Hosea 6:1 - Syin Chin Bible

¹ Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Hosea 6:1 Iomraidhean Croise

2 Khangtaanghthu 30:6

Kumpipa le a uliante ii thu piakna om bangin Judah ngam le Israel ngamsung theampo ah kamtaite paisak kawkoai in hi bangin samsak hi: “Israel mite awng, Assyria te ii hong zawthalna ngam pan na suakta uh hi. Tu in Abraham ii Pathian, Isaac ii Pathian, Jacob ii Pathian, Topa zuan kik tavun, tuaciang ama zongh no kung hong zuan kik tu hi.

Job 16:9

Pathian in thin uukna taw ka ngu ka taang khat zawkciang khat thiaktan a; etsatna taw kei hong ngau hi.

Job 22:23

Hi hi, Pathian kungah kiniamkhiakna taw heak kik hamtangin, na bangkua sungah a sia ngamtatna theampo na bosak ta in.

Job 34:29

Pathian in bangma vawt ngawl tu in a khensat hial le zong kuama in ama mawsak thei ngawl hi. Ama in a mai seal le eite ih cimaw tu hi.

Job 5:18

Pathian in ama liamsuate ii meimate tuamsak hi; a khut taw nang hong nasak a, a khut taw nang hong damsak hi.

Psalm Late 30:7

Topa awng, nang in kei tungah nong dik hi; mualtung ngalnanna kulhpi bangin kei nong dal hi. Ahihang ka mai panin nong kiseal a, tuaciang ka lau hi.

Psalm Late 6:2

Ka tha zawm vangeu zo hi, Aw Topa ; hong hesuak ta'n! tha hatna hong pia ta'n, zawmcip zo khi hi,

Psalm Late 71:20

Ngimna le thuaknate kei tungah nong tungsak zo hi, ahihang nangma in ka tha ka ngal nong dim kik tu a; thaankuul panin nong keam tu hi.

Thuhilsya 3:3

thalup tu hun le damsak tu hun, phelthap tu hun le sakto tu hun ciangtan hi.

Isaiah 17:7

Tua ni a thet ciang, mihingte in amate a Bitphuapa ahi, Israel te ii a thiangtho Pathian kungah hu ngenin zuan tu uh hi.

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 30:22

Ngunn taw kizut in khamh taw a kituam, na milimte na la tu uh a, tuaciang ninteak bangin vawkkeak in, “Ka muna ah om heak vun!” ci in na ausan tu uh hi.

Isaiah 30:26

Tha in nitaan za ma in taang tu a, ni in a taan ngeina sangin a zaa salivei in taang zaw tu hi, ni sali sung nitaanna bup sia ni khat a kingawm taw kibang tu hi. Topa in a mihingte tungah a thuaksak liammate tuamsakin a damsak ciangin hi thu theampo hong piang tu hi.

Isaiah 55:7

Mi seksolte in amate ii nuntakna zia nusia tahen a, a ngaisutna zia kheal tahen. Topa ih Pathian kungah amate in zuan tahen; Topa in hong hesuak thei a, mawna hong maisak papai hi.

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 30:12

Topa in a mite tungah, “Na meima uhte kibawl thei ngawl a, Na liammate uh kidamsak thei ngawl hi.

Jeremiah 30:17

No kong damsak kik tu hi; Na ngalte in, ‘Zion sia a kipuavawk sa khat hi a; kuama in awlmaw ngawl uh hi,’ a ci tazong na liammate ka damsak tu hi. Keima, Topa in ka son zo hi,” ci hi.

Jeremiah 33:5

Mihing kimkhatte in Babylon te do tu uh hi, amate in ka thin uuk ka thangsiatna taw ka velvawk tu mithi luangte taw innte dimsak tu uh hi. A mite ii a tatsiatnate hu in hi khuapi ka nungngat zo hi.

Jeremiah 33:6

Ahihang hi khuapi le a mite ka puuapha kik tu hi, ciidamna amate ka pia kik tu hi. Amate a kicing thinnopna le ngammuanna ka lak tu hi.

Jeremiah 50:4

Topa in, “Tua hun hong thet ciang, Israel le Judah mite kap kawmin hong paikhawm tu uh a, amate ii Pathian, keima hong zong tu uh hi.

Jeremiah 50:5

Amate in Zion lampi dongh tu uh a, tua zawkciang tua sang ah pai tu uh hi. Amate in keima taw a tawntung kiciamna khat vawt tu uh a, bangma hunin palsat ngeingawl tu uh hi.

Kaa late 3:11

Ama in lam puasia ah kei hong del a, hong balneen in hong nusia hi.

Hosea 11:10

“A ngalte tawpi bangin ka hawksan ciang ka mite in kei hong zui tu hi. Amate in nitumna sang pan kei kung manlang takin hong zuan tu uh hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 14:4

Topa in, “Ka mite ka kung ka then kik tu hi. Ka thin theampo taw amate ka it tu a; amate tungah ka thin uuk nawn ngawl hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Thiampite 14:48

Thiampipa in inn sia za a kizut zawk in a et ciang cipawl natna a om kik nawn buale, cipawl natna bo thiang zo ahikom ama in biakna taw kisai a thiang inn ci in thangsak tu hi.

Zephaniah 2:1

A maizum maw minam awng,

Thuhil kikna 32:39

“ ‘Keima, keima bekma Pathian ka hi hi; pathian tatak a dang om ngawl hi. Ka thatlum a, nuntakna ka pia hi, ka liamsak a, ka damsak hi, ka nasepte kuama in hong nalh thei ngawl tu hi.

1 Samuel 2:6

Topa in thatlum a, tuaciang nungtasak kik hi; ama in mihingte sia mithi khua ah puak hi, tuaciangin heakpui kik hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.