Hosea 8:13 - Syin Chin Bible

¹³ Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 8:13 Iomraidhean Croise

Pusuana 20:3

“Keima simngawl pathian dang bia heak vun.

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Paunakte 21:27

Mihing seksolte ii sangaw biakna a piak ciang, a tuanin ngitlo thin taw a pia le Topa in huatsa hi.

Isaiah 1:11

Ama in, “Kei tungah nong piak bul biakpiaknate theampo dei tu in hong um nu ziam? Nganhing a limci, a thaute le meihal biakpiakna a nong nei tuute zaa sangin a kicing vaal zaw ka nei hi. Khuitalte, tuute le kealte ii chi cimtak zo khi hi.

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 6:20

Amate ii kei atu Sheba ngam panin ngimnamtui hong puak sia, ahibuale ngam khuala pan hel namtui hong puakte bangma ka awlmawk bua hi. Amate ii hong piakte ka saang buatu hi, ahibuale a biakpiaknate taw lungkim ngawl tu khi hi.

Ezekiel 29:16

Israel in Egypt sia suan le muan in nei kik ngei nawn ngawl tu hi. Egypt ii thuakna in amate a suan a muan sia khial ahi hunlam, Israel a phawksak tu hi. Tuasia ciang Israel in Keima, Vaanglianpipa Topa ka hi hunlam hong phawk tu uh hi,” ci hi.

Hosea 11:5

“Kei kungah hong heak kik nuam ngawl ahiciang, Egypt ma ah a heak kik uh kul tu a; tuaciang Assyria te in amate uk tu hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 4:9

Tua mite daan thuak bangma in na thuak tu uh hi! Siatna na vawt hu in kong liausak tu a, daan kong pia tu hi.

Hosea 5:6

Amate in a tuute le a khuite Topa tungah sangaw biakpiakna tu in pia ahihang amate atu phattuamna om ngawl hi. Amate in Topa mu thei ngawl uh hi, banghang ziam cile Topa in amate nusia zo hi.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Hosea 7:2

Hi a ngamtat siatna theampo ciamtee tu ka hi hunlam amate in ngaisun ngeingawl uh hi; ahihang a mawnate in amate kiim uum a, tuate mu ngawlin ka om thei bua hi,” ci hi.

Hosea 9:6

Tuasiatna hong pai in, mihingte a kithethaang ciang Egypt te in amate khawmtua tu a — Memphis ah vui tu in khawmtua tu hi! A ngunn sumngumte le khatvei lai a, a innmunte sia lopa le lingkungte in khunel tu hi.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Amos 5:22

Meihal biakpiakna le antang biakpiakna nong piak uh ciang hong saang ngawl tu khi hi; kei biakpiakna in nong paipui, thau takin na vak nganhingte hong saang ngawl tu khi hi.

Amos 8:7

Topa, Israel te ii Pathian in, “Amate tatsiatnate ka mangil ngei buatu hi.

Luke 12:2

A kisiin theampo kihong tu a, thuku a minpiang kipholaak tu hi.

1 Corinth te 11:20

A pawl in na kikhop uh ciang, na neak uh sia Topa ii Zan An hi ngawl hi.

1 Corinth te 11:29

Banghang ziam cile anluum a neak ciang le hai panin a dawn ciangin, Topa ii pumpi ii a khiakna a tel buale, a neak a dawn hu in ama le ama tungah thukhenna a tungsak suak hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

Thuhil kikna 28:68

Ama in tua munah na pai kik ngei nawn buatu uh hi, hong cisa hikale Topa in teambawte taw Egypt ah hong puak kik tu hi. Tua munah sila in na ngalte tungah noma le noma na kizuak tu uh a, ahizong kuama in no hong lei nuam buatu hi,” ci hi.

Thupualaakna 16:19

Khuapi lian sia khen thum in hong kiphaltham uh a, tuaciangin ngam theampo a khuapite sia kilalsak siat hi. Pathian in Babylon khuapi sia phawkin a thin uuk thangsiatna sapittui sia — ama ii hai panin dawnsak hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.