Hosea 2:13 - Syin Chin Bible

¹³ Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Hosea 2:13 Iomraidhean Croise

2 Kumpite 1:2

Israel kumpipa Ahaziah sia ama ii Samaria kumpi inn tung dawl thaam tung panin taak a, nasia takin liam hi. Tua ahikom ama in Philistine khuapi Ekron ah kamtai paisak a, a dam kik tu le a dam nawn ngawl tu Philistine te pathian Baalzebub donghsak hi.

2 Kumpite 10:28

Tuabangin Jehu in Israel ngam ah Baal biakna phiat siat hi.

2 Kumpite 21:3

A pa Hezekiah ii a suksiatcip sa doai biate ii biakpiakna munte ama in sa kik hi; Israel kumpipa Ahab ii vawt bang keak ma in ama in Baal biak natu biaknataute sa in, Asherah numeipathian ii milim vawt hi. Manasseh in aksite zongh bia hi.

Job 8:13

Pathian selte sia tua pumpate taw kibang hi; Pathian a makngil uh po ciang a lametna bo hi.

Psalm Late 106:13

Ahihang amate in ama sep sa teng mangil pai uh a, ama ii ngaisut piakna ngak ngawlin ngamta uh hi.

Psalm Late 106:21

Egypt ngam sungah ama ii a nasia mama sepnate taw amate a hun Pathian, amate in mangil uh hi.

Psalm Late 78:11

Ama sep sate le, nalamdang lakna a vawt a mu uhte amate in a mangil zo uh hi.

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Isaiah 65:7

amate ii mawnate le a taanghpupite ii mawnate hangin amate in ka thuaksak tu hi. Amate in doaibiakna mual tungah paaknamtui halin keima hong sonsia uh hi. Tua ahiciang amate ii ngamtatna sate taw kizui in a kilawm bangin daan ka pia tu hi,” ci hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 2:32

Ngaknu khat in a kizepna suang manphate, ahibuale mothak khat in a mopuante mangil thei ziam? Ahihang ka mite in a kisim zo ngawl ni tam mama sung hong mangil zo uh hi.

Jeremiah 23:2

Ama mihingte keamcing tu a, a kingaisun ngamukte taw kisai in Topa, Israel ii Pathian in hi bangin ci hi: “Ka mihingte nong kepcingsak bua uh hi; na thethaang zo a na hawlkeak uh hi. A sia na vawt uh hu in tu in daan kong pia tu hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Kaa late 1:4

Ni thiangtho nite ah biakna vawt tu in, Biakinnpi ah kuama hong pai ngawl hi. Tua munah lasa ngaknute in ngim thuak a, a thiampite mau vangui thei bek hi. Khuapi kongpite hawm a, Zion in ngim thuak hi.

Kaa late 5:14

Khanghaamte khuapi kongpi ah to nawn ngawl a, khangmoite sia tengtongh tum nawn ngawl uh hi.

Ezekiel 16:12

Naakbaa le bilbaate, tuaciang na khuk tu a hoi mama kumpilukhu kong pia hi.

Ezekiel 16:17

Ngunn le khamh kizepna kong piakte la in, pa milimte vawtna in na nei a, tuate taw palngul mawna na vawt hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Ezekiel 23:35

Tu in hisia Vaanglianpipa Topa ii ci ahi hi: “Kei hong mangil in hong nungngat na hi ciang na sikvilna le na pumpi zuakna hu in ngim na thuak tu hi.”

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 13:1

Hun bosa sungah Ephraim namte a pau ciang, Israel nam dangte lau a; amate in Ephraim thupi et hi. Ahihang tua mite Baal bia in mawna vawt ahi uh ciang hi sia hu in amate thi tu uh hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 2:7

Ama in a lawmpate del tu hi, ahihang pha zo ngawl tu hi. Ama in amate zong ahihang mu ngawl tu hi. Tuasia ciang ama in, “Ka pasal phit sia kungah heak kik ka tong — tua ka kiteen hun lai sia tu a sang nuam zaw ka na ve” ci tu hi.

Hosea 4:13

Amate in mualpi dawn mun thiangthote ah sangaw biakpiaknate pia in, mualnote tung thingkung a saang, a boaite nuai ah ngimnamtui hal uh hi, banghang ziam cile tua thinglim te nuam mama hi! “Tua hu in, na tanute sia pumpi zuakte suak a, na mote in palngul mawna vawt uh hi.

Hosea 4:6

Ka mite in kei hong saang ngawl ahikom a lal hi zo hi. No thiampite in kei hong saang ngawlin kong hilnate hong nial nu hi, tua ahikom no kong nial a, na tapate ka thiampi tu in ka saang buatu hi.

Hosea 8:14

“Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

Thuhil kikna 32:18

Amate in a vaanglian ngumpa, amate nuntakna a pia pa, a Pathian mangil uh hi.

Thuhil kikna 6:12

sila in na omna Egypt pan hong suatak Topa mangil peuma heak vun.

Thukhente 10:6

Khatvei ma Israel te in Baal te, Astarte te, Syria te, Sidon te, Moab te, Ammon te le Philistia te ii pathiante zongh a biakna uh taw Topa tungah maw uh hi. Amate in Topa nusia uh a, ama a biak uh tawp hi.

Thukhente 3:7

Israel mite in Topa amate ii Pathian mangil ta uh hi; Ama tungah amate maw a, Baal le Asherah milimte bia uh hi.

1 Samuel 12:9

Ahihang mite in Topa a Pathian mangil a, tuasia ciang ama in Philistine te, Moab kumpipa le Hazor khuapi ii ngalkaphonpi ukpa Sisera te in na taanghpupite simsak a, zothal hi.