Hosea 4:18 - Syin Chin Bible

¹⁸ Sapittui tam mama a neak zawkciang amate pumpi zuakna taw nuamsa in, minphatna saang in minsiatna dei zaw uh hi.

Hosea 4:18 Iomraidhean Croise

Pianciilna 38:24

Tha thum bang zawkciang mihing khat in Judah tungah, “Na monu Tamar sia pumpi kizuak khat bang ngamta a, tu in ama naupaai hi,” ci in son hi. Judah in, “Ama paipui vun a, hallum tavun,” ci in thupia hi.

Psalm Late 47:9

Minam tuatuam a ukte in Abraham ii Pathian ii mite taw hong kikhawm uh hi. Ngalkap hon theampo sangin ama thahat zaw hi; a lianbel in ama maang hi.

Pusuana 23:8

Sumnguk ne heak vun, banghang ziam cile sumnguk in mihingte a maan bang musak ngawlin, a maw ngawlte mailam lalsak hi.

Jeremiah 2:21

A ci phabel sung pan deiteal sapitkung khat taw kibangin nang kong suan zo hi. Ahihang bang suak zo ni ziam en in! A muatcip, kimanna nei ngawl sapitkung taw na kibang hi.

Ezekiel 16:15

“Ahihang na mealphatna le na minthanna te suangin hong pai po na luppui hi.

Hosea 4:10

Note in sangaw biakpiakna pan, na satel te ne tu na hi uh hang na ngil uh kial veve tu hi. Ta nei theina pathiante bia tu na hi uh hang ta na nei tuan buatu uh hi, banghang ziam cile note in pathian dangte nungzui tu in kei nong nung ngat zo uh hi,” ci hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Hosea 9:10

Topa in, “Israel ka mu phitin sennealngam sungah a po sapitngate mu bang ahi hi. Na taanghpupite ka mu phit hunin thei min hun a, a min masate mu bang ahi hi. Ahihang Peor mual ah hong pai uh ciang amate in Baal a biak hong kipan a, hai ngawlin a khiaklaak pathiante bangma in mu thada huai suak hi.

Amos 5:12

Na mawna uh bangza in kiitakhuai a, khialna lian bangza vawt zo nu ziam ci sia ka he hi. Mihing phate vawtsia in, sumnguk ne a, thukhenzum ah mizawngte atu in thukhaikim a kisep natu na khaam uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 7:3

Amate siatna vawt tu thiam siat uh hi. Uliante le thukhenmangte in sumnguk ngen uh hi. Mihing ci thei khat in ama uuk teng amate tungah son a, tuabangin amate vaihawm khawm uh hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

1 Samuel 8:3

Ahihang amate in a pa nasep bangin a seam bua uh hi; amate in sum vawt tu bek kin ahikom, sumnguk ne in thumaan thutang taw thu a khen bua uh hi.