Hosea 2:7 - Syin Chin Bible

⁷ Ama in a lawmpate del tu hi, ahihang pha zo ngawl tu hi. Ama in amate zong ahihang mu ngawl tu hi. Tuasia ciang ama in, “Ka pasal phit sia kungah heak kik ka tong — tua ka kiteen hun lai sia tu a sang nuam zaw ka na ve” ci tu hi.

Hosea 2:7 Iomraidhean Croise

2 Khangtaanghthu 28:23

Ama in ama a zo Syria mite ii pathiante tungah sangaw biakpiakna pia hi. Ama in, “Syria pathiante ii Syria kumpite a hu bangma in, tua sangaw biakpiaknate pia lei leng kei zongh hong hu tu hi,” ci hi. Tuasia hu in ama le a mite tungah tuasiatna tung hi.

Psalm Late 116:7

Ka lungtang awng, kimuang in, banghang ziam cile Topa in kei tungah pha hi.

Isaiah 30:16

Tuasia luangin, siphu tai ngang mama tung to in na ngalte khut sung pan suatak tu na sawm uh hi. Maan nu hi — suatak natu ahile noma sep tu ma hi! Na siphute ngang khop hi ci in ngaisun nu hi, ahihang no hong delte ngang zaw lai tu hi!

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Jeremiah 2:36

Minam dangte ii pathiante kung na zot hu in nangma le nangma in na man na kisulhsak zo hi. Assyria te ii na thin hong kiamsak bang keak ma in, Egypt te in na thin hong kiamsak tu hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 31:18

“Israel mite khuangai in a mau ka za hi, ‘Topa awng, ko sia a kizual ngawl nganhing khat bang ka hi uh hi, ahihang thu ni tu in kote nong hil hi. Ko hong ciapui kik ta'n; na kungah hong cia tu in kithoai khu hi, Topa kote Pathian awng.

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Ezekiel 16:18

A kizeam puan kong piakte sia tua milimte na silhsak a, olive le ngimnamtui kong piakte milimte na pia hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Ezekiel 20:32

Mi nam dang te le ngamdang a teang mite taw kibangin thing le suang a bia te bang suak nuam in na thin uh khensat zo nu hi. Ahihang tuabang suak ngeingawl tu hi.

Ezekiel 23:12

Tuanu zongh Assyria nampite, min nei za neite — a tee sitset puansilh kibang a silh ngalkapte — siphu ngalkap bute le a mealhoi khangmoite theampo atu in sikvil loklenna taw kidim hi.

Ezekiel 23:22

“Tu ahile Oholibah awng, hisia Keima, Vaanglianpipa Topa ii nang tungah kong ci teng hi. Tua na lawmpate sia cimtak zo ni hi, ahihang nang tungah amate kong thin uuksak tu a, nang hong kiim uum tu in kong paipui tu hi.

Ezekiel 23:4

A u zaw ii min sia Oholah (ama sia Samaria taang) hi, tuaciang a nau zaw sia Oholibah (ama sia Jerusalem taang) hi. A nii in ka teenpui a, amate in tate hong hinpui uh hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Hosea 1:2

Topa in Hosea tungtawn a, Israel a paupui phitbel hunin Hosea tungah, “Pai in a, zi nei in; na zi in na vaang hong tang ngawl tu a, na tate ama bang lian ma hi tu hi. Tuasia bangma ka mite in kei hong nusia in, a thumaan ngawl te suak uh hi,” ci hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 2:16

Tuasia ciang kei sia khatvei ka pasal hong ci kik tu a — ama ii Baal hong ci nawn ngawl tu hi.

Hosea 5:13

“Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 5:15

“Keima in a mawna a khialna hu in a thuak tu za in a thuak dong le kei hong zon kik mateng ka mite ka nusia tu hi. Ngimna a thuak ciang amate in kei hong zon tu hanciam tha tu uh hi,” ci hi.