Hosea 5:1 - Syin Chin Bible

¹ “No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Hosea 5:1 Iomraidhean Croise

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 13:18

Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi.

Jeremiah 46:18

Vaanglianbelpa Topa Keima sia kumpipa ka hi hi. A nungta Pathian ka hi hi. Mual dangte sangin Tabor mual a saan zawk bangin, Carmel mual sia tuipi tungah dawk to in a saan bangma in, No hong sim sia pa ii thahatna zongh lian tu hi.

Hosea 10:15

Tua in no, Bethel mite ii a kiitakhuai siatna na vawt uh hu in hong tung tu thu ahi hi. Ngal kido a kipat po ciang Israel kumpipa thi tu hi,” ci hi.

Hosea 13:8

A note a bosua vompui khat bangin note kong sim tu a, kong baltham tu hi. Tawpi khat bangin thakhatin kong ne tum paih tu a, ngamsa khat bangin kong balneen tu hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 6:9

Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

Hosea 9:8

Pathian in Israel a mite kidop natu thupia tu in kamsaang khatin kei hong sawl hi. Tua hikasap ka paina po ah vacim khat bangin thaangsia tu nong sawm uh hi. Pathian Biakinnpi tung ngawngawn ah mihingte sia kamsaangpa ii ngalte suak hi.

Joel 1:2

Khanghaamzawte awng, nadon vun; Judah ngamsung a om mihing theampo awng ngai vun. Hi bang thu peuma noma khan sung ahizong na taanghpupi te khan sung ahizong a piang ngei ziam?

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Micah 3:1

No, Israel a ukte awng, ngai vun! Note in thumaan thutang dei tu hong kimuangmaw hi,

Micah 3:9

Thukhaikim ngaimaw in, a maan sia a khial a sua, no Israel ngamukte awng, hong ngai tavun.

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Malachi 2:1

Vaanglianbelpa Topa in thiampite tungah, “Hi thupiakna sia note atu hi:

Thukhente 4:12

Barak sia Tabor Mual ah paito zo hi ci in a zaak ciang

Thukhente 4:6

Ni khat ni ciang ama in Naphtali ngam Kadesh khuapi pan Abinoam ii tapa Barak sam sakin ama tungah, “Topa, Israel te ii Pathian in nang sia hi thu hong pia hi, ‘Naphtali le Zebulun namte panin pasal tulsawm la in a, Tabor Mual zot pui in.

1 Samuel 7:16

Kum simin ama in Bethel, Gilgal, le Mizpah ah paikot in hi munte ah kamtam kinialnate thu khensak hi.

1 Samuel 7:5

Tua zawkciang Samuel in Israel te theampo Mizpah ah kisitua tu in sam a, hi bangin ci hi, “Tua munah no atu in Topa tungah thu ka ngen tu hi.”

1 Samuel 7:6

Tua ahikom amate theampo Mizpah ah kikhawm uh hi. Amate in tui tawm toai a, Topa biakpiakna in tua tui sung in, tua ni bup an tang uh hi. Amate in, “Topa tungah maw zo khu hi,” ci uh hi. (Israel mite sungah kamtam kinialnate Samuel ii a khensakna mun sia Mizpah ahi hi.)