Hosea 6:6 - Syin Chin Bible

⁶ Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Hosea 6:6 Iomraidhean Croise

1 Khangtaanghthu 28:9

Tua ciang Solomon tungah ama in, “Ka tapa awng, na pa ii Pathian sia thusim in a, lungkaa ngawlin uuk tatakna taw ama na seam in. Ama in ih thinsung tawngh le ih ngaisutna theampo he siat hi. Ama kung na zuan le ama in nang hong saang tu a; na taisan le a tawntungin nang hong nungngat tu hi.

Psalm Late 50:8

Na sangaw biakpiaknate hu le nong piak tawntung uh meihal biakpiaknate hu in kong mawsak bua hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Thuhilsya 5:1

Biakinnpi ah na pai ciang kidawm in. Tua munah pai in thusin tu sia, a maan le a maan ngawl a he ngawl mihing mawmawte ii sangaw biakpiakna sangin phazaw hi.

Isaiah 1:11

Ama in, “Kei tungah nong piak bul biakpiaknate theampo dei tu in hong um nu ziam? Nganhing a limci, a thaute le meihal biakpiakna a nong nei tuute zaa sangin a kicing vaal zaw ka nei hi. Khuitalte, tuute le kealte ii chi cimtak zo khi hi.

Isaiah 58:6

“Kei dei an tanna sia hi bang ahi hi: zawthawkna thikkolte le thukhaikim ngawl a kivawtna hakkolte suutin, zawthawk vawt a thuakte suataksakna ahi hi.

Jeremiah 22:16

Ama in mizawngte tungah a pha in thukhen a, tuaciang ama atu in na theampo a pha suak hi. Tuabang ahi theina in Topa a heak hang ahi hi.

Jeremiah 7:22

Egypt ngam panin na taanghpupite ka laak lai in meihal biakpiakna le a dang tuatuam biakpiakna taw kisai thupiakna ka nei bua hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Hosea 2:20

Ka kamciamte ka len tu a. keima aa kong hisak tu hi. tuaciang keima Topa in nong saang tu hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Amos 5:21

Topa in, “Na biakna poaite ngaimaw khi hi; tuate sia kiihuai sa khi hi!

Micah 6:6

Vantung Pathian Topa bia tu in ka pai ciang ama atu bang puak tu khi ziam? Biakpiakna a hal tu khuino phabelte paipui tu khi ziam?

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Matthew 12:7

Laithiangtho in, ‘Thuthiamna ka dei a, sangaw biaknate ka dei bua hi,’ a ci sia he tatak hi le uhte, a maw ngawl khat sia mawsak lalai ngawl tu nu hi.

Matthew 5:7

“Ngual hesuak theite in mihing lungdamte ahi uh hi; Pathian in amate hesuak tu hi!

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

Mark 12:33

Tuaciangin mihingte in Pathian sia a thin theampo, a ngaisutna theampo, le a thatang theampo taw a it tu uh kul hi; tuaciangin ama a ki it bangma in a innpaamte a it tu kul hi. Pathian tungah nganhing taw biakpiaknate le a dang biakpiaknate sangin, hi thukham niite zui tu thupi zaw hi,” ci hi.

1 John 2:3

Pathian thupiakte ih zui le tuasia ciangin ama a he ih hi hunlam ih tel hi.

1 John 3:6

Tua ahikom Christ taw kipumkhat a, a nungta peuma mawna zom suak nawn ngawl hi; ahihang a kuama po mawna vawt a zom suakte sia ama a mu ngeingawl ahibuale a he ngeingawlte ahi hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.