Hosea 2:21 - Syin Chin Bible

^21-22 Tua hun ciang Israel ka mite ii thungetnate ka zo tu hi. Lei tungah ngua ka zusak tu a, tuaciang leitang in lo an, sapit le olive nga te piangsak tu hi.

Hosea 2:21 Iomraidhean Croise

Isaiah 55:10

“Ka kammal sia leitung tuibuak tu in van pan hong taaksuk vuuk le nguatui taw kibang hi. Tuate in ankungte khangtosakin ciin tu anciite le neak tu an piangsak hi.

Isaiah 62:4

Nang sia, “A kinusia” hong kici nawn ngawl tu a, Tuaciang, na ngam sia, “A kitaisan Zi” kici nawn ngawl tu hi. Na min thak sia, “Pathian sia Ama taw Lungdam hi,” kici tu hi. Na ngam sia, “Lungdam takin Kiteenpui” kici tu hi, Banghang ziam cile Topa sia nangma taw lungkimin Topa sia na ngam atu in a pasal bang hi tu hi.

Isaiah 62:5

Tangval khat in ngaknu thiangtho khat mo in a pui bangma Nang hong vawt Ama in nang hong teenpui tu hi. Zi nei tu pa in a zi tu sia dik a sak bangma in, Na Pathian in nangma zongh dik hong sa tu hi.

Isaiah 65:24

Ka tungah thu hong ngetna sia a thunget tawp ma ngawngawn in ka zo tu hi.

Ezekiel 36:29

Hong ninsak nate theampo pan kong hun tu hi. No tungah kialpite hong tun nawn ngawl natu in an tam mama a pian natu thupia tu khi hi.

Hosea 14:7

Khatvei ma amate sia keima angvanna sungah nungta tu uh hi. Amate in an ciing in, sapithuan bangin ngathiam tu hi. Amate sia Lebanon sapittui bangin minthang tu hi.

Joel 2:19

Ama in amate tungah hi bang in zo hi: “Tu in an, sapittui le olive thau kong pia tu a, na lung uh kim tu hi. Minam dangte in no hong zawngsak nawn ngawl tu hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Zechariah 8:12

Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi.

Zechariah 8:8

Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.

Malachi 3:10

Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi.

Malachi 3:11

Lungnote in na lo ante a lalsak buatu a, na sapitkungte sapitnga taw kidimsak tu khi hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?