Hosea 2:9 - Syin Chin Bible

⁹ Tua ahikom anlaak hun ciang ka piakthongsa antang le sapittui te tuaciang a silh tu ka piak samul le patpuan te ka la kik tu hi.

Hosea 2:9 Iomraidhean Croise

Ezekiel 16:27

“Tu in nang daan kong piak natu in ka khut ka laamto zo a, nang ii tel saan ka thupha teng ka la kik tu hi. Nang hong ensan a, na ngamtat nate kiihuai a sa, Philistine te tungah nang kong aap zo hi.

Ezekiel 16:39

Amate ii thahatna nuai ah nang kong koi tu a, pumpi na zuakna le milim na biakna munte sia amate in nuaitham tu uh hi. Amate in na nikteen na puansilh te le na kizepna suangmanphate hong laaksak in, na pumnguak tatakin hong nusia tu uh hi.

Ezekiel 23:26

Na puansilh lai hong laaikeaksak tu a, na suangmanphate hong laaksak tu uh hi.

Daniel 11:13

“Syria kumpipa cia kikin a masa a nei ngalkap phaza sang a tamzaw ngalkap khawm tu hi. A hun cing a sak ciang ama in ngalhiam vanhte taw a kinging phitphet ngalkap tam mama taw kuan kik tu hi.

Hosea 2:3

A kheal buale a suani in a pumnguak a om bangin a nik a puan ka sutkeaksak tu hi. Leiko le lei kolhna mun taw kibangin ama ka vawt tu a, dangko in thi tu hi.

Hosea 8:7

Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Hosea 9:2

Ahihang hai ngawlin antang le olive thau a kicing nei nawn ngawlin, sapittui om ngawl tu hi.

Joel 2:14

Topa na Pathian in a thin kheal tha tu a, an hauna taw nang thupha hong pia tu hi. Tuasia ciang antang le sapittui te ama na pia thei tu uh hi.

Zephaniah 1:13

Amate nei le lamh kisuttol in, a innte kisusia tu hi. Amate in a sak tu innte sungah teang ngeingawl tu a, a ciin tu sapitkungte pan sapittui ne ngeingawl tu uh hi,” ci hi.

Malachi 1:4

Esau suan le paal Edom te in, “Ka khuate hong suksiatsak hi, ahihang tua khuate ka sa kik tu uh hi,” a ci ciang Topa in, “Khua sa kik ma hen — ka nuaitham kik tu hi. Mipite in tuate tungah, ‘Siatna ngam’ le ‘Topa ii a tawntung a thin uukna ngam’ a ci tu hi,” ci in zo kik tu hi.

Malachi 3:18

Kei atu a seamte le a seam ngawlte, tuaciang thutangte le a seksolte tungah a piang thute ii kilamdanna sia ka mite in khatvei mu kik tu uh hi,” ci hi.