Hosea 6:9 - Syin Chin Bible

⁹ Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

Hosea 6:9 Iomraidhean Croise

Pianciilna 12:6

Abram sia tua ngam kaantan in Shechem khua ah om mun thiangtho ahi Moreh ii thingkung thiangtho a thet dong paisuak hi. (Tua hun in Canaan te tua ngam ah teang lai hi.)

1 Kumpite 12:25

Israel kumpipa Jeroboam in Ephraim mualtung ngam ah Shechem khua kulh taw uumin tua munah tawmvei teang hi. Tua zawkciang ama in tua mun nusia in Penuel khua ah kulh vawt hi.

Ezra 8:31

A tha khat tha, ni sawm le ni nii ni in Jerusalem zuan tu in Ahava a kitotawm Tuiluam ka nusia uh hi. Khualhawna ah kote ii Pathian in hong ompui a, ngalte hong simna le hong suam natu panin hong dal hi.

Jeremiah 11:9

Tuaciang Topa in kei tungah, “Judah mite le Jerusalem khua mite in kei hong thasawm uh hi.

Ezekiel 22:25

A lampuite sia a thalup sa nganhingte a hawk tawpite taw kibang hi. Amate in mihingte that a, a sum le a neisa te a laak thei theampo laaksakin a thalup hu in tam mama meingong suaksak uh hi.

Ezekiel 22:27

Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

Ezekiel 22:9

Na mite pawlkhat in midangte thi daan a thuak natu in leilot thu a son uh hi. Pawlkhat te in milim biakpiakna sa a ne uh hi. Pawlkhat te sia cii le sa deinate a lungkimsak tawntung uh hi.

Ezekiel 23:27

Egypt ngam ah na om lai pan kipan na sikvil na loklenna te le a maizumhuai na ngamtatnate kong khealsak tu hi. Milimte na en nawn buatu a, Egypt ngam na lungngul nawn buatu hi.”

Hosea 2:10

A lawmpate mai ah a nguaktangin om tu in a puan a nikte ka suukeaksak tu a, kuama in ka khut sung pan ama hun zo ngawl tu hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Hosea 5:2

Acacia Khuapi ah dum thuk khat na suak uh a, na vekpi in daan kong pia tu hi.

Hosea 7:1

“Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Micah 3:9

Thukhaikim ngaimaw in, a maan sia a khial a sua, no Israel ngamukte awng, hong ngai tavun.

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Mark 14:1

Tu in Paisan Poai le Tol saw ngawl Anluum Poai sia ni nii samh lai hi. Thiampi liante le Thukham hil syate in Jesus sia a thimtham in man a thalup thei natu in lampi zong uh hi.

John 11:47

Tua ahikom Pharisee te le thiampi liante Council te taw kisitua in, “Bang law tu hi ziam? Hisia pa ii nalamdang lakna a vawt theampo en vun!

Sawltakte 4:24

Thu umte in a zaak uh ciang, Pathian tungah hi bangin thungen khawm uh hi: “Vantung, leitung le tuipi le a sungah a om theampo ii Topa le Bitphuapa!