Hosea 4:14 - Syin Chin Bible

¹⁴ Ahitazong, hi sia hu in amate daan pia ngawl tu khi hi, banghang ziam cile noma mama zongh biakinn a pumpi zuak numeite omkhop pui in, amate taw lawki sangaw biakpiaknate na pia khawm uh hi. Paunak khat sungah, ‘Ngaisutna nei ngawl mihingte kilalsak tu hi,’ a ci bang ahi hi.

Hosea 4:14 Iomraidhean Croise

1 Kumpite 15:12

Ama in ngamsung panin numei le pasal pumpi zuak a, doai biakna munte ah a om theampo hawlkhia hi, tuaciang ama ii mai ah a seamte ii vawt milim theampo heam hi.

2 Kumpite 23:7

Ama in pumpi zuakte teenna Biakinnpi sung inndoite baltham hi. (Numeite in tua munah Asherah biak natu a kizangh puantualte tak uh hi.)

Paunakte 28:5

Mihing ngilote in thukhaikim sia bang ziam ci in a he bua uh hi, ahihang Topa a biate in pha takin tel uh hi.

Isaiah 1:5

Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Daniel 12:10

Mihing tam mama kithiansua tu hi. Mi seksolte in tel ngawl tu uh a seksol tan tu uh hi; miciimte bekin tel tu uh hi.

Hosea 14:9

Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 4:17

Israel mite sia milimte ii ngau tawk hi. Amate lampi tek tawn lel tahen.

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

Amos 2:7

Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

Amos 7:17

Tua ahikom Amaziah awng, Topa in nang tungah, ‘Na zi sia lampi tungah pumpi zuak khat suak tu a, na tate ngal sungah kithatlum tu hi. Na leitang kihawmtham tu a, ngualdangte kipia tu hi, tuaciang nangma mama lawki ngam khat sungah na thi tu hi. Tuaciang Israel mite a ngam a lei pan leidang ah saltaang tu in kipaipui takpi tu hi,’ hong ci hi” ci in zo hi.

Mi Simna 25:3

Peor ii Baal pathian bia uh hi. Tua ahikom amate tungah Topa thin uuk a,

John 8:43

Ka son teng banghangin tel ngawl nu ziam? Banghang ziam cile kong thu puak sia na ngai zawk ngawl uh hang ahi hi.

Romete 3:11

A ciim kuama om ngawl a, Pathian a bia kuama om ngawl hi.

1 Corinth te 6:16

Ahibuale pumpi zuak numei taw a pumpi a ngawm sia in ama taw cii le sa in pumkhat tak khat suak ahi hunlam he ngawl na hi bua uh ziam? Laithiangtho in, “Tuate nii in pumkhat suak tu hi,” ci in thiang takin son hi.

Ephesus te 4:18

amate thinsung sia khuazingcip hi. Pathian piak nuntak ziate sungah amate atu bangma om ngawl hi, banghang ziam cile amate in heakna nei ngawlin a thin uh pui hi.

Thuhil kikna 23:17

“Israel mi, pa ahizong numei ahizong biakinn ah pumpi zuak khat suak thei ngawl tu hi.

Hebrew te 12:8

A tate theampo a piak bangin daan hong pia ngei bua ahile, ta tatak hi ngawlin, lamlak ta na hi uh hunlam kilangh hi.