Hosea 7:14 - Syin Chin Bible

¹⁴ Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Hosea 7:14 Iomraidhean Croise

Pusuana 32:6

A zing ciang zingtuungin amate in nganhing pawlkhat sangaw meihal biakpiak natu le a dangte sia kipawlkhop biakpiakna ah neak tu in hong paipui uh hi. Tua poai ah mite tokhawm in etlawm ngawl za dongin neakna dawnna le numei le pa paktatna suaksak uh hi.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Isaiah 52:5

Tu in Babylon ah tuabang ma in piang hi: note sia ngalmatte na hi uh a, no atu in bangma hong kipia ngawl hi. No hong ukte kiphasak, kihisak in kei hong melsia tawntung uh hi.

Isaiah 65:14

Amate lungdamin lasa tu uh a, no na hi uh le thin tamhtham in na kap tu uh hi.

Jeremiah 12:2

Nangma in amate na suan a, amate in zung tha uh hi; amate khangto in a nga nga uh hi. Amate in a kam in nang hong phat son tawntung uh hi, ahihang a thinsung tatak uh taw nang hong thusim ngawl uh hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Kaa late 2:18

Jerusalem awng, na luphungte mama in Topa ko tahen! Na thituite a sun a zanin ngun bangin luangsak in; kaana le khuangaina taw nangma le nangma kingawt in!

Hosea 13:16

Kei hong langpan hu in Samaria sia daan kipia nanak tu hi. A mite ngal sungah thi tu uh hi; nausente sia lei denna in kinei tu a, naupaai nupite ngil kikui tham tu hi,” ci hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 13:9

“Israel mite awng, hong susia tu khi hi! Tuasia ciang akua in no hong hu thei tu ziam?

Hosea 3:1

Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

Hosea 8:2

Amate in kei hong he a, na mite hi ung ci a, a Pathian hi ci in hong sap hang,

Amos 2:8

Biak kikhopna mun theampo ah, a zawngte ii leitoai natu a pon puante sia mite in luppha in nei uh hi. Amate in sum a bate tung pan a laak sapittui zongh, a Pathian biakinn sungah ne uh hi.

Amos 8:3

Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

James 4:3

Tuaciangin na nget uh ciang, na nga bua uh hi, banghang ziam cile na niimnate pha ngawl hi; noma nopsak natu sung bek ah na zak tu uh nate na ngen uh hi.

James 5:1

Tu in, no sumhaute awng, hong ngai tavun! No tungah hong tung tu ngimna haksatnate huvau kapin mau vun!

Thukhente 9:27

Amate sia a sapithuante sungah pai siat in sapitnga lo a, sapittui a vawt zawk uh ciang poai khaam uh hi. A pathian biakinn sungah amate tumin tua munah ne in dawn in om a, Abimelech simmawkna kam pau uh hi.