Hosea 2:15 - Syin Chin Bible

¹⁵ A sapithuante ama tungah ka piakik tu a, Ngimna Kuam sia lam etna kongpi ka suaksak tu hi. A khanmoi lai Egypt ngam pan hong pusua hun bangma in tua munah ka thu hong ngai kik tu hi.

Hosea 2:15 Iomraidhean Croise

1 Kumpite 16:31

Ama atu in Kumpipa Jeroboam bangin a maw tu sia pha zo sa ngawl hi; ama in tua kaanin ngamta a, Jezebel a kici Sidon kumpipa Ethbaal ii tanu teenpui in Baal pathian bia hi.

Psalm Late 106:12

Tuasia ciang a mite in ama kamciamte um in pokna la a sak uh hi.

Psalm Late 129:1

Israel te awng, na khangmoi lai pan ma kipan na ngalte in bangza in hong vawtsia zo ziam ko tungah hong son ta'n.

Isaiah 65:10

Amate in kei hong bia tu uh a, a tuute le a khuite sia a tatna tu mun ahi, nitumna sangah a om Sharon Zaangtam le nisuana sangah a om Ngimna Kuam sungah paipui tu uh hi.

Isaiah 65:21

Mihingte in inn sa tu uh a, tua ii sungah amate ma teang tu uh hi — tua innte sia kuama dang in zangh ngawl tu hi. Amate in sapithuan vawtin a sapittui ne tu uh hi — midang in neaksak ngawl tu hi. Thingkungte bangin, ka mihingte khansau in nungta tu uh hi. Amate ii sep sa nate taw in lungdamin nuamsa tu uh hi.

Jeremiah 2:1

Topa in Jerusalem khua sungah a om mihingte theampo tungah hi thu thangsak tu in kei hong sawl hi.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 29:11

No atu in tupna ka neite sia na tuasiat natu hi ngawlin mi nuamsa na sua natu le mai sangah lametna kong piak natu ngealnate ahi hunlam keima bek in ka he hi.

Jeremiah 3:4

“Tu in kei tungah, ‘Nangma in ka pa na hi a, ka no lai pan kipan kei nong it zo hi.

Jeremiah 32:15

Vaanglianbelpa Topa, Israel ii Pathian in hi ngam sungah a om innte, lote le sapithuante kilei kik tu hi, ci zo hi,” ka ci hi.

Kaa late 3:21

Ahizong hi thu khat ka phaw ciang, lametna hong piang kik hi:

Ezekiel 16:22

Pumpi zuakin a thasiathuai na nuntak sungah na no lai hun — na chisan sungah na pumnguakin na kisasaan lai hun, khatvei beak na phawk ngei bua hi.”

Ezekiel 16:60

Ahihang na khanmoi lai in kong thuciamna ka kholet a, tuaciang a tawntung a kip tu thuciamna khat nang taw ka vawt tu hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Ezekiel 28:25

Vaanglianpipa Topa in, “Israel mite ka thethaang na ngamte panin ka ciapui kik tu a, tuaciang minamte theampo in Keima sia, a thiangtho ka hi hunlam hong he tu uh hi. Ka naseampa Jacob tungah ka piak ngam ahi amate ii ngam ma ah Israel mite teang tu uh hi.

Ezekiel 28:26

Tua munah amate sia ngam muangin teang tu uh hi. Amate in inn sa in sapithuan vawt tu uh hi. Amate a zawnsak vawt a ngampaamte theampo sia daan ka pia tu a, Israel te sia ngam muangin om tu uh hi. Tuasia ciang amate in, Kei sia Topa, a Pathian ka hi sia hong he tu uh hi,” ci hi.

Hosea 11:1

Topa in, “Israel sia patangno khat ahi lai in ama ka it a, ka tapa bangin Egypt ngam pan ka samkhia hi.

Hosea 12:13

Egypt a saltanna pan Israel mite a suatak tu le a keam tu in Topa in kamsaang khat puak hi.

Hosea 12:9

Ahihang, Egypt ngam pan hong pusua pui keima, Topa na Pathian in, senneal ngamsung noma kungah kong pai lai bangma in tuipuan buk sungah kong teangsak kik tu hi.

Hosea 13:4

Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.

Hosea 2:12

A pumpi a kipiak ciang, a lawmpate ii saapna in hong piak hi a ci sapitkungte le theikungte ka siasak tu hi. Ama ii sapithuante le a thingnga huante duipui ka suaksak tu a; ngamsate in susia tu hi.

Amos 9:14

Ka mite a ngam a lei ah ka paipui kik tu hi. A khuapi zaancip sate, sa kikin, tua munah amate teang tu uh hi; Amate in sapithuan vawtin sapittui ne tu uh hi. Amate in huan vawt tu a, a ciinte ne tu uh hi.

Zechariah 9:12

Tu in lametna a nei no, saltaangte awng, heak kik vun; na ngam muanna munah heak kik tavun. Na thuakna sa theampo hangin a zaa nii in thupha kong piak kik natu thu, tu in note tungah kong son hi.

Mi Simna 21:17

Tua laitakin Israel mite in hi la sak uh hi: “Tuikhuk te awng, na tui phuulsak vun; Lasakna taw muak tu khu hi —

John 10:9

Keima in kongpi ka hi hi. A kuama po kei hong tawnin a tumte kingum tu hi; amate sungtang si, pusuak si tu a, nganthana mun mu tu hi.

Sawltakte 14:27

Antioch a thet uh ciangin, amate in, pawlpi mite khawmtua a, amate tungah, Pathian nasepna theampo le Gentile te ii thu a up natu lampi a honsakna thute son uh hi.

Joshua 7:26

Amate in ama luang tungah suangtum khawlpui khat seng uh hi, tuasia tu ni dongin om hi. Tua hu in tua mun sia Ngimna Kuam kici lai hi. Tuasia ciang Topa a thinso nawn ngawl hi.

Thukhente 8:34

tuaciang amate in Topa a Pathian ii a kiim a paam a ngalte khut sung pan a hunpa na a seam nawn bua hi.