Hosea 7:5 - Syin Chin Bible

⁵ Kumpipa ii poai vawt ni in amate in kumpipa le a uliante sapittui khamsakin mawmawsak hi.

Hosea 7:5 Iomraidhean Croise

Pianciilna 40:20

Ni thum zawkciang kumpipa suani in, ama in a uliante theampo atu in poai khat khaam a; sapittui piapa le anluum empipa sia ama in tha in, a uliante mai ah paipui hi.

1 Kumpite 13:4

Kumpipa Jeroboam in hi thu a zaak ciang ama kawkin thupia hi: “Pasal ziasia man vun!” Thakhat thu in kumpipa ii baan zaw a, dok kik thei nawn ngawl hi.

Psalm Late 1:1

Mihing lungdam ih ci te in mihing ngilote ii ngaisut piakna a nialte, mawneite zia a zui ngawlte, Pathian ii zak ngawlte taw a kizom ngawlte ahi hi.

Psalm Late 69:12

Amate in lampite ah kei thu son a, zukhamte in kei huvau la phuak uh hi.

Paunakte 13:20

A ciimte taw na kithawl le na ciim tu hi. Mihing mawmawte taw na kipawl le na lal tu hi.

Paunakte 20:1

Zu tamlei neakna in aw saangsak a, hong mawmawsak hi. Zu khamna sia mawmawthuai hi.

Isaiah 28:1

Israel kumpi ngam sia a lal ahi hi! Ama ii minthanna sia zukham a lampuite ii lu tungah a khuk paak taw a kivawt kumpi lukhute taw kibangin mang vadi tu hi. Paaknamtui pha tak kinoai napi in a kiphasak amate ii lutangte sia, zu a kham hu in khuaphawk ngawlin tua munah lumcip uh hi.

Isaiah 28:14

Hisung Jerusalem khua panin hi mihingte a uk, no a kisathei mite awng, tu in Topa thu ngai vun.

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Hosea 7:3

Topa in, “Mihingte in thusia vawt a sawmnate taw kumpipa le a uliante theam uh hi.

Matthew 14:6

Herod suani in a kikhawmte mai ah Herodias tanu laam hi. Herod lungkim mama a;

Mark 6:21

A khakbel ciang Herodias in hunpha khat nga hi. Herod suani hi a, ama in kumpi sung ulianbel theampo, ngalkapmangte le Galilee ii khuanu khuapa te atu in poai vawt hi.

Ephesus te 5:18

No hong lalsak thei, sapittui na kham heak vun: Thaa taw na kidim zaw tavun.