Hosea 4:15 - Syin Chin Bible

¹⁵ “No Israel mite in kei tungah hong thumaan ngawl na hi uh hang Judah te in tuabang in mawna nei heak tahen. Gilgal ah ahibuale Bethaven ah biakpiakna vawt heak vun, tua ahibuale tua munah a nungta Topa min taw kamciam vawt heak vun.

Hosea 4:15 Iomraidhean Croise

2 Khangtaanghthu 17:4

Ama in a pa ii Pathian na seamin Pathian thupiakte zui a, Israel kumpite ngamtat bangin ngamta ngawl hi.

2 Khangtaanghthu 21:11

Ama in Judah ngam mualsaangte tungah doai sepna munte ngawngawn vawtin, Judah le Jerusalem mite Topa langpanin mawna sung then hi.

Isaiah 48:1

Hi thu ngai vun, Judah suan Israel mite awng: Note in Topa min taw kiciam in Israel te ii Pathian ka bia tu uh hi ci nu hi — ahizong na kam bek uh hi a, na ci takpi ahi bua hi.

Jeremiah 44:26

Ahihang Keima, Topa in Egypt ngam ah a teang no Israel mite theampo tungah a vaanglian ka min taw kamciam ka piak sia, tu in ngai vun: ‘A nungta Vaanglianpipa Topa taw ka kiciam hi!’ ci in note khat pawpo kiciam natu in ka min kong zanghsak kik ngei buatu hi!

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 10:8

Israel mite ii milim biakna mun ahi Aven mualdawn biakbukte kisusia tu hi. Lingkungte le lophungte in a biaknataute khunel tu hi. Mite in mualpite tungah, “Hong seal tavun!”, tuaciang mualnote tungah, “Hong siin tavun!” ci in sam tu uh hi.

Hosea 11:12

Topa in, “Israel mite in kei leilot thu le theamna taw hong kiim uum a, Judah mite in kei a thumaan le a thiangtho Pathian hong langpan lai uh hi.

Hosea 12:1

Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 12:12

Ih taanghpupi Jacob sia Mesopotamia ah tai a, zi khat a nga natu in tua munah midang khat ii na seamin a tuute cing hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 5:8

Gibeah ah ngal dona lemle tum vun! Ramah ah patau daak saat vun! Bethaven ah minsial vun. Benjamin mite awng ngal simin kuan vun.

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Amos 4:4

Vaanglianpipa Topa in, “Israel mite awng, na hi nuam vangaat uh le mun thiangtho Bethel ah pai in mawna khialna vawt tavun! Gilgal ah pai vun a, na tha neiza uh taw maw tavun! Paisuak vun a, zing khat zawk ciangin zing khat sangaw biakpiak tu ngannote hong paipui tavun, ni thum simin na sawm a khat hong paipui tavun.

Amos 5:5

Biakkikhopna vawt tu in Beersheba ah pai heak vun. Bethel ah kei hong zong heak vun — Bethel sia a luithawthong suak tu hi. Gilgal ah pai heak vun — a mite saltaang in lal tu uh hi” ci hi.

Amos 6:10

Mithi vui tu a kisee sa mithipa ii beepa in, inn sung pan a luang pusuapui tu hi. A beepa in inn sungah a taanglai khat pawpo sia tungah “Tua munah khat po nang taw a om dang a om lai ziam?” ci in sam tu hi. Aw khat in, “Om bo!” ci in zo tu hi. Tuaciang a beepa in, “Thim in! Topa ii min ngawngawn zongh ih law thaak ngawl natu in kidop kul tu hi,” ci tu hi.

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Ephesus te 5:11

Mihingte ii sep le vawt khuazing taw a kipawl a mannung ngawlte na thutha heak vun a, tua ngamtatnate khuavak sungah then siat zaw tavun.

Joshua 5:9

Topa in Joshua mun ah, “Tu ni in Egypt ngam ah saltaang in na min daina uh teng ka bosak hi,” ci hi. Tua hu in tua mun sia Gilgal kici hi, tu dong ma in kina lai hi.

Joshua 7:2

Joshua in mihing pawlkhat Jericho pan Ai khua ah paisak hi, tua khuapi sia Bethel ii nisuana sangah om a, Bethaven taw kinai hi, tua munah ngam vil tu in sawl hi. Amate in a sawl teng a sep zawk uh ciang