Hosea 4:13 - Syin Chin Bible

¹³ Amate in mualpi dawn mun thiangthote ah sangaw biakpiaknate pia in, mualnote tung thingkung a saang, a boaite nuai ah ngimnamtui hal uh hi, banghang ziam cile tua thinglim te nuam mama hi! “Tua hu in, na tanute sia pumpi zuakte suak a, na mote in palngul mawna vawt uh hi.

Hosea 4:13 Iomraidhean Croise

2 Kumpite 17:7

Samaria khua bona sia Egypt ngam panin amate a pusua pui, Egypt kumpipa khut sung pan a hunkhia Topa a Pathian tungah a maw uh hang ahi hi. Amate in pathian dangte bia uh a,

2 Kumpite 23:7

Ama in pumpi zuakte teenna Biakinnpi sung inndoite baltham hi. (Numeite in tua munah Asherah biak natu a kizangh puantualte tak uh hi.)

Isaiah 1:29

Thingkungte na biak ngei hang le huan thiangthote na vawt ngei uh hu in na hee tu uh hi.

Isaiah 57:5

Ta hong hausak pathiante ka bia uh hi ci in, tua thingkung thiangthote nuai ah numei le pa khialna na vawt uh hi. Luitui luanna hui ah a om suang hawngte sungah na tanote biakpiakna in na pia uh hi.

Isaiah 57:7

Mual saangte tungah biakpiakna pia tu le numei le pa khialna vawt tu in na pai uh hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 3:13

Na khialna le Topa na Pathian na langpannate thiang takin pualaak po in. Thingkung hing theampo ii nuai ah ngamdang pathiante na thangaina taw kong thupiakte na nit ngawlnate pualaak in. Topa keima in ka son zo hi.

Jeremiah 3:6

Josiah, kumpi in a maan lai in, Topa in kei tungah, “Tua a thumaan ngawl numei, Israel ngamtatna na mu zo ziam? Ama in kei hong taisan zo a, mual saangna theampo tung le thingkung hing theampo nuai ah pumpi kizuak numei khat bangin ngamta zo hi.

Jeremiah 44:8

A teang tu in na thetna uh hi Egypt ngamah, na milim biakna le a dang pathiante tungah na biakpiakna uh taw in banghangin kei hong thin uuksak nu ziam? Leitung minam theampo in no hong nunau natu le kihaamsiatna in na min a zak natu in noma le noma na kisiatsak natu bekin hisia vawt nu ziam?

Ezekiel 16:16

Na puansilh pawlkhatte na biakpiakna munte zepna in na nei a, pumpi zuak numeite bangma in na pumpi sia na sik theampo na pia hi.

Ezekiel 16:25

Na mealphatnate buan na noai zo hi. Hong pai pawpo kungah nangma le nangma na ki aap a, ni simin pumpi zuak khat na hi vaial hi.

Ezekiel 6:13

Mithi luangte sia milimte kawm le biaknataute kiimkot, tuaciang mualno saang theampo tung le mualpi dawn theampo, thingkung hingte le, oak thingkung lian theampo ii nuai, milim meihal biakpiakna mun theampo ah kithethaang tu hi. Tua zawkciangin mihing theampo in keima sia Topa ka hi hunlam hong he tu uh hi.

Hosea 10:8

Israel mite ii milim biakna mun ahi Aven mualdawn biakbukte kisusia tu hi. Lingkungte le lophungte in a biaknataute khunel tu hi. Mite in mualpite tungah, “Hong seal tavun!”, tuaciang mualnote tungah, “Hong siin tavun!” ci in sam tu uh hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Amos 7:17

Tua ahikom Amaziah awng, Topa in nang tungah, ‘Na zi sia lampi tungah pumpi zuak khat suak tu a, na tate ngal sungah kithatlum tu hi. Na leitang kihawmtham tu a, ngualdangte kipia tu hi, tuaciang nangma mama lawki ngam khat sungah na thi tu hi. Tuaciang Israel mite a ngam a lei pan leidang ah saltaang tu in kipaipui takpi tu hi,’ hong ci hi” ci in zo hi.