Hosea 7:7 - Syin Chin Bible

⁷ Amate in a thin uuk saan laitakin a ukte thatlum uh hi. A kumpipate khat zawkciang khat kisuamlum ahihang kei tungah huu na dei in thu hong ngen om ngawl hi,” ci hi.

Hosea 7:7 Iomraidhean Croise

1 Kumpite 15:28

Hi thu sia Kumpipa Asa ii Judah ah a maan zawk a kum thumna sungah piang hi. Tua bangin, Baasha in Nadab ii Israel kumpi za laih hi.

1 Kumpite 16:18

Zimri in khuapi sia kila zo ci in a mu ciang kumpi inn ii a sungsang kulh ah tumin kumpi inn hal a, ama zongh meikuang sungah thi hi.

1 Kumpite 16:22

A khakbel ciang Omri deite in zo zaw hi; Tibri thi a, Omri sia kumpi suak hi.

2 Kumpite 10:14

Jehu in, “Hing mat siat vun!” ci in a ngalkapte thupia hi. A ngalkapte in amate manin Jehu in dum khat ii hui ah that siat hi. A vekpi in mihing 42 pha a, khat zongh khoaikhe ngawl hi.

2 Kumpite 10:7

Jehu laithak a kinga ciangin, Samaria lampuite in Ahab ii suan le paal 70 teng thatlum in a lutang uh bawm sungah heangin Jehu omna Jezreel ah puak uh hi.

2 Kumpite 15:10

Jabesh ii tapa Shallum in Kumpipa Zechariah suam tu a sawm bangin Ibleam ah thatlum hi, tuaciang a kumpi za ama in lua hi.

2 Kumpite 15:14

Gadi ii tapa Menahem in Tirzah pan Samaria ah pai a, Shallum suamlum in a kumpi za lua hi.

2 Kumpite 15:25

Pekahiah ii ngalkap ulian khat ahi Remaliah ii tapa Pekah in Gilead khua pan mihing 50 taw ama thasawmin, Samaria kumpi inn a sungnung kulh sungah Pekahiah sia suamlum a, ama in a kumpi za lua hi.

2 Kumpite 15:30

Judah kumpipa Uzziah ii tapa Jotham ii maan zawk a kum kul lai in Elah ii tapa Hoshea in kumpipa Pekah sia thasawmin, suamlup zawkciang a kumpi za sia ama in lua hi.

2 Kumpite 9:24

Jehu in a thal eal in a tha nei za taw a kap le Joram ii cingzaang pan kha in a lungtang sunlet a, Joram sia ama siphu ngalleang sungah pukin thi hi,

2 Kumpite 9:33

tuaciang Jehu in, “Ama hong vawk suk tavun,” ci hi. Amate in a vawksuk uh le pangte tungah a chi kithe a, siphute tung zongh ah kithe hi. Jehu in a siphu le a leang ama ii luang tungah hawl a,

Job 36:13

Pathian selte sia thin uuk tawntung hi, daan a kipiak ciang zongin, huna a nga natu in thungen ngawl uh hi.

Psalm Late 14:4

“Ama te in he ngawl ziam?” Topa in dongh hi. “Hi a tatsiate in awlmawk nei ngawl ziam? Amate in ka mite neisa sutolna taw nungta a, kei tungah zongh thu hong ngen ngeingawl hi.”

Isaiah 43:22

Topa in, “Israel awng, ahihang kei nong cimtak zo hi; nang in kei nong bia bua hi.

Isaiah 64:4

Ama sungah lametna a nei mihingte atu in tuabang na a seam, nangma bang Pathian khat sia kuama in mu ngeingawl a, za zongh za ngeingawl uh hi.

Isaiah 64:6

Eite theampo ih maw siat zo hi. Ih ngamtatna a phabelte ngawngawn a nincip hi siat hi. Ih mawnate hangin vui ii letkeak thingteekote taw ih kibang hi.

Isaiah 64:7

Thungen in nang kung hong zuan kuama om ngawl a; huna ngen tu in nang kung hong pai kuama om ngawl hi. Ka mawnate uh hangin nangma in ko kung pan kisealin nong nusia zo hi.

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Ezekiel 22:30

Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

Daniel 9:13

Moses thukham sungah a kison daan theampo nong thuaksak hi. Oh Topa kote Pathian awng, ahihang tu ngawngawn zongin ka mawna ka khialna te kisiik in, ahibuale na thumaan thutak zuina taw nang hong lungdamsak tu in, ka hanciam bua uh hi. Oh

Hosea 13:10

Note in kumpi khat le lampuite ngen nu hi, ahihang amate in na ngam uh bangbang hu thei tu ziam?

Hosea 5:15

“Keima in a mawna a khialna hu in a thuak tu za in a thuak dong le kei hong zon kik mateng ka mite ka nusia tu hi. Ngimna a thuak ciang amate in kei hong zon tu hanciam tha tu uh hi,” ci hi.

Hosea 7:10

Israel mite kiphatsak na in amate langpanin ausan uh hi. Hi bang a piang tu theampo piang zo kazu in amate sia keima, Topa a Pathian kungah hong zuan kik ngawl uh hi.

Hosea 7:14

Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Hosea 8:4

“Ka mite in kumpite teal hi, ahihang amate uuk bang bek in teal uh hi. Amate in lampuite teal ahihang kei thukim puina om ngawl hi. Amate in a ngunn le a khamh la in milim in vawt a — amate lal natu ahi hi.

Micah 2:1

Mutmawklaw liangin thusia a ngealte atu in bangza in lauhuai tu ziam! Amate in zingsangin hunpha a nga pawpo ciang a ngeal sa tatsiatna sia vawt uh hi.