Hosea 4:12 - Syin Chin Bible

¹² Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 4:12 Iomraidhean Croise

2 Kumpite 17:7

Samaria khua bona sia Egypt ngam panin amate a pusua pui, Egypt kumpipa khut sung pan a hunkhia Topa a Pathian tungah a maw uh hang ahi hi. Amate in pathian dangte bia uh a,

2 Khangtaanghthu 21:13

Israel kumpite lamlakna zuizaw in Ahab le ama za a laih te ii Israel te sia thumaanna panin a pialpui bangma Judah le Jerusalem mite Pathian tungah thumaan ngawl tu in lam na pui hi. Nangma sangin mi phazaw na suapuite ngawngawn na suamlum hi.

Psalm Late 106:39

A ngamtatna uh taw amate le amate kininsak in Pathian tungah a thumaan bua uh hi.

Psalm Late 73:27

Nang hong taisante lalcip nanak tu a; nang tungah hong thumaan ngawlte na susia tu hi.

Jeremiah 10:8

Amate theampo ngoai in mawmaw uh hi. Thing taw kivawt milimte kung pan amate in bang sin thei tu ziam?

Jeremiah 2:27

Thingkung khat sia ka pa hi, suangtum khat sia ka nu hi a cite — no teng na mai uh zum tu hi. Keima kung hong zuan ngawl a puapial na hi uh kom hi thu piang tu hi. Ahihang ngimna na thuak uh ciang hong hun tu in hong pai ta'n ci in nong ngen uh hi.

Jeremiah 23:13

Samaria kamsaangte ii mawna ka mu zo hi: amate in Baal min suangin thuhil uh a ka mite lam pialpui uh hi.

Ezekiel 20:32

Mi nam dang te le ngamdang a teang mite taw kibangin thing le suang a bia te bang suak nuam in na thin uh khensat zo nu hi. Ahihang tuabang suak ngeingawl tu hi.

Ezekiel 21:21

Babylon kumpipa sia lamkaabom lamlakna khuam hui ah ding hi. Koi sia tawn zaw tu ci sia a tel natu in a thaltangte lok a; a milimte dongh hi; a sangaw biakpiakna nganhing ii a thin en hi.

Hosea 14:3

Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

Hosea 6:10

Israel ngam sungah a cizat huai na khat ka mu zo hi: ka mite sia amate le amate milim biakna taw kininsak uh hi.

Hosea 9:1

Israel mite awng, na poaipite lawkite bangin khaam heak vun. Note in na Pathian nungngat in, ama tungah thumaan nawn ngawl zo nu hi. Ngamsung mun theampo ah pumpi kizuakte bangin Baal pathian tungah noma le noma kizuak in, ama ii hong kithapna hi na ci uh lo ante iip la nu hi!

Thiampite 17:7

Israel mite in Topa tungah hong thumaan in, lo sung keal doaite biakna in sa ngo nawn ngawl tu hi. Israel mite in maisang hun theampo ah hi ngeina zui tu hi.

Thiampite 20:5

tua pa, a innkuan bup le Molech bia in ka tungah hong thumaan ngawl theampo ka nungngat tu hi. Amate ka mi in ka ngaisun nawn buatu hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.

Mi Simna 15:39

Puanteapkaaite in nung thu hong phawksak kik tu a, tuate na mu simin, ka thupiakte theampo phawk kikin na zui tu uh hi; tua sia ciang note deinate le uuknate zui nuam ngawlin, kei nong taisan buatu uh hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Thukhente 18:5

Amate in ama munah, “Nong hesuakna in Pathian dongh in a, ko khualhawna vai a vang natu ziam?” ci hi.