Hosea 2:10 - Syin Chin Bible

¹⁰ A lawmpate mai ah a nguaktangin om tu in a puan a nikte ka suukeaksak tu a, kuama in ka khut sung pan ama hun zo ngawl tu hi.

Hosea 2:10 Iomraidhean Croise

2 Khangtaanghthu 24:7

(Nupi thimthel Athaliah ii nungzuite in Biakinnpi susia in biakinn vanh thiangtho tam mamate Baal biakna in zangh zo hi.)

Psalm Late 50:22

“No, kei hong ngaingonte awng, hi thu ngai vun, tua ahibuale kong susia tu hi, tuaciang no hong hun tu kuama a om buatu hi.

Paunakte 11:21

Mihing ngilote daan kipia tu ci sia a pealmaw hi, ahihang thutang mite ahile suakta tu hi.

Isaiah 3:17

Ahihang amate daan ka pia tu hi — a sam uh ka meetsak tu a, lutol in ka nusia tu hi,” ci hi.

Jeremiah 13:22

Banghangin, hi thute theampo na tungah hong piang ziam — banghangin na puante hong kileamkeak sakin, hong kibuan a, hong kikhialpui ziam ci in na dongh le — na mawna a nasiat lei lawlawm hang ahi hi.

Jeremiah 13:26

Topa ama mama in noma puante hong hawkeaksak tu a, a maizum tu in hong pholaak tu hi.

Ezekiel 16:16

Na puansilh pawlkhatte na biakpiakna munte zepna in na nei a, pumpi zuak numeite bangma in na pumpi sia na sik theampo na pia hi.

Ezekiel 16:19

Na neak tu an — anvui phabel, olive thau le khuaitui kong pia hi — ahihang milimte tung pan maipha na nga nopna taw milim biakpiak in na nei hi.” Hi sia Vaanglianpipa Topa ii ci ahi hi.

Ezekiel 23:29

Tuaciang amate in nang hong ensan ahikom, na thalaw sa theampo hong laaksak tu a, tuaciang na puan hong suutsakin pumpi zuak khat bangin hong pholaak tu hi. Na sikvilna le na pumpi zuakna in

Hosea 10:1

Israel mite sia a ngathiam sapitkung khat taw kibang hi. A ci thei vaial ciang biaknatau tam seseam vawt uh hi. A leitang panin a piang a tam seseam ciang a biak uh suangkhuam thiangthote zepna hoisak vaial uh hi.

Hosea 13:1

Hun bosa sungah Ephraim namte a pau ciang, Israel nam dangte lau a; amate in Ephraim thupi et hi. Ahihang tua mite Baal bia in mawna vawt ahi uh ciang hi sia hu in amate thi tu uh hi.

Hosea 2:3

A kheal buale a suani in a pumnguak a om bangin a nik a puan ka sutkeaksak tu hi. Leiko le lei kolhna mun taw kibangin ama ka vawt tu a, dangko in thi tu hi.

Hosea 6:9

Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

Micah 5:8

Minamte sungah a taanglai mite sia duisung ahibuale, ngamsa tatna mun ah, an zong tawpi savai khat bang hi tu hi: ama in tuuhon sungah tum a, tuute manin a bek a bekin laai a — tuaciang suatak natu lametna om ngawl hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.