Hosea 6:5 - Syin Chin Bible

⁵ Tua hu in no kungah thukhenna le lalsakna thu puakin ka kamsaangte kong paisak zo hi. Note tung pan ka dei thu sia thiang a kitel sinsen hi:

Hosea 6:5 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

1 Kumpite 14:6

Ahihang Ahijah in ama ii bangkua sung sangah hong tum a zaak ciang, “Hong tum ta'n, Jeroboam ii zi na hi sia hong he khi hi. Midang khat bangin banghangin kithoai ni ziam? Nang atu thupha ngawl kong son tu nei khi hi.

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

1 Kumpite 18:17

Ahab in a mu ciangin ama munah, “Zialai ah nang — Israel ngam sungah ngimna a nasiabel a piangsak pa om na hi ziam!” ci hi.

1 Kumpite 19:17

Hazael ii thalup natu pan a suakta a om le Jehu in thatlum tu a, Jehu ii thalup tu pan a suakta a om le Elisha in thatlum tu hi.

2 Kumpite 1:16

ama munah, “Topa in hi bangin ci hi: ‘Israel ngam ah thudok tu pathian om ngawl bang keak in — Ekron te ii pathian Baalzebub kungah kamtaite paisak na hikom — nang dam kik ngawl tu ni hi; thi tu ni hi!’ ” ci in son hi.

2 Khangtaanghthu 21:12

Kamsaangpa Elijah in Jehoram laithak a, a lai sungah: “Na pa Jehoshaphat kumpipa ahibuale na pu Asa kumpite ii lamlakna bangin na zui ngawl hu in na taanghpupi David ii Pathian, Topa in nang hong puavawk hi.

Job 15:30

tuaciang amate khuazing sung pan suakta ngawl tu hi. Amate sia a baakte mei ii a kak, a paakte vui ii seamkeak thingkung te bang hi tu hi.

Job 34:10

No a tel thei pasalte awng, hong ngai tavun! Vaanglianbelpa Pathian in a maan ngawl naseam tu ziam?

Psalm Late 119:120

Nangma hu in ka lau hi; na thukhennate hu in launa taw ka kidim hi.

Psalm Late 37:6

ama in na thutang sia sun ni bangin hong taangsak tu hi.

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 58:1

Topa in, “A nging theiza in au vun! Israel ka mite tungah a mawna a khialnate son vun!

Jeremiah 1:10

Minamte le kumpi ngamte a longhkeak tu le a kaikeak tu, a susia tu le a lawnthal tu, a sa tu le a suan tu in thu neina, tuni in nang kong pia hi” hong ci hi.

Jeremiah 1:18

Jeremiah awng, ngai in! Hi ngam sungah om mihing theampo — Judah kumpite, uliante, thiampite le mipite — in nang hong langpan tu uh hi. Ahihang tuni in amate na nalh zawk natu in thahatna kong pia tu hi; nangma in kulh taw a ki uum khuapi khat bang, thik khuam khat bang le taau luphung khat bang na hi tu hi. Amate in nang hong zo ngawl tu uh hi, banghang ziam cile nang hong dal tu in kong ompui tu hi. Topa keima in ka son zo hi,” hong ci hi.

Jeremiah 13:13

Tuaciang keima Topa in hi ngam sungah a om mihingte theampo: David ii suan le paal kumpite, thiampite, kamsaangte le Jerusalem khua mite theampo sapittui a kham dong ka piak tu sia amate son in.

Jeremiah 23:29

Keima thupuak sia mei taw kibang a, suangtum a bebekin a sutham thei sek taw kibang hi.

Ezekiel 11:4

Tua ahiciang, tu in a thithei mihing awng, amate phat ngawlna son keak in,” hong ci hi.

Ezekiel 3:9

Suangpi bangin kong kipsak tu a, diamond suang manpha bangin kong saksak tu hi; tua tualngalte kiita vet heak in,” hong ci hi.

Ezekiel 32:18

Ama in, “A thithei mihing awng, a tam mama Egypt mi theampo atu in khuangai in na om in. Amate sia a thahat minamte taw mithi khua ah puaksuk in.

Ezekiel 43:3

Hi mukholna in Pathian ii Jerusalem khua siasak tu hong pai lai in ka mu sia le Chebar ngunhui ah ka mu mukholna khat taw kibang hi. Tuaciang, keima le keima ka khup lamin lei ah ka bok hi.

Zephaniah 3:5

Ahihang khuapi sungah Topa om lai hi; ama in a maan bang seam a, a hi ngawlte vawt ngeingawl hi. Zing sim a pealmaw in a mite tungah thutang lak hi. Tua hi napi thutang ngawl mite in a maan ngawlte ma vawt tan viuveu a, a mai uh zum ngawl hi.

Sawltakte 7:31

Moses in a mu teng lamdang sa in, a kitel zaw in a mu thei natu sawlpaang sang neak hi. Ahihang Topa ii aw hi bangin za hi:

Romete 2:5

Ahihang note na thin uh pui in na lungtang uh sak hi, tua ahikom Pathian sia thin uukna le thutang taw thu a khen Ni ciangin na daan khak tu uh sia a nasia seseam in hong kilangh tu hi.

Ephesus te 6:17

Ngupna sia thik lukhu bangin na saang vun a, tuaciangin Pathian kammal sia Thaa ii hong piak namsau bangin na zangh vun.

Hebrew te 4:12

Pathian kammal in nungta a, thahat in, lang nii hiam namsau sangin hiam zaw hi. Ama in thaa le thinsung kisiktuana mun, ngu le taang ngungeak kipeena mun teng pailet hi. Ama in mihing deina le lungngulna te tungah thukhen hi.

Thupualaakna 1:16

Ama in a khut ziatsang ah aksi sali toai a, tuaciang a kam sung panin a lang nii hiam namsau khat hong pusuak hi. A maitang sia sun lai nitaang bangin taang hi.

Thupualaakna 2:16

Tu in na mawnate uh pan kisiik kik vun! Na kisiik kik bua uh le ka kam sung pan a pusuak namsau taw tua mihingte a sim tu in, note kungah hong pai pal tu khi hi.

Thupualaakna 9:15

Vantunglalang li teng kitha hi; tu kum, tu tha, tuni, tu hun lianin mihing theampo ii see thum sua see khat a thalup natu in amate li sia a kingingta sa in kikoi hi.

Thupualaakna 9:21

Amate in ngual a thalupna, bum le ai toaina, numei le pa paktatna le nguktaknate uh panin a kisiik kik bua uh hi.

1 Samuel 13:13

“Tuasia mawmawt nasep hi,” ci in Samuel in zo hi. “Nang in na Topa Pathian ii thupiak bangin ngamta ngawl ni hi. A thu ni hi lete nang le na suan na paalte in a tawntungin Israel hong uksak tu hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.

1 Samuel 15:32

“Kumpipa Agag hi lai kei kungah hong paipui tavun,” ci in Samuel in thupia hi. Agag sia ama kungah lau vadil in hong pai a, “Thi tu sia bangza in na ziam?’. ci in ngaisun hi.

1 Samuel 15:33

Samuel in, “Na namsau in nute tam mama ta selsak ahi bangma, tu in na nu zongh tasel tu hi,” ci hi. Tuabangin Samuel in Agag sia Gilgal biaknatau mai ah neensem hi.