Hosea 7:2 - Syin Chin Bible

² Hi a ngamtat siatna theampo ciamtee tu ka hi hunlam amate in ngaisun ngeingawl uh hi; ahihang a mawnate in amate kiim uum a, tuate mu ngawlin ka om thei bua hi,” ci hi.

Hosea 7:2 Iomraidhean Croise

Job 34:21

Ama in ih kalsuanna theampo encik hi.

Psalm Late 10:11

Mi seksolte in amate le amate, “Pathian in phamaw sa ngawl hi! Ama a mit si a, hong mu ngeingawl tu hi,” ci hi.

Psalm Late 25:7

Topa awng, ka khangno lai a ka mawnate le ka khialnate hong maisak ta'n a, Na itna kip sung le na phatna sungah hong phawk ta'n.

Psalm Late 50:22

“No, kei hong ngaingonte awng, hi thu ngai vun, tua ahibuale kong susia tu hi, tuaciang no hong hun tu kuama a om buatu hi.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Psalm Late 90:8

Ko ii mawnate na mai ah koi in, ko ii maw kunaste na mu theina ah na koi hi.

Isaiah 1:3

Khuite in a topa he uh a, laate in a topa ii an piakna mun he hi. Ahihang ka mihing Israel te in tua za in he ngawl hi. Amate in tel vet ngawl uh hi,” ci hi.

Isaiah 26:16

Topa awng, na mihingte daan na pia hi, a thinna sa in nang tungah thu hong ngen uh hi.

Isaiah 44:19

Milimte a vawtpa in hi bangin a ci thei natu ciimna heakna nei ngawl hi, “Thing pawlkhat ka thuttum hi. Meikam tungah anluum pawlkhat ka em a, sa zongh em in ka ne hi. A om lai thingte sia milim in ka vawt hi. Hi munah thingtawng khat ii mai ah ka kunsuk hi!” ci hi.

Isaiah 5:12

Na poai sung uh ah tengtongh, daalkual khuangnote, tamngaite, na tum uh a — tuaciang sapittui na ne uh hi. Ahihang Topa in bang seam cisia na tel bua uh hi,

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 16:17

Amate vawt theampo ka mu hi. Ka mai ah a kiseal bangma om ngawl hi; amate ii mawna khialnate ka mu ngawl, bangma om ngawl hi.

Jeremiah 17:1

Topa in, “Judah mite awng, na mawna uh sia thik laikung taw ki at hi; tuasia na lungtang tungah diamond dawn taw kikhen a, na biaknatau kingte tungah kikhuak hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 32:19

Nangma in ngealna phate na nei a, naliante na seam hi; mihingte ii a sep a vawt theampo na mu a, amate ii diannate taw kizui in thaman na pia hi.

Jeremiah 4:18

Judah awng, na nuntakna zia le na nasepna sate taw in hi thu nangma tung ma na then hi. Na mawna in hi thuakna piangsak zo a; tua in na lungtang hollet hi.

Jeremiah 44:21

“Noma le no ii taanghpupite, kumpipate le lampuite, ngamsung mipite vawt Judah khuate le Jerusalem khua lampite tungah na biakpiakna uhte Topa in he ngawl ahibuale a mangilin ngaisun nu ziam?

Ezekiel 21:29

Na mu kholte a theam hi a, na thu sonkholte sia leilot thu hi. Nang sia seksol a ngilo ni hi, tuaciang a khakbel daan na khak ni, na ni sia hong pai tu hi. Na ngawng ah namsau hong ki ngat tu hi.

Hosea 12:2

Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi.

Hosea 4:9

Tua mite daan thuak bangma in na thuak tu uh hi! Siatna na vawt hu in kong liausak tu a, daan kong pia tu hi.

Hosea 6:2

Ni nii, ni thum sungin eite tha thak hong pia kik tu a, ama ompui na ah ih nungta tu hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Amos 8:7

Topa, Israel te ii Pathian in, “Amate tatsiatnate ka mangil ngei buatu hi.

Jonah 1:2

Ama in, “Khuapi lian ahi Nineveh khua ah va pai ta'n a, hi thu va son khe ta'n; a mite bangza in seksol ziam ka heak ahi hi,” ci hi.

Mi Simna 32:23

Ahizong, na kamciam na len bua uh le, Topa langpanin mawnei na hi tu uh sia kong hesak hi. Hi thu taw kisai in khial tha heak vun; na mawna daan thuak tu nu hi.

Luke 12:2

A kisiin theampo kihong tu a, thuku a minpiang kipholaak tu hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

Thuhil kikna 32:29

Amate in a ngallelna ii ahang sia mu ngawl a; thupiangte tel zo ngawl uh hi.

Hebrew te 4:13

Pathian mai ah bangma a kiseal thei bua hi; bitphua sa na theampo sia ama mai ah kipualaak siat hi. Tuaciangin ih sep ih vawt sa theampo tungah thu hong sit tu sia ama ahi hi.