuangtaak nu hi; tuabang kisuantaakna theampo sia maan ngawl hi.

James 5:1

Tu in, no sumhaute awng, hong ngai tavun! No tungah hong tung tu ngimna haksatnate huvau kapin mau vun!