Hosea 4:9 - Syin Chin Bible

⁹ Tua mite daan thuak bangma in na thuak tu uh hi! Siatna na vawt hu in kong liausak tu a, daan kong pia tu hi.

Hosea 4:9 Iomraidhean Croise

Paunakte 11:31

Mihing phate hi leitung ah thaman kipia ahiciang mihing seksolte le mimawte daan kipia tu hi ci sia na he hamtang tu hi.

Paunakte 12:14

Na thaman sia na pauna le na sepna tung pan kituat tu hi; nang taw a kiphu bang na nga tu hi.

Paunakte 5:22

Mi seksol khat ii mawnate sia thaang khat ahi hi. Amate mama ii mawna ngeen sungah amate awk uh hi.

Isaiah 24:2

Mihing theampo — thiampite le mihingte silate le tote, vanh leite le vanh zuakte, sum pukthaakte le sumpute, a hau a zawng, a thuakna uh kibang kim tu hi.

Isaiah 3:10

Thumaan thutang mihingte lungdam tu uh a, amate atu in a pha hong piang tu hi. Amate a sepna bang zui in nuamsa thei tu uh hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Ezekiel 44:10

Topa in kei tungah, “Israel midangte taw kei hong taisan khawm a, milim a bia Levi mite daan ka pia tu hi.

Ezekiel 44:12

Ahihang amate in Israel mite atu in milim biakna vawtsak a, tuabangin mite mawna sungah paipui ahikom, Keima, Vaanglianpipa Topa in, amate daan piak kul tu hi, ci in ciliap huai kiciamna ka vawt hi.

Hosea 1:4

Topa in Hosea tungah, “A min ‘Jezreel’ phuakin, banghang ziam cile Israel kumpipa sia a taanghpupi Jehu ii Jezreel ah mihing a thalupte hu in hai ngawlin daan ka pia tu hi. Jehu ii kumpi khangngui ka bosak tu hi.

Hosea 10:10

Hi mimawte ka sim tu a, daan ka pia tu hi. Minam tuatuamte kikaizawnin amate langpan tu a, amate mawna a tam hu in daan kipia tu hi.

Hosea 12:2

Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi.

Hosea 12:3

A taanghpupi Jacob sia apeang a suapuipa Esau taw a nu ngil sungah a omkhop lai ma in kilaai hi; Jacob hong khan ciang ama in Pathian langpan hi —

Hosea 7:2

Hi a ngamtat siatna theampo ciamtee tu ka hi hunlam amate in ngaisun ngeingawl uh hi; ahihang a mawnate in amate kiim uum a, tuate mu ngawlin ka om thei bua hi,” ci hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.