Hosea 3:5 - Syin Chin Bible

⁵ Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Hosea 3:5 Iomraidhean Croise

1 Kumpite 12:16

Mipite in kumpipa ii a thudon ngawl a mu uh ciang in amate au hi. David le a innkuante kiamsuk tahen! Ei atu amate in bang hong vawtsak ngei na ziam? Israel mite awng, cia lel tawng! Rehoboam sia ama le ama kikeam tahen!” ci uh hi. Tua ahikom Israel mite tualngal tho a,

Isaiah 17:7

Tua ni a thet ciang, mihingte in amate a Bitphuapa ahi, Israel te ii a thiangtho Pathian kungah hu ngenin zuan tu uh hi.

Isaiah 2:2

Maisang hunin Biakinnpi dinna mun ahi, hi mual in mual theampo sung pan a saangbel hi tu a, mualno theampo tungah dokto tu hi. Tua munah minam tam mama kikaikhawmin hong pai ngeingui tu a,

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 60:5

Hi thu mu in thinnopna taw na kidim tu hi; Na lungdam leilamin na liing tu hi. Minamte ii haunate nang kungah hong kipuak tu a; tuipi ngal panin amate ii haunate hong theng tu hi.

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 30:9

Amate in Topa a Pathian le, kumpi ka suasak tu David ii suan le paal khat ii na seam zaw tu uh hi.

Jeremiah 33:17

Keima, Topa in Israel kumpi tu in David suan le paal khat om tawntung tu a,

Jeremiah 33:9

Jerusalem sia kei atu in lungdamna, patoaina le kiphatsakna ii kipatna hi tu hi; leitung ah minam om theampo in Jerusalem atu na pha ka vawtnate le hi khuapi atu nopsakna ka piakna thute a zaak uh ciang, lau in liing tu uh hi,” ci hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Ezekiel 38:16

Vuipi suangval sia ngamsung kaantan in a vak bangin Israel ka mite na sim tu hi. A hun hong thet ciang, nang tungtawnin ka sep sia taw ka thianthona le keima akua ka hi sia minamte in hong heak natu ka lakna in ka ngam sim tu in nangma kong paisak tu hi.

Ezekiel 38:8

Kum tam mama zawkciang, ngam theampo pan a cia kik, ngal muang sa in a om mihingte teenna ngam sim tu in ama ka sawl tu hi. Ama in ngei mama a kinusia sa hi a, ngamtongta ahihang tu in mihingte theampo ngammuang takin a teenna mun Israel mualte sim tu hi.

Daniel 10:14

Mai lamsang na mipuite tungah a piang tu thute a telsak tu in hong pai ka hi hi. Hi sia in maisang thu tu mukholna ahi hi,” ci hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Hosea 1:11

Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Hosea 11:10

“A ngalte tawpi bangin ka hawksan ciang ka mite in kei hong zui tu hi. Amate in nitumna sang pan kei kung manlang takin hong zuan tu uh hi.

Hosea 5:15

“Keima in a mawna a khialna hu in a thuak tu za in a thuak dong le kei hong zon kik mateng ka mite ka nusia tu hi. Ngimna a thuak ciang amate in kei hong zon tu hanciam tha tu uh hi,” ci hi.

Hosea 5:6

Amate in a tuute le a khuite Topa tungah sangaw biakpiakna tu in pia ahihang amate atu phattuamna om ngawl hi. Amate in Topa mu thei ngawl uh hi, banghang ziam cile Topa in amate nusia zo hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Micah 4:1

Mailam hun ah Biakinnpi dinna mual sia a saangbel mual khat hi tu a, mualnote theampo tungah dokto tu hi. Minam tam mamate tua munah tuiluang bangin hong pai tu a,

Mi Simna 24:14

Balaam in Balak tungah, “Tu in ka mipuite kungah ka cia kik tu a, ahizong ka cia ma in, mailam sangah Israel mite ii na mite tungah a vawt tu teng na kidop natu in kong sonkhol tu hi.” ci hi.

Romete 11:25

Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Thuhil kikna 4:30

Note ngim thuak in, tua thute no tung hong tun ciang, a khakbel in Topa kungah na heak kik tu uh a, a thu na ni tu uh hi.