Hosea 4:6 - Syin Chin Bible

⁶ Ka mite in kei hong saang ngawl ahikom a lal hi zo hi. No thiampite in kei hong saang ngawlin kong hilnate hong nial nu hi, tua ahikom no kong nial a, na tapate ka thiampi tu in ka saang buatu hi.

Hosea 4:6 Iomraidhean Croise

2 Khangtaanghthu 15:3

Israel sia khuangei hialma Pathian maan nei ngawl a, a hil tu thiampite le thukham zongh nei ngawlin nungta uh hi.

Job 36:12

Tuabang in a ngamta bua uh le, amate sia a tel ngawl ma in thi tu a, tuaciang lui kaantan in mithi khua zuan tu uh hi.

Psalm Late 119:139

Ka ngalte in, na thupiakte thusim ngawl ahikom ka thin uukna sia, ka sungah mei bangin kuang hi.

Psalm Late 119:153

Ka thuakna hong en ta'n a, hong ngum ta'n, banghang ziam cile na thukham ka ngaingon bua hi.

Psalm Late 119:61

Mihing seksolte in kei thaang hong sia zo hi, ahihang na thukham ka mangil bua hi.

Psalm Late 18:27

A kiniamkhiak te na hun hi, ahihang a kiphasakte na niamsak hi.

Paunakte 10:21

Mihing pha khat ii kammalte in mihing tam mama phattuamna pia tu a, ahizong nangma le nangma sia mawmawtna taw na kithatlum thei tu hi.

Paunakte 19:2

Heakna om ngawl thalawpna in pha ngawl hi; thin vei laakna in ngimna sungah hong then tu hi.

Isaiah 1:3

Khuite in a topa he uh a, laate in a topa ii an piakna mun he hi. Ahihang ka mihing Israel te in tua za in he ngawl hi. Amate in tel vet ngawl uh hi,” ci hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Isaiah 29:12

Laisim thei ngawl khat tungah tua lai pia in hong simsak ta'n ci in sawl le te, ama in kei sim thei bong ci in hong zo kik tu hi.

Isaiah 3:12

Sum pukthaakte in ka mite zawthawk vawt a, a leiba tote in amate theam uh hi. Ka mite awng, na lampuite in lam hong pui khial ahikom, na kiheak natu lampi na he bua uh hi.

Isaiah 45:20

Topa in, “Ngam tuatuam pan mite awng, a lal kumpi ngamlian pan a suakta mite theampo awng, hong pai tek tavun; thu sit thuak tu in noma na ki aap vun! A thing milimte taw thuangsia khawmin amate a ngum thei ngawl pathian tungah thungen mite — tua mite in bangma heak nei ngawl uh hi!

Isaiah 5:13

tua ahikom thongtaakte bangin hong kipaipui tu hi. Na lampuite ngilkialin pukthi tu a, nautaang mite dangko in thi tu uh hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Ezekiel 44:23

“Thiampite in ka mite tungah biakna taw kisai a thiangtho le a thiangtho ngawlte kilamdanna le a zeksa ngeina thiangtho le a thiangtho ngawlte hil tu hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 4:14

Ahitazong, hi sia hu in amate daan pia ngawl tu khi hi, banghang ziam cile noma mama zongh biakinn a pumpi zuak numeite omkhop pui in, amate taw lawki sangaw biakpiaknate na pia khawm uh hi. Paunak khat sungah, ‘Ngaisutna nei ngawl mihingte kilalsak tu hi,’ a ci bang ahi hi.

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Hosea 7:9

hi ngamdangte a suanna in amate thahatna kisut ahi hunlam phawk ngawl uh hi. Amate ii ni hunte kiciangtan hi, ahihang amate in tua ngawngawn zongh he ngawl uh hi.

Hosea 8:1

Topa in, “Patau daak tum vun! Ngalte muvanlai bangin ka ngam sungah hong suktun hi! Ka mite in amate taw ka vawt thuciamna paltan a, ka hilna langpan hi.

Hosea 8:12

Mipite atu in a kisim zo ngawl thuhilnate ka at hi, ahihang amate in tuate sia thu lamdangpi le ngamdangte aa hi ci in nial uh hi.

Hosea 8:14

“Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Hosea 9:17

A na ka sepsak Pathian in a mite nial tu hi, banghang ziam cile amate in a thu nangai ngawl uh hi. Amate sia minam tuatuamte kawmah a vakvaite suak tu uh hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 15:8

‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

1 Samuel 2:12

Eli ii tapate sia mihing phelphol vive hi. Amate in Topa a awlmaw bua uh hi,