Hosea 7:12 - Syin Chin Bible

¹² Ahihang keima in amate paina po ah ngeen khakin vacimte mat bangin ka man tu hi. A ngamtat siatnate hu in amate daan ka pia tu hi.

Hosea 7:12 Iomraidhean Croise

Job 19:6

Hi sia a seam sia Pathian a hi sia mu thei ngawl nu ziam? Ama in kei hong mat natu in thaang hong sia hi.

Thuhilsya 9:12

Na hun hong thet tu na he ngei bua hi. Thakhat thu in vacimte thaang sungah a kimat bang, ngasate ngeen taw a kimat bangin, eite zongh ih muanmawk ngawl het laitakin thaang sungah hong kiman hi.

Jeremiah 16:16

Topa in, “Ngasa mante tam mama hong pai natu in ka vaitha tu a, hi mite ka mansak tu hi. Tua zawkciang savaite tam mama ka vaitha tu a, muallian mualno tung theampo le suangkawm suanghawngte sungah amate ka vaisak tu hi.

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Ezekiel 12:13

Ahihang ka ngeen ka phalh tu a, a sungah ama ka awksak tu hi. Tua zawkciang ama sia Babylon khuapi ah ka paipui tu a, tua khuapi mu ngawlin a thi tu hi.

Ezekiel 17:20

Savaipa ngeen ka khak tu a, ama ka man tu hi. Babylon ah ka paipui tu a, kei tungah hong thumaan ngawl ahikom tua munah daan ka pia tu hi.

Ezekiel 32:3

Minam tam ma hong kikhop uh ciang, ka ngeen taw kong paai tu a, tua ngeen sia amate in vaalbo ah ka kaisak tu hi.

Hosea 5:9

Daan thuak tu ni hong theng tu a, Israel kisusia tu hi. Israel mite awng, hisia piang tatak tu hi!

Thupualaakna 3:19

Ka it te a vekpi in, teihin daan ka pia hi. Tua ahikom na thin takpi taw in, na mawnate pan kisiik kik in.