Hosea 4:1 - Syin Chin Bible

¹ Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 4:1 Iomraidhean Croise

1 Kumpite 22:19

Micaiah in zomto a, “Tu in Topa pauna teng ngai vun! Topa sia vantung a kumpi tokhum tungah to a, ama ii vantunglalangte a kiim ah a ding ka mu hi.”

Psalm Late 81:9

Note in pathian dang peuma na bia ngei buatu uh hi.

Isaiah 1:10

Jerusalem awng, no hong ukte le na mihingte sia Sodom le Gomorrah a te bang keakma na hi uh hi. Topa in no tungah hong cina ngai vun. Ih Pathian ii no hong hilna nadon vun.

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Isaiah 28:14

Hisung Jerusalem khua panin hi mihingte a uk, no a kisathei mite awng, tu in Topa thu ngai vun.

Isaiah 34:1

Minam theampo te awng, hong pai tavun! Hong kikhawm tavun a hong ngai tavun. Leitung buppi le leitung ah a teang mihingte theampo hi lai ah hong pai in thu ngai hen.

Isaiah 34:8

Tu hun sia Topa in Zion a suatak tu le a ngalte a thuk kik tu hun ahi hi.

Isaiah 5:3

Tuabang hi a, tu in ka lawmpa in, “Jerusalem le Judah ngam ah a teang no mite awng, kei le ka sapithuan kilaklaw ah thu hong khen tavun.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Isaiah 59:8

note omna po ah kuama ngammuang ngawl hi. Na sep theampo uh maan ngawl hi. Note in lamkoai khat na zui uh a, tua lampi a zuite kuama thin muang ngeingawl tu hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 19:3

Topa in hi bangin son tu in kei hong sawl a, “Judah kumpite le Jerusalem khua mite awng, keima, Vaanglianbelpa Topa Israel mite ii Pathian, ii kong son tu thu na ngai vun. Hi munah tuabang tuasiatna khat ka thengsak tu a tua thu a za theampo ingh keikoi tu uh hi.

Jeremiah 2:4

No Jacob ii suan le paalte, Israel minam teng awng, Topa ii hong thuhilna ngai vun.

Jeremiah 2:9

“Tua ahikom keima, Topa in ka mite ka mawsak kik tu hi. Amate ii suan le paalte tungah thu ka vawt tu hi.

Jeremiah 25:31

leimong dongin a aw hawl tu hi. Topa in minamte tungah thu vawt khat nei hi. Ama in mihingte theampo thu sit tu in paipui tu a, mi seksolte thisak tu hi. Topa in son zo hi,’ ci in,” son tu ni hi.

Jeremiah 34:4

Zedekiah awng, nangma taw kisai thu kong son sia ngai in. Nang sia ngal sungah hong kithatlum ngawl tu hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Jeremiah 5:4

Tuasia ciang keima in, “Hite sia a zawng bangma a he ngawlte bek hi. Amate in a mawmawthuai in ngamta uh hi; amate sia a Pathian ii a kat sia he ngawl a, Topa ii a sepsak nop sia zongh he ngawl uh hi.

Jeremiah 51:5

Amate in Israel ii a Thiangtho Pa, Keima tungah hong maw zo ahitazong Keima, Topa Pathian Vaanglianbelpa in Israel le Judah ka taisan bua hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 7:28

Amate Topa Pathian, keima ii thu hong ni ngawl minam hi a, kihil in daan a kipiak hang tel thei tuan ngawl uh hi ci in amate tungah son in. Thumaanna bo a, son zongh in kinei nawn ngawl hi.

Jeremiah 9:20

Keima in, “Topa thu ngai vun, no numeite awng, a kammalte nadon vun. Na tanute sia kaa tu dan hil vun a, na lawmte sia mithi vuina lasak zia hil vun.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Ezekiel 16:35

Tua ahiciang tu in, Jerusalem, nang pumpi zuak nu! Topa ii hong ci teng ngai in.

Hosea 12:2

Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi.

Hosea 12:3

A taanghpupi Jacob sia apeang a suapuipa Esau taw a nu ngil sungah a omkhop lai ma in kilaai hi; Jacob hong khan ciang ama in Pathian langpan hi —

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

Joel 1:2

Khanghaamzawte awng, nadon vun; Judah ngamsung a om mihing theampo awng ngai vun. Hi bang thu peuma noma khan sung ahizong na taanghpupi te khan sung ahizong a piang ngei ziam?

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 7:16

Tua ahikom tu in Topa paunate ngai in. Nangma in kamsaanna ka tawlngak natu le, Israel mite thuak tu in ka sonkeakna ka tawlngak natu nong son hi.

Micah 6:2

No mualte le a tawntung a kip no simlei tawdapte awng, Topa thu ngai vun! Topa in a mite mawsak tu hi. Ama in Israel tungah mawsakna khat nei tu hi.

John 8:55

No sia ama na he ngei bua uh hi, ahihang kei in ka he hi. Ama he ngawl khi hi, ci tu hi leng, noma bangma in a leilot ka suak tu hi. Ahihang ama ka heak hi a, tuaciangin ama ii thu ka ni hi.

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.

1 Corinth te 15:34

Ahi tu bangin khua hong phawk kik tavun a, na mawnate kheal vun. No pawlkhat in Pathian he ngawl na hi uh kom a maizumhuai na hina uh kong hesak hi.

Thupualaakna 2:11

“Bil na nei uh le pawlpite tungah Thaa thusonnate ngai vun! “Zawna a ngate niivei thina in a susia buatu hi.

Thupualaakna 2:29

““Bil na nei uh le pawlpite tungah Thaa thusonnate ngai vun!