Hosea 5:13 - Syin Chin Bible

¹³ “Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 5:13 Iomraidhean Croise

2 Kumpite 15:19

Assyria te ii kumpilianpa Tiglath Pileser in Israel sim a, tuaciang Menahem in, ngam sungah ama ii vaangletna a kip natu tua kumpipa ii panpui natu in ngunn kilogramme 34,000 pia hi.

2 Kumpite 15:29

Pekah kumpipa ahi hun laitakin Assyria te ii kumpilianpa Tiglath Pileser in, Ijon, Abel Beth Maacah, Janoah, Kedesh le Hazor khuapi teng le Gilead ii ngamkhen, Galilee le Naphtali teng suan hi, tuaciang a mihingte sia Assyria ah thongtaak tu in ciapui hi.

2 Kumpite 16:7

Ahaz in Assyria te ii kumpilianpa Tiglath Pileser munah kamtaite paisak a: “Keima in a thumaan na naseampa khi hi. Hong pai ta'n a, Syria le Israel kumpipate khut sung pan hong hun khia ta'n, amate in kei hong sim hi.” cisak hi.

Isaiah 3:7

Ahizong ama in, “Kei hi ngawl khi hi! Hong hu zo ngawl tu khi hi. Ka anneak tu ka puansilh tu nei ngawl khi hi. Na lampui hong seamsak heak vun!” ci in zo kik tu hi.

Jeremiah 30:12

Topa in a mite tungah, “Na meima uhte kibawl thei ngawl a, Na liammate uh kidamsak thei ngawl hi.

Ezekiel 23:5

Oholah sia keima aa hi napi a pumpi zuak ma seam suakin Assyria pan a lawmpate taw omkhop tu lungngul mama hi

Hosea 10:6

Tua milim sia a kumpilianpa maivil natu in Assyria ah kipua tu hi. Tua ngaisut piakna bang a zui hu in Israel minpaan tu a, kimaizumsak tu hi.

Hosea 12:1

Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.

Hosea 14:3

Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Hosea 2:7

Ama in a lawmpate del tu hi, ahihang pha zo ngawl tu hi. Ama in amate zong ahihang mu ngawl tu hi. Tuasia ciang ama in, “Ka pasal phit sia kungah heak kik ka tong — tua ka kiteen hun lai sia tu a sang nuam zaw ka na ve” ci tu hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Hosea 8:9

Ngam laate bangin a thinpui Israel mite in amate sansak tek zuan uh hi. Amate in Assyria tungah hu ngen tu in pai a, amate sungsia tu in a dang ngamte sum taw tham hi.

Micah 1:9

Samaria ii liammate kidamsak thei ngawl tu hi, tuaciang Judah zongh tuabang ma in thuak nai tu hi; suksiatna in ka mite teenna Jerusalem kongpite mama ah hong theng zo hi,” ci hi.