Hosea 2:16 - Syin Chin Bible

¹⁶ Tuasia ciang kei sia khatvei ka pasal hong ci kik tu a — ama ii Baal hong ci nawn ngawl tu hi.

Hosea 2:16 Iomraidhean Croise

Pianciilna 34:3

Ama in tua numei sia deihuai mama sa a, it ahikom tua nu ii a it natu in zongh hanciam hi.

Isaiah 40:2

Jerusalem mite hanthawn vun. Amate in ngei hialma thuak zo a, tu in a mawna teng kimaisak zo hi ci in son vun. A mawna theampo atu a kicingin amate daan ka pia zo hi,” ci hi.

Isaiah 54:5

Nangma hong bitphuapa in na pasal bang hong hi tu a — ama min sia Vaanglianbelpa Topa ahi hi. Israel te ii a thiangtho Pathian in nang hong ngum tu a — ama in leitung theampo a ukpa ahi hi.

Jeremiah 3:14

“Thumaan ngawl mite awng, hong pai kik tavun; keima ii neisa na hi uh hi. Khuapi sim panin khat tek le bee le phung sim panin nii tek kong la tu a, Zion mual ah kong puak kik tu hi.

Ezekiel 20:35

‘Minamte ii Sennealngam’ a kici na ah kong paipui tu a, tua mun na mai ma ah kong ningkhiin tu hi.

Hosea 2:7

Ama in a lawmpate del tu hi, ahihang pha zo ngawl tu hi. Ama in amate zong ahihang mu ngawl tu hi. Tuasia ciang ama in, “Ka pasal phit sia kungah heak kik ka tong — tua ka kiteen hun lai sia tu a sang nuam zaw ka na ve” ci tu hi.

John 3:29

Mo ahile zineipa ii neisa hi. Ahihang a kungah a ding thu ngai in a om zineipa ii lawmpa in zineipa aw a zaak ciangin a lungdam hi. Hisia in keima lungdamna a pawlcinna ahi hi.

2 Corinth te 11:2

Pathian in note hong thinbot bangma in kei zongh in kong thinbot hi; note sia pasal khat bek taw kiteang tu a kamciam ka piaksa ngaknu thiangtho khat bang na hi uh a, tua pasal in Christ mama ahi hi.

Thupualaakna 19:7

Eite lawpin lungdam tawng; ama ii letna pok tawng! Banghang ziam cile Tuuno mopoai hun hong theng zo a, ama ii mo tu sia in ama le ama kipuua sa in om zo hi.

Thukhente 19:3

Tuasia ciang pasal pa in ama sam kik a, heak pui kik tu in zol sawm hi. Ama in a naseampa le laa nii keng hi. Tua nu in Levi pa inn sungah tumpui a, a pa in a mu ciang pha takin zindo hi.

Ruth 2:13

Ruth in, “Topa awng, nang kei tungah hong dik mama ni hi; Kei na naseamte khat taw zong kikim zo ngawl kasap kamthiam taw nong paupui ciang ka om nuam zaw paih hi,” ci in zo hi.