Hosea 8:7 - Syin Chin Bible

⁷ Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Hosea 8:7 Iomraidhean Croise

Pianciilna 41:23

Tuaciang senneal vui in theapsakin a ngeau singseng taanghui sali hong po a,

2 Kumpite 15:19

Assyria te ii kumpilianpa Tiglath Pileser in Israel sim a, tuaciang Menahem in, ngam sungah ama ii vaangletna a kip natu tua kumpipa ii panpui natu in ngunn kilogramme 34,000 pia hi.

2 Kumpite 15:29

Pekah kumpipa ahi hun laitakin Assyria te ii kumpilianpa Tiglath Pileser in, Ijon, Abel Beth Maacah, Janoah, Kedesh le Hazor khuapi teng le Gilead ii ngamkhen, Galilee le Naphtali teng suan hi, tuaciang a mihingte sia Assyria ah thongtaak tu in ciapui hi.

Job 4:8

Mite in tatsiatna lo bangin tho a, ngitlona ancii poai bangin a poai ka mu hi; tu in amate in siatna le ngitlona teng anlaak bangin la uh hi.

Paunakte 22:8

A maan ngawl thaicii na tu uh le siatna hong po to tu hi, tuaciang ngual na zawthawkna uh sia a tawpna hong hi tu hi.

Thuhilsya 5:16

Hi thu maan ngawl hi! Ih pai lai bang lianin ih cia kik hi. Na ih seam a, vui man tu in ih hanciam hi, ahihang bang nga na hi ziam?

Isaiah 17:11

A kungte na suan ni zing mama in meangin, a paak hial zongin an laak tu na nei peang buatu hi. Ngimna le a dam thei ngawl natna bek om tu hi.

Isaiah 55:2

Banghangin ngilva dangva na ngawl po in sum zangh thawthong nu ziam? Banghangin na thalaw sa sumte zangh napi ngilkial lalai nu ziam? Hong ngai tavun a, kong ci bangin seam vun, tua hile an limbel na ne tu uh hi.

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Kaa late 5:2

Kote neisa sia khualmite khut sungah om a; ngamdangmite sia koma inn sungah teang uh hi.

Hosea 2:9

Tua ahikom anlaak hun ciang ka piakthongsa antang le sapittui te tuaciang a silh tu ka piak samul le patpuan te ka la kik tu hi.

Hosea 7:9

hi ngamdangte a suanna in amate thahatna kisut ahi hunlam phawk ngawl uh hi. Amate ii ni hunte kiciangtan hi, ahihang amate in tua ngawngawn zongh he ngawl uh hi.

Hosea 9:16

Israel mite sia a zungte ko in, a nga nga ngawl thingkung khat taw kibang hi. Amate in ta nei ngawl tu a, a nei hial zong a it mama a tate ka thatlum tu hi,” ci hi.

Nahum 1:3

Topa thin uuk papaih ngawl a, ahihang ama vaanglian in a maw a khial te daan pia ngawlin tha thong ngeingawl hi. Topa paina munah vuipi suangval va a; meeite sia a peang taw a sina pan a leang leivui khute ahi hi!

Haggai 1:6

Thaicii tam mama na tu uh a, ahizong an tawm bek na la uh hi. Anneak tawm tu na nei uh a, ahizong na khamkhop tu na nei bua uh hi. Sapittui neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Tuaciang naseam khat in a nuntak khom natu thalaw zo ngawl hi.

Galatia te 6:7

Noma le noma kitheam heak vun; Pathian sia kuama ii theam zawk hi ngawl hi. Mihing khat in a poai bang lianin a at tu hi.

Galatia te 6:8

Ama in leitung pumpi deina lo sungah a poai le, tua mun panin thina an kaikhawm tu hi; Thaa ii deina lo sungah a poai le Thaa panin tawntung nuntakna an kaikhawm tu hi.

Thuhil kikna 28:33

Haksa takin na ciin sa lo ante ngamdang minam khat in hong laksak tu a, bangma nga ngawlin nencipna le vawtsiatna bek na thuak tawntung tu hi.