Hosea 4:16 - Syin Chin Bible

¹⁶ Israel mite sia laate bangin thinpui hi. Bangbangin amate lopa hingna sungah tuuno bangin taasak thei tu khi ziam?

Hosea 4:16 Iomraidhean Croise

Psalm Late 78:8

Amate in a langpante le thu ni ngawl, Pathian a upna uh a kho ngawl, ama tungah a thumaan top ngawl a taanghpupite bang ahi buatu uh hi.

Isaiah 22:18

Ama in bawlung top bangin nang hong tawm tu a, a lian zaw na ngam khat ah hong vawk tu hi. Na kiphatsak pui mama ahi siphu ngalleangte ii kungah na thi tu hi. Na topa te innkuan maimawlsak ni hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Isaiah 5:17

A sia sa khuapite sungah tuute in lopa ne tu a, kealnote in a tatna tu mun mu tu hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 3:11

Tuaciang Topa in kei tungah, Israel sia ama kung pan heak kik ahitazong, a thumaan ngawl Judah sangin phazaw ngawp lai hi, ci in hong son hi.

Jeremiah 3:6

Josiah, kumpi in a maan lai in, Topa in kei tungah, “Tua a thumaan ngawl numei, Israel ngamtatna na mu zo ziam? Ama in kei hong taisan zo a, mual saangna theampo tung le thingkung hing theampo nuai ah pumpi kizuak numei khat bangin ngamta zo hi.

Jeremiah 3:8

Israel sia keima kung pan tai zo a, pumpi kizuak numei khat suak zo ahi hu in ama khul a, ka nawkeakna thu sia Judah zongh in mu hi. Ahihang Israel ii a thumaan ngawl a suapuinu Judah sia lau ngawl hi. Ama zongh pumpi kizuak khat suak a,

Jeremiah 31:18

“Israel mite khuangai in a mau ka za hi, ‘Topa awng, ko sia a kizual ngawl nganhing khat bang ka hi uh hi, ahihang thu ni tu in kote nong hil hi. Ko hong ciapui kik ta'n; na kungah hong cia tu in kithoai khu hi, Topa kote Pathian awng.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Jeremiah 8:5

Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Hosea 10:11

“Israel sia khatvei lai in a pha takin taangcil tu a kihil sa, taangcil nuamin a kinging khuila khat taw kibang hi. A ngawng hoi sia tungah hakkol khat bulsak in nasep hamsa zaw seamsak tu in ka khensat hi. Judah in lo thawna thingha sia ka kaisak a, Israel in lei kalthapna thik-ha ka kaisak hi.

Hosea 11:6

Ngal in a khuapite phialmang tu a, a kongpite sutham siat tu hi. A uuk thu in phabel a sak bang po in ngamta ahikom tuasia in ka mite susia hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Zechariah 7:11

“Ahihang ka minamte thinpui in hong nangai ngawl uh hi. Amate in a thinsung kongkhate khakin,

1 Samuel 15:11

“Saul sia kumpipa in ka koi sia khuangai khi hi; ama in kei hong nusia a, tuaciang ka thupiakna hong ni ngawl hi,” ci hi. Samuel thin uuk a, zan khua in Topa tungah pakaai hi.