Hosea 3:1 - Syin Chin Bible

¹ Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

Hosea 3:1 Iomraidhean Croise

2 Samuel 6:19

amate an hawmsak hi. Ama in Israel pasal le numei khat simin anluum khat tek, sa em bak khat tek le sapitko tawm tek pia hi. Tua zawkciang a kuama po inn ah cia uh hi.

2 Kumpite 13:23

ahizong Topa in amate tungah thuthiamin hesuak hi. Amate a kimaimot mang tu oai ngawlin, hu zaw hi, banghang ziam cile Abraham, Isaac le Jacob te tungah thuciamna a vawt hang ahi hi. Ama in a mite mangil ngeingawl hi.

1 Khangtaanghthu 16:3

an zongh a vekpi in hawmsak hi. Ama in Israel mite theampo pasal, numei khat sim anluum khat tek, sa em bek khat tek le sapitngawm tawm tek pia hi.

Nehemiah 9:31

Ahitazong na hesuakna lian ahikom amate na nusia bup bua a, na lalsak bua hi. Nang sia hesuakna le thuthiamna a nei Pathian na hi hi!

Psalm Late 123:2

Topa kote Pathian awng, naseampa khat in a topa suang a, naseamnu khat in a tonu a suan bangma, kote tungah hesuakna nong nei mateng in nang kong ento tawntung tu uh hi.

Pusuana 32:6

A zing ciang zingtuungin amate in nganhing pawlkhat sangaw meihal biakpiak natu le a dangte sia kipawlkhop biakpiakna ah neak tu in hong paipui uh hi. Tua poai ah mite tokhawm in etlawm ngawl za dongin neakna dawnna le numei le pa paktatna suaksak uh hi.

Solomon ii La 2:5

Lungzuang duangvul ka hikom sapitnga kote taw ka tha hong dimsak ta'n a, apple nga taw hong thak sua ta'n!

Isaiah 45:22

“Leitung mihing theampo awng, tu in kei kungah hong kiheak tavun a, ngupna nga tavun! Pathian khat bek a om sia keima ka hi hi.

Jeremiah 3:20

Ahihang a thumaan ngawl zi khat bangin, kei tungah nong thumaan bua hi. Topa keima in ka son zo hi,” ci hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Hosea 4:11

Topa in, “Sapittui in, a lui ahizong, a thak ahizong, ka mite ii khua phawna laksak hi!

Hosea 7:5

Kumpipa ii poai vawt ni in amate in kumpipa le a uliante sapittui khamsakin mawmawsak hi.

Amos 2:8

Biak kikhopna mun theampo ah, a zawngte ii leitoai natu a pon puante sia mite in luppha in nei uh hi. Amate in sum a bate tung pan a laak sapittui zongh, a Pathian biakinn sungah ne uh hi.

Amos 6:6

Sapittui khawbeam dimin taalin, paaknamtui phabelte zangh nu hi, ahihang Israel zaancipna tungtaang ah na mau bua uh hi.

Micah 7:7

Ahihang keima in Topa ka mitsuan tu hi; kei hong ngum tu Pathian kimuang takin ka ngak tu hi. Ka Pathian in kei hong za tu hi.

Zechariah 1:16

Tua ahikom Jerusalem khuapi tungah ka hesuakna lak tu in kong pai kik zo hi. Ka Biakinnpi kipua pha kik tu a, khuapi kisa kik tu hi,” ci hi.

Matthew 26:50

Jesus in zo a, “Na sep tu po seam memeang in, lawm awng!” ci hi. Tua zawkciang amate hong pai in, Jesus man in lencip uh hi.

1 Corinth te 10:21

Topa hai le doaite hai pan zong, na dawnkhawm thei buatu uh hi; Topa sabuai le doaite sabuai zongh zangh khawmin an na ne thei buatu uh hi.

1 Corinth te 10:7

tua bek hi ngawlin, amate pawlkhat ii milim a biak bangin, ih biak ngawl natu in kidop natu hong piak ahi hi. Laithiangtho ci bangin, “Mihingte in zuneakna le numei le pa maitatna a om poai sungah kihel uh hi”.

1 Peter 4:3

A bosa hun sungah Pathian he ngawlte ii sep nop teng, a khomin seam zo nu hi. Na nuntakna uh sia, zummawk ngamtatna, sikvilna, zu khamna, uangtatna, zuneakna, a thasiathuai milim biaknate taw zangh zo nu hi.

Thukhente 10:16

Tua ahikom amate in ngamdang pathiante vawkin, Topa bia uh hi; tuasia ciang ama sia Israel te ii ngim ngana tungtaang ah a thinnuam ngawl hi.

Thukhente 9:27

Amate sia a sapithuante sungah pai siat in sapitnga lo a, sapittui a vawt zawk uh ciang poai khaam uh hi. A pathian biakinn sungah amate tumin tua munah ne in dawn in om a, Abimelech simmawkna kam pau uh hi.