Hosea 2:14 - Syin Chin Bible

¹⁴ Tua ahikom sennealngam sungah ama ka paipui kik tu a; tua munah ki itna kam taw ama ka zol kik tu hi.

Hosea 2:14 Iomraidhean Croise

Pianciilna 34:3

Ama in tua numei sia deihuai mama sa a, it ahikom tua nu ii a it natu in zongh hanciam hi.

Job 36:16

Pathian in nang ngimna sung pan hong la khia a, tuaciang ngammuangin hong lungnuamsak a, na sabuai tungah anlim nawno hong kilui veuvo hi.

Solomon ii La 1:4

Hong pui ta'n a, ih tai tu hi; ka kumpipa hong hi ta'n a, na inndoi sungah hong paipui ta'n. Ih lungdam khawm tu a, nasia tak dawn khawmin, ki itna sungah suakta takin ih omkhawm tu hi. Numei theampo ii nang hong it sia lamdang ngawl hi!

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 5:5

“Hi bangin ka sapithuan tungah ka vawt tu hi; a kiim uumna dalte ka lakeak tu a, a dalna ngawlte thiaktanin, ngamsate in ka nesak tu a, ka tuanhcilsak tu hi.

Jeremiah 16:14

Topa in, “Egypt ngam pan Israel mite a paipui, a nungta Pathian ka hina bangin keima min taw mihingte a kiciam nawn ngawl hun hong theng tu hi.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 45:4

“Ahihang, Keima, Topa in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi.

Ezekiel 20:10

“Tua ahikom Egypt ngam pan sennealngam ah ka paipui hi.

Ezekiel 20:33

“Kei, Vaanglianpipa Topa sia a nungta takpi Pathian ka hi bangma, na kidawm vun, ka thin uuk hu in a thahat khut le ka vaangletna theampo taw kong uk tu hi.

Hosea 2:3

A kheal buale a suani in a pumnguak a om bangin a nik a puan ka sutkeaksak tu hi. Leiko le lei kolhna mun taw kibangin ama ka vawt tu a, dangko in thi tu hi.

Micah 1:7

A milim manpha theampo a bebekin kisunen tu a, biakinn sungah pumpi zuak numeite a kipia nate theampo mei taw kihaltum tu hi, tuaciang a milimte theampo sia a kinusia vuumthuk khat suak tu hi. Samaria in hi nate sia a pungto a sua natu poai vawt natu in a nga uh hi a, tu in a ngalte in tuate sia biakinn sung pumpi kizuakte atu in mundang ah puak tu uh hi,” ci hi.

Micah 4:10

Jerusalem mite awng, nausuak tu numei bangin kisaan in tau vun, banghang ziam cile tu in khuapi na nusia tu uh a, ngam taanzau sungah na teang tu uh hi. Babylon ah na pai uh kul tu hi, ahizong tua munah Topa in na ngalte khut sung pan hong hun tu hi.

John 12:32

Leitung pan hong kilapto ciangin mihing theampo ka kungah ka kai tu hi,” ci hi.

John 6:44

Kei hong sawl Pa in kei kungah hong puak buale, kuama kei kungah hong pai thei ngawl hi; tuaciang ni tawpkhak ni ciang nuntakna sungah ama ka thosak tu hi.

Thupualaakna 12:14

Tua numei sia sennealngam ama omna a zot natu in muvanlai lian khat ii thakhui nii kipia a, tua munah kum thum le kum lang sung ngulpui ii sim natu pan kikeamcing tu hi.

Thupualaakna 12:6

Numei sia sennealngam sungah tai a, Pathian vawt kholsaksa tuak munah ni 1,260 dong ama kikeamcing tu hi.

Thukhente 19:3

Tuasia ciang pasal pa in ama sam kik a, heak pui kik tu in zol sawm hi. Ama in a naseampa le laa nii keng hi. Tua nu in Levi pa inn sungah tumpui a, a pa in a mu ciang pha takin zindo hi.