Hosea 3:4 - Syin Chin Bible

⁴ Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Hosea 3:4 Iomraidhean Croise

Pianciilna 31:19

Laban sia a tuute mul meet tu in pai a, ama om ngawl lanin Rachel in a pa ii neisa innkuan pathian milimte nguksak hi.

Pianciilna 31:34

Rachel in innkuan milimte ngu a, kalaoh tung tona ip sungah koi in topha hi. Laban in buk sung bup zong a, ahizong mu ngawl hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

2 Samuel 6:14

David sia a kawngah dial khat teang bekin, Topa a patoaina in a tha neiza taw laam hi.

2 Kumpite 23:24

Thiampi Lianbel Hilkiah ii Biakinnpi sung pan a mu Thukham laibu sungah a ki at te bang ngamtatsak natu in Kumpipa Josiah in Jerusalem pan le Judah ngam lei dang panin, thaa sam thei te theampo, aisaan theite, bangkua pathiante, milimte, a dang doai sepna in a zak nate a vekpi in heam siat hi.

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

Pusuana 28:4

Amate in awmdal khat, ephod puan khat, puantual khat, thiamngel taw kizeam laktong khat, dialkhip khat le kawngsawmna khau khat a vawt natu in sawl in. Amate in ka na a seam thei thiampite a sua natu in khutthiamte in na suapui pa Aaron le a tapate atu in hi thiampi puante khuisak tu hi.

Pusuana 28:6

“Amate in ephod sia vancii, a sandup, le a san samul, khamh khau le puanneal phate taw vawtin, thiamngel taw zeam tu hi.

Kaa late 2:9

Kongpite sia leivum suangvum sungah kivuknelh a, a zawlte a bebekin kivaat tham zo hi. Kumpipa le namliante tu in saltaang in om hi. Thukham kihil nawn ngawlin, kamsaangte in mu kholnate Topa ii tung pan nga ngawl hi.

Ezekiel 19:14

A kung zikpi sia mei in kaangh a; a baakte le a ngate kaanghtum hi. A baakte bangma hunin takin kho kik ngeingawl tu a, kumpi ciangkhut suak ngeingawl tu hi. Hi sia khuangai la hi a; a kisa kikik la ahi hi.

Ezekiel 20:32

Mi nam dang te le ngamdang a teang mite taw kibangin thing le suang a bia te bang suak nuam in na thin uh khensat zo nu hi. Ahihang tuabang suak ngeingawl tu hi.

Ezekiel 21:21

Babylon kumpipa sia lamkaabom lamlakna khuam hui ah ding hi. Koi sia tawn zaw tu ci sia a tel natu in a thaltangte lok a; a milimte dongh hi; a sangaw biakpiakna nganhing ii a thin en hi.

Ezekiel 21:31

Ka thin uukna meikuang leang bangin kong tha ciang note in na phawk tu uh hi. Suksiat zia a thiam mihing cizat nei ngawl te tungah nang kong aap tu hi.

Daniel 11:31

A ngalkap pawlkhatte in Biakinnpi melsia tu uh hi. Amate in ni sim biakpiaknate tawpsak tu uh a, Kiihuai Lauhuai Tophala khat koi tu uh hi.

Daniel 12:11

“Ni sim biakpiakna te a kitawpsak hun pan, ahibuale Kiihuai Lauhuaina hun pan kipan ni 1,290 ngei tu hi!

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Hosea 13:10

Note in kumpi khat le lampuite ngen nu hi, ahihang amate in na ngam uh bangbang hu thei tu ziam?

Hosea 13:11

Ka thin uukna taw kumpite kong pia zo a, ka thinso in thangsiatna taw amate ka la keak zo hi.

Hosea 2:11

Ama ii poai khaamnate theampo — kum sim le tha sim a poaite le Sabbath poaite — a biakna taw kisai kikhopna theampo ka bosak tu hi.

Thiampite 8:7

Moses in Aaron laktong le puantual silhsak a, a kawng ah kawngsawmna sawm hi. Ama in ephod silhsak a, a pha mama a kitak kawngkhau taw a kawng sawmsak hi.

