Hosea 8:5 - Syin Chin Bible

⁵ Samaria khuapi a teang mite ii a biak khamh khuital sia ka ensan hi. Amate tungah ka thinso hi. A milim biakna a kheal natu in bang tanvei ngei lai tu ziam?

Hosea 8:5 Iomraidhean Croise

2 Khangtaanghthu 13:8

Topa in David suan le paalte tungah a piak a kumpi thuneina sia tu in do tu in na vaihawm uh hi. Ngalkaphonpi tam mama le na pathian tu in Jeroboam ii hong vawtsa khamh khui milimte na nei uh hi.

Psalm Late 19:13

Vawtluih mawnate panin hong keamcing si ta'n a; tuate in kei hong uksak heak in. Tua hile ka cialcing tu a, mawna ii siatna khaatna pan ka suakta tu hi.

Paunakte 1:22

“Mihing mawmawte awng! bang tanvei mawmaw nuam nu ziam? Heakna bang tanvei ciammui vawt tu nu ziam? Heak tu sawm nawn ngawl nu ziam?

Isaiah 45:20

Topa in, “Ngam tuatuam pan mite awng, a lal kumpi ngamlian pan a suakta mite theampo awng, hong pai tek tavun; thu sit thuak tu in noma na ki aap vun! A thing milimte taw thuangsia khawmin amate a ngum thei ngawl pathian tungah thungen mite — tua mite in bangma heak nei ngawl uh hi!

Jeremiah 13:27

Ama ii huasaak nate na vawt uh sia ama in mu zo hi. Pa khat in a innpaampa ii zi a khialpui nop bang, ahibuale siphu tal lan khat ii anu khat a zuzui bangin doai biakna mualtung ah hikale, lo sungah hikale pathian dangte na zot uh sia ama in hong mu zo hi. Jerusalem mite awng, a lal hi nu hi! Bang hun ciangin thiangtho ngei tu nu ziam?

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Jeremiah 48:13

Tuasia ciang Israel mite ii up le muan Bethel pathian a upkhialna pan a maan mu uh a, a thinkiam bangma in Moab mite zongh, Chemosh a pathian huvau in a thinkiam uh hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 10:8

Israel mite ii milim biakna mun ahi Aven mualdawn biakbukte kisusia tu hi. Lingkungte le lophungte in a biaknataute khunel tu hi. Mite in mualpite tungah, “Hong seal tavun!”, tuaciang mualnote tungah, “Hong siin tavun!” ci in sam tu uh hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Hosea 8:6

Israel mi khut thiam khat in milim vawt a, tua in pathian khat hi vet ngawl hi! Samaria ah a kibia khamh khuital sia a bebekin kisutham tu hi!

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Micah 1:7

A milim manpha theampo a bebekin kisunen tu a, biakinn sungah pumpi zuak numeite a kipia nate theampo mei taw kihaltum tu hi, tuaciang a milimte theampo sia a kinusia vuumthuk khat suak tu hi. Samaria in hi nate sia a pungto a sua natu poai vawt natu in a nga uh hi a, tu in a ngalte in tuate sia biakinn sung pumpi kizuakte atu in mundang ah puak tu uh hi,” ci hi.

Sawltakte 7:41

Tuasia ciangin, amate in khuital khat ii lim taw a kibang milim khat vawt a, sangaw biakpiakna nei in, amate vawttawm vangiat khat sia upat piakna in poaikhaam uh hi.

Thuhil kikna 32:22

Ka thin uukna sia mei bangin kuang a, leitung a om na theampo kaangh siat tu hi. Leinuai dong thengsuk tu a, mualpeangte zongh kaanghtum siat tu hi.