Hosea 6:8 - Syin Chin Bible

⁸ Gilead sia mi siate le mithatte taw a kidim khuapi khat hi.

Hosea 6:8 Iomraidhean Croise

2 Samuel 20:8

Amate suangpi khat sia omna Gibeon a thet uh ciang Amasa taw kisi uh hi. Joab sia ngalsim natu puansilh in, a namsau sia a paai taw a kawngkhau tungah khit hi. Ama mai sangah a pai laitak a namsau taaksua hi.

2 Samuel 3:27

Hebron ah Abner hong thet ciangin, Joab in ama nguak taw thu son tubangin kongpi ah a tuamin paipui a, tua munah a ngil pan naam taw hol hi. Tuabangin Abner sia kisuamlum hi, banghang ziam cile ama in Joab ii suapuipa Asahel thalupsak hi.

1 Kumpite 2:5

“Thudang khat om lai hi. Joab in kei tungah hong ngamtatna ciamtee tu ni hi, ama in Israel te ngalkaphonpite a uk, Ner ii tapa Abner le Jether ii tapa Amasa te nii hong thalupsak hi. Ngal sungah thina hangin ngal kilem hun sungah phulam in tualthat ahi sia na phawk tu hi. Ama in mihing mawnei ngawlte that ahikom tu in ama ngamtatna teng keima pu khi hi, tuasia taw kizui in a piang babang thuak khi hi.

Psalm Late 10:8

Khuanote sungah amate mama buu in, mawnei ngawl mite that tu in pang hi. Akua cimaw ziam ci in kankuu uh a;

Psalm Late 141:4

A maan ngawl sep nopna le, mihing tatsiate seksolnate panpui nopna pan hong keam ta'n. Amate ii anneak poai sungah ka kihel ngei buatu hi.

Psalm Late 59:2

Tua mihing ngilote kung panin hong hun ta'n; tua mihing thatte kung pan hong suatak ta'n!

Jeremiah 11:19

Thalup tu a, a kipaipui a tote a muang tuuno khat bang ka hi a, amate ii a sia hong sawmnate ahi hunlam ka he bua hi. “Thingkung a nga thiam laitakin phuktan tawng; ama sia kuama ii a phaw nawn ngawl natu in thatlum tawng,” amate in ci uh hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 12:12

Ih taanghpupi Jacob sia Mesopotamia ah tai a, zi khat a nga natu in tua munah midang khat ii na seamin a tuute cing hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Sawltakte 25:3

Paul sia Jerusalem ah a paisak natu ngen uh hi, banghang ziam cile amate in, lampi ah suamlup sawm uh hi.

Joshua 21:38

Gad nam tung pan amate in khuapi li: Gilead pan Ramoth, a nganthana leitang taw (bukna khuapi khat) Mahanaim,