Zechariah 10:2

Mite in milimte le aisaan theite thu dongh ahihang a zo kiknate sia leilot thu le luithawthong thu veu hi. Pawl khat in mangkhia a, ahihang tuate in nang hong lampialsak bek hi; amate hong piak thinnopna in man nei ngawl hi. Tua ahikom tuu bote bangin tua mite vakthap uh hi. Amate in lampui nei ngawl ahikom ngim nga uh hi.

Zechariah 13:2

Tua hun ciang ngamsung pan milimte min theampo ka phiat tu a, kuama in ciamtee nawn ngawl tu hi. Kamsaang ka hi a ci khat pawpo le, milim biak tu a lungngulna ka heam tu hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

John 19:15

Amate in, “Ama that vun! Ama that vun! Thinglamtee tungah that vun!” ci in au uh hi. Pilate in “Na kumpipa uh thinglamtee tungah ka thalup tu dei nu ziam,” ci in dongh hi. Thiampi liante in, “Kumpipa khat bek ka nei uh sia Kumpilianpa sia hi!” ci in zo hi.

Hebrew te 10:26

Banghang ziam cile thumaan hong kiheaksak zawkciang, mawna ih vawt kaltang lai le, mawna maisak natu, biakpiakna khat beak zongh om nawn ngawl hi.

Thukhente 17:5

Micah in ama biakpiakna mun a tuamin nei hi. Ama in milim pawlkhat le ephod khat vawt a, tuaciang a tapate khat sia thiampi in koi hi.

Thukhente 18:14

Tuaciang Laish khua kiim ngam vil tu in a pai pasal nga teng in a kitholpuite mun ah, “Hi sung innte khat sungah thingngel milim ngunn taw a kituam khat a om sia na he uh ziam? Milim dangte le ephod khat zongh om hi. Tuate bang law leang na ci uh ziam?” ci hi.

Thukhente 8:27

Gideon in khamh milim khat vawt a, a pianna khua Ophrah ah koi hi. Israel te theampo in Pathian nusia in tua munah milim bia tu in pai uh hi. Tuasia in Gideon le a bangkua atu in thaang khat hong suak hi.

1 Samuel 14:3

(Ephod a silh thiampi sia Ichabod ii suapuipa Ahitub ii tapa Ahijah hi a, tua pa sia Phinehas ii tapa, Eli ii tupa hi a, Shiloh ah Topa ii thiampi ahi hi.) Jonathan ii paisat hunlam sia a mite in he ngawl hi.

1 Samuel 15:23

Ama leedona in bum le aitoaina bangma in sia a, kiphatsakna sia milim biakna za in mawna hi. Nangma in Topa thupiakna nial na hi man, ama in nang ii kumpi na hina hong nial zo hi,” ci hi.

1 Samuel 2:18

Tua hun sungin patang Samuel sia puanneal kawngsawm thiangtho khat taw Topa na seam hi.

1 Samuel 21:9

Ahimelech in, “Elah Kuam sungah na thalup Philistine te Goliath ii namsau nei khi hi; tuasia ephod ii nungah puan taw kituun in om hi. Na dei le la in — hi sungah a om ngalhiam sia tuasia bekma hi,” ci in zo hi. David in, “Hong pia ta'n, tuasia sangin a phazaw namsau dang koima ah om ngawl hi!” ci hi.

1 Samuel 22:18

Tua ahikom Saul in Doeg munah, “Amate nangma that in!” ci a — tuasia ciang Doeg in thatlum siat hi. Tua ni in ephod a silh thei sa thiampi 85 that hi.

1 Samuel 23:6

Ahimelech ii tapa Abiathar suakta in Keilah khua ah David a pop ciang ephod keng hi.

1 Samuel 23:9

Saul ii amate sim tu in a ngealna thu David in a zaak ciang, thiampi Abiathar munah, “Hi sungah Ephod hong paipui ta'n,” ci hi.

1 Samuel 30:7

David in Ahimelech ii tapa thiampi Abiathar munah, “Ephod hong paipui tavun,” ci a, Abiathar in ama kungah paipui hi.