Hosea 8:14 - Syin Chin Bible

¹⁴ “Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Hosea 8:14 Iomraidhean Croise

Thuhil kikna 32:18

Amate in a vaanglian ngumpa, amate nuntakna a pia pa, a Pathian mangil uh hi.

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Amos 2:5

Tua ahikom Judah tungah meikuang ka khiak tu a, Jerusalem kulhpite ka haltum tu hi,” ci hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Amos 1:10

Tua ahikom Tyre khuapi luphung tungah meikuang ka khiak tu a, a kulhpite ka haltham tu hi,” ci hi.

Ephesus te 2:10

Eite in tu a ih hi babangin, Pathian hong vawtsa ih hi a, Jesus Christ taw kipumkhatna sungah ngamtat pha nuntakna nei natu in, hong bitphua sa ih hi hi, tua thu in eite sep tu in, hong koi kholsak sa ahi hi.

Amos 1:14

Tua ahikom Rabbah khuapi luphungte tungah meikuang ka khiak tu a, a kulhpite ka haltum tu hi. Tuasia ciang ngal kisim ni in auna awsa om ngawp tu a, kidona nasia in vuipi suangval bang phet ma hi tu hi.

Amos 1:12

Tua ahikom Teman khuapi tungah meikuang ka khiak tu a, Bozrah kulhpite ka haltum tu hi,” ci hi.

Amos 1:4

Tua ahikom Kumpipa Hazael saksa kumpi inn sia meikuang khiakin Kumpi Benhadad ii kulhte haltham tu khi hi.

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Jeremiah 23:27

A taanghpupite in kei hong mangil a Baal kung a zot bang keakin, ka mite tung a son, a mangmatte in kei hong mangilsak tu hi ci in um uh hi.

Jeremiah 3:21

Mualdawnte ah awnging khat kiza hi: tua in Israel mite kaana le thuumna aw ahi hi, banghang ziam cile amate nuntakna sia mawna khialna taw kidimin Topa a Pathian uh a makngil hang ahi hi.

Jeremiah 2:32

Ngaknu khat in a kizepna suang manphate, ahibuale mothak khat in a mopuante mangil thei ziam? Ahihang ka mite in a kisim zo ngawl ni tam mama sung hong mangil zo uh hi.

Isaiah 43:21

Amate sia keima atu in ka vawt mite hi a, amate in keima hong pokna lasa tu uh hi!” ci hi.

Isaiah 42:25

Tua ahiciang ama ii thin uuk tut nate eite hong thuaksakin, ngal ii daan hong thuaksak hi. Ama ii thin uukna sia mei bangin Israel mite theampo sungah kuang hi, ahihang bang thu piang ziam cisia eite in ih he ngei bua hi; tua ih thuakna panin eite in heakna bangma ih nei peuma bua hi.

Isaiah 42:13

Topa sia ngalhang pa bangin ngalsim tu in kuan hi; Ama sia ngal do tu lawpin kinging hi. Ama in ngal phawngin au a, hanla sam hi; Ama in a ngalte tungah a vaangletna lak hi.

Isaiah 29:23

Keima kong piak tu tanote na mu uh ciang, keima sia Israel ii a thiangtho Pathian ka hi hunlam na tel tu uh hi. Zatakna nong pia tu uh a, lamdang sa in launa taw ka mai ah na ding tu uh hi.

Psalm Late 106:21

Egypt ngam sungah ama ii a nasia mama sepnate taw amate a hun Pathian, amate in mangil uh hi.

2 Khangtaanghthu 27:4

Ama in Judah mualtung teng ah khuapite saatin dui sungah kulhte le tausaangte sa hi.

2 Khangtaanghthu 26:10

Ama in ngam taanzauna zongh ah kulh taw a ki uum tausaangte sa hi, nganno tam mama nei ahikom nitumna sang mualpeang le zaangtamte ah tuikhuk tam ma to hi. Ama in lothaw nasep kin ahikom, mualtung ngamte le lei phana theampo tho in sapithuan vawt tu in mite hanthawn hi.

1 Kumpite 16:31

Ama atu in Kumpipa Jeroboam bangin a maw tu sia pha zo sa ngawl hi; ama in tua kaanin ngamta a, Jezebel a kici Sidon kumpipa Ethbaal ii tanu teenpui in Baal pathian bia hi.

1 Kumpite 12:31

Jeroboam in mualdawnte ah biak natu munte zongh vawtin, Levi nam ahi ngawl innkuante sung panin thiampite teal hi.

2 Kumpite 18:13

Kumpipa Hezekiah ii a maan zawk a kum sawm le kum li ciangin, Assyria te ii kumpilianpa Sennacherib in Judah te ii kulh taw a ki uum khuapite simin zo hi.

Psalm Late 95:6

Hong pai tavun, kunin ama bia tek tawng; eite hong Vawtpa, Topa mai ah khupdin tek tawng!

Isaiah 9:9

Israel mite theampo, Samaria khuapi sung a teang pawpo te in hi thu Topa in vawt zo hi ci in he tu hi. Tu in amate kiphasak in kisathei uh hi. Amate in,

Isaiah 9:10

“Uksuang innte pukcip zo hi, ahihang suanginn taw ka laih tu hi. Sycamore thing zawlsaute ki attan zo hi, ahihang a phabel cedar thing taw ka laih tu hi,” ci uh hi.

Jeremiah 5:17

Amate in na ankungte le na an uhte hong khawnsak tu uh a; na tapate le na tanute thatlum tu uh hi. Amate in na tuu le na khuihonte ngo tu uh a, na sapitkungte le na thei kungte susia tu uh hi. Na muan mama uh kulh taw a ki uum khuapite a ngalkapte in susia tu uh hi.

Ezekiel 23:35

Tu in hisia Vaanglianpipa Topa ii ci ahi hi: “Kei hong mangil in hong nungngat na hi ciang na sikvilna le na pumpi zuakna hu in ngim na thuak tu hi.”

Hosea 4:6

Ka mite in kei hong saang ngawl ahikom a lal hi zo hi. No thiampite in kei hong saang ngawlin kong hilnate hong nial nu hi, tua ahikom no kong nial a, na tapate ka thiampi tu in ka saang buatu hi.