Hosea 2:11 - Syin Chin Bible

¹¹ Ama ii poai khaamnate theampo — kum sim le tha sim a poaite le Sabbath poaite — a biakna taw kisai kikhopna theampo ka bosak tu hi.

Hosea 2:11 Iomraidhean Croise

1 Kumpite 12:32

Judah poaipi taw kibangin Jeroboam in biakna poaipi khat zongh tha liat tha, ni sawm le ni nga ni in phuan hi. Ama in Bethel biaknatau tungah a khamh khuitalno a vawtte a tu in biakpiaknate pia a, ama saksa Bethel biakna tu munte ah a seam tu in thiampite koi hi.

Jeremiah 16:9

Vaanglianbelpa Topa Israel te ii Pathian keima ii ka son tu thute ngai in. Ngualnopna awte, lungdamna le mopoai ngualnopna awte ka thimsak tu hi. Hi lai ah a om mihingte, hi thupiang sia mu tu in nungta tu uh hi.

Jeremiah 25:10

Amate lungdam in a au nate, lungdam lawpna le mopoai sung lungdamna awngingte ka thimsak tu hi. Amate in a meiinnte atu in meitui nei ngawl tu uh a, neak tu antang om nawn ngawl tu hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Ezekiel 26:13

Na lasak uhte ka tawlngasak tu a, na tum uh tengtongh music awte ka thimsak tu hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Hosea 5:7

Amate Topa tungah thumaan ngawl a; a tate Topa neisa hi ngawl hi. Tua hi a, tu in amate le a ngam a lei kisusia pal tu hi.

Thiampite 26:20

Hanciam in na nasepna theampo a luithawthong hi tu hi, banghang ziam cile na leitang pan an piang ngawl tu a, thingnote a nga nga ngawl tu hi.

Amos 5:21

Topa in, “Na biakna poaite ngaimaw khi hi; tuate sia kiihuai sa khi hi!

Amos 8:3

Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Amos 8:5

Noma le noma “ih antang ih zuak thei natu in ni thiangthote a bo tu ih ngak zo bua phial hi. Sumzuak ih kipat thei kik na tu in bang hun ciang Sabbath kiman tu ziam? Tuasia ciang, khaikhin maan ngawlte zanghin van leite a toai phaza theam a, na man ih khan thei tu hi.

Nahum 1:10

Lingngui kivialte le taangphaw ko bangin no zukhamte hong kihaltum tu hi!