Hosea 7:1 - Syin Chin Bible

¹ “Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Hosea 7:1 Iomraidhean Croise

Isaiah 28:1

Israel kumpi ngam sia a lal ahi hi! Ama ii minthanna sia zukham a lampuite ii lu tungah a khuk paak taw a kivawt kumpi lukhute taw kibangin mang vadi tu hi. Paaknamtui pha tak kinoai napi in a kiphasak amate ii lutangte sia, zu a kham hu in khuaphawk ngawlin tua munah lumcip uh hi.

Isaiah 59:12

“Topa awng, nang tungah khialna lian kong vawt uh tam mama hi. Ko ii mawna khialnate in kote hong kawk hi. Tuate pha takin ka he siat uh hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Isaiah 59:14

Thukhaikimna kinilkeak a, a maan thu in hong neak thei ngawl hi. Thumaan thutak in mihon kikhopna sungah lutu a, thumaanna in tua munah om natu mun nga zo ngawl hi.

Jeremiah 51:9

Tua munah a teang ngamdangmite in, ‘Babylon hu tu in ka hanciam uh hang hai lei zo hi. Tu in nusia in ih inn ih lo zuan kik ka tawng. Pathian in Babylon sia a tha neiza theampo taw daan pia zo a, siasak dipdeap zo hi,’ ci uh hi,” a ci hi.

Ezekiel 16:46

“Na u nu sia saksang ah a om, Samaria le a khuanote ahi hi. Na naunu le a khuanote ahi Sodom sia thangsang ah om hi.

Ezekiel 23:4

A u zaw ii min sia Oholah (ama sia Samaria taang) hi, tuaciang a nau zaw sia Oholibah (ama sia Jerusalem taang) hi. A nii in ka teenpui a, amate in tate hong hinpui uh hi.

Ezekiel 24:13

Jerusalem awng paktat ngamtatnate in nang hong niinsak zo hi. Thiansua tu in kong hanciam hangin na nin veve lai hi. Ka thin uukna a cingin na thuak mateng na thiangtho kik buatu hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 11:12

Topa in, “Israel mite in kei leilot thu le theamna taw hong kiim uum a, Judah mite in kei a thumaan le a thiangtho Pathian hong langpan lai uh hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Hosea 12:1

Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.

Hosea 12:2

Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi.

Hosea 4:17

Israel mite sia milimte ii ngau tawk hi. Amate lampi tek tawn lel tahen.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Hosea 6:4

Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

Hosea 7:13

“Amate a lal hi zo hi! Amate in kei hong taisan a, hong langpan hi. Amate kisusia tu hi. Amate suatak nuam ka hihang amate ii kei hong biakna maan ngawl hi.

Hosea 8:5

Samaria khuapi a teang mite ii a biak khamh khuital sia ka ensan hi. Amate tungah ka thinso hi. A milim biakna a kheal natu in bang tanvei ngei lai tu ziam?

Hosea 8:9

Ngam laate bangin a thinpui Israel mite in amate sansak tek zuan uh hi. Amate in Assyria tungah hu ngen tu in pai a, amate sungsia tu in a dang ngamte sum taw tham hi.

Amos 3:10

Topa in, “Hi mite in a innpite sia khialna lian le ngongtatna taw a laaksak vanhte taw dimh uh hi. Amate in thumaan natu zia ngawngawn he ngawl uh hi.

Amos 3:9

Ashdod le Egypt kumpi innte sung a teangte munah hi bangin taangko vun: “Samaria kiimkot mualte tungah kikhawm vun a, tua munah a nasia mama buaina le khialna liante en vun.”

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!

Luke 13:34

“Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Luke 19:42

“Thinnopna om thei natu in tuni in bang kisamh ziam ci in he thei thong lete maw! Ahizong tua thu mu thei ngawl ni hi!