Hosea 6:3 - Syin Chin Bible

³ Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Hosea 6:3 Iomraidhean Croise

2 Samuel 23:4

meeikaai om ngawl zing khuavak tuung nitaang taw kibang hi, ngua theau zawkciang lopate a teesak vasip ni taw kibang hi.

Job 29:23

khaal kipat hun a lothote in khuapi ngua a saan thiam bangin a kuama po in ka kammalte saan thiam uh hi.

Psalm Late 19:4

ahitazong amate ii thupuak sia leitung bup ah kizel a leimong dongin kiza hi. Pathian in ni atu in van ah inn khat vawtsak hi;

Psalm Late 19:6

Van mong khat pan hong kipan a, van laizang kaantanin a langkhat dongah pai hi. Ama ii satna sia bangma in lia thei ngawl hi.

Psalm Late 63:8

Nangma kong luai a, na khut in hong keamcing hi.

Psalm Late 65:9

Leitang na thinbotna na lakna in nguatui na puak a; leipha leihoi in na vawt hi. Luamte tui taw na dimsak hi; leitung ah an na piangsak hi. Na sepzia in hi bang ahi hi:

Psalm Late 72:6

Kumpipa sia lo sungah nguazu bang, leitang tungah nguatui buak bang hi tahen.

Paunakte 4:18

Thutangte tot lampi sia sun dongin, a taang vaial nisuak taw kibang hi.

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 32:15

Ahizong Pathian in ama thaa khatvei ma hong puak kik tu hi. Leisiate leipha suak kik tu a, lo panin an tam mama piang tu hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Isaiah 54:13

“Keima mama in na mite ka hil tu a, nopsakna le kilemna ka pia tu hi.

Jeremiah 24:7

Keima Topa ka hi hunlam heak nopna thin ka pia tu hi. Tuasia ciang amate sia ka mite hi tu a, keima in a Pathian ka hi tu hi, banghang ziam cile amate in a thin theampo taw ka kung hong zuan kik tu uh hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Hosea 10:12

Keima in, “Noma atu in leithak tho vun a, thutang suana ciingin, kei nong biakna pan a piang tu thuphate at vun. Na Topa ahi kei sangah nong kiheak tu hun zo a, tuaciang kong pai tu a, no tungah thupha kong buak tu hi,” ci hi.

Hosea 14:5

Keima in Israel mite tungah ngam kona ah nguatui bang ka hi tu hi. Amate in paakte bangin a palh tu hi; Lebanon thingkungte bangin a zung kho tu hi.

Hosea 14:6

Amate in khantona thak taw nungta tu a, olive kung hoi te bangin etlawm tu hi. Lebanon Cedar te bangin amate namtui tu hi.

Hosea 2:20

Ka kamciamte ka len tu a. keima aa kong hisak tu hi. tuaciang keima Topa in nong saang tu hi.

Micah 4:2

tuaciang a mite in, “Topa ii mual, Israel ii Pathian Biakinnpi ah kaato tawng. Banghang ziam cile seam a hong oaite ama in hong hil tu hi; ama tealsa lampi ih zui tu hi. Banghang ziam cile Topa hilcianna in Jerusalem pan hong pai hi; ama in Zion panin a mite paupui hi,” ci tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Micah 5:7

Israel mi a suakta laite sia minam tam atu in Topa piak tha thak nga kikna daaitui bang hi tu a, thingno suante tung a nguazu vapeak bang hi tu hi. Amate in Pathian bealh tu a, mihing suang ngawl tu hi.

Zechariah 10:1

Khaal kipat hunin Topa tungah nguatui ngen vun. Ngua a paai meeikaai hong puak a, ngua zusak in, kuama theampo atu lote a hingsak pa sia Topa ahi hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 13:11

Jesus in, “Vantung ngam thuku sia note tungah hong kipia hi; ahihang amate tungah kipia ngawl hi.

Luke 1:78

Ih Pathian sia hesuak thiam a, thinneam hi. Ama in ngupna zing khuavak ei tungah hong taangsak tu a,

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 17:11

Tua khua mite in Thessalonica khua mite sangin ngaisun kaak thei zaw uh hi. Amate in lawpna lian taw thusonte ngai in, Paul thusonte maan tatak ziam ci in a heak natu in ni simin Laithiangtho en uh hi.

Thuhil kikna 32:2

Kong hilcianna nguamal bangin taak tu a, leitung ah daaitui kia bang hi tu hi. Ka kammalte sia thingkungnote tungah nguamal phiin bangin lopa moite tungah dam takin a zu nguatui bangin taak tu hi.

Hebrew te 3:14

Banghang ziam cile a kipat pan ih nei kimuanna sia a tawp dongin ih kholet le ei theampo sia Christ taw a kikopte ih hi hi.

2 Peter 1:19

Tua ahikom kamsaangte son thute tungtaang ah thinmuanna ka nei seseam uh hi. Tua thute na thupi ngaisut tu pha hi, banghang ziam cile, tua Ni khua hong vak a, nikonghong aksi na thinsung uh ah hong taan dong in, khuazingna munah tua thu sia meivak taang taw kibang hi.

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.