Hosea 5:6 - Syin Chin Bible

⁶ Amate in a tuute le a khuite Topa tungah sangaw biakpiakna tu in pia ahihang amate atu phattuamna om ngawl hi. Amate in Topa mu thei ngawl uh hi, banghang ziam cile Topa in amate nusia zo hi.

Hosea 5:6 Iomraidhean Croise

Pusuana 10:9

Moses in, “Koma patangte le khanghaamte zongh pai siat tu khu hi. Kote in ka tapate le tanute, ka tuute le kealte, le ka khuite keng tu khu hi, banghang ziam cile Topa zatak piakna in poai khat vawt tu kul hi,” ci in zo hi.

Paunakte 1:28

Tuaciang ciimna nong kan tu a, ahihang kong zo buatu hi. Mun theampo ah hong zong ka lete zong nong mu buatu hi.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Paunakte 21:27

Mihing seksolte ii sangaw biakna a piak ciang, a tuanin ngitlo thin taw a pia le Topa in huatsa hi.

Solomon ii La 5:6

Ka ngaino kongkha ka hon hi, ahihang ama om nawn ngawl hi. Ama aw za nuam lawlawm ing! Ka zon hang ama ka mu zo bua a, ka biapui hang ama in hong zo ngawl hi.

Isaiah 66:3

Mihingte sia a uuk bang po in ngamta uh hi. Amate in khuital khat ngo in, ahibuale mihing khat that in, biakpiakna in nei a; tuuno, ahibuale ui khat ii ngawng thiaktanin biakpiakna in nei a; antang, ahibuale vokte ii chi pia a; ngimnamtui pia, ahibuale milim khat tungah thu a nget uh sia amate atu in kibang siat hi. Amate in a kiihuai biaknate diksa uh hi.

Jeremiah 11:11

Tua ahikom tu in, keima, Topa in amate tungah siatna ka tunsak tu le kuama a suatak ngawl natu in thu ka sonkhol hi. Amate kapin huna hong nget ciang zong ka ngai buatu hi.

Jeremiah 11:14

Jeremiah awng, hi mihingte taangin kei tungah thu hong ngen heak in a, hong pakaai heak in. Amate sia ngim nga in a hu tu in kei hong sap ciang amate ka ngai buatu hi,” hong ci hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 7:4

‘Ei ngammuang zo hing! Hisia Topa ii Biakinnpi ahi hi, hisia Topa ii Biakinnpi ahi hi, hisia Topa ii Biakinnpi ahi hi!’ a ci tua theamna kammalte um nawn heak vun.

Kaa late 3:44

na thinsona meeikaai sia saa leih ahikom kote thungetnate nang kungah hong theng zo ngawl hi.

Ezekiel 8:18

Amate in ka thin uuk tutna theampo thuak tu hi. Amate ka khoaikhe buatu a, ka hesuak buatu hi. Amate in a nging thei zaza au in ka tungah thu hong ngen tu uh hi, ahihang amate aw ka ngai buatu hi,” hong ci hi.

Ezekiel 8:6

Pathian in kei tungah hong ci hi, “A thithei mihing awng, a piang nate na mu ziam? Ka mun thiangtho pan a khuala vaial na ah hong not keak Israel mite ii hi sungah a vawt a kiihuai ngamtatna en in. Hi sangin a mindai huai zaw nate ngawngawn na mu tu hi”.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Amos 8:12

Mihingte sia Tuipi Thi pan Mediterranean ah, tuaciang saksang pan nisuana sangah vakvai tu uh hi. Amate in mun theampo ah Topa ii thupuak kammal khat kan tu ahihang mu ngawl tu uh hi.

Micah 3:4

Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.

Malachi 1:10

Vaanglianbelpa Topa in, “Ka biaknatau tungah a kimang ngawl meite na hal ngawl natu in note khat in biakinn kongkhate khak le uh teh kong oai hi. No tungah ka lungkim ngawl a; kei kung nong paipui biakpiaknate kong saang buatu hi.

Luke 5:16

Ahihang Jesus a ngamkhingna munte ah thungen tu veu in pai hi.

John 7:34

Kei nong zong tu uh a, ahihang nong mu buatu uh hi, banghang ziam cile, kei om natu munah no na pai thei buatu uh hi,” ci hi